المارشال (متوقفة حاليا )

البارت: 29

     ۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                                 البـــــارت :  29. #

عند حيدر..

دخل لدار والشوميز ديالو لي كانت بيضا ولات تغونسباغون بقوة العرق لاصقا عليه وصدرو كلو مفصل من تحتها .. راسو كيضرو عاطيه الحريق ملي دخل وهو كيدلكو والو واش بيهدا عليه.. زمجر بقوة فاش حس بلي الحريق غير مكيتزاد

حيدر( بصوت قوي) : قسسسسسسمممم

نزلات عندو كتجري فاش سمعاتو عيط عليها ... قربات ليه خلعها كان شاد فالحيط واليد الأخرى كيمسد بيها راسو

قسم : ب.. باباااا مالك

حيدر :  كينة ديال رأس صيفطيها مع أمينة لبيتي.. داباااا

طلع وخلاها مخلوعة عليه.. مشات لكوزينة مابغاتش تخلي الخدامة لي طلع ليه تحاول تشوفو مالو.. هزات الكينة ديال الراس وقرعات الما من ثلاجة وطلعات عندو

دخلات بشويا بان ليها جالس غير بنصوو الفوقاني على الناموسية وشعرو ماشادوش بالبانظة طايح ليه على وجهو وكيزيد يدلك راسو..

قسم بلعات ريقها ودخلات عندو : بابا شويا؟؟

وما ليها براسو باش تحط داكشي لي فيديها.. شافت فيه حتى عيات عارفا طبع باباها لذلك فضلات انها تحط داكشي وتخرج.. هو شافها فاش خرجات ناض وزمجراتو الرجولية كتخرج من فمو بقوة الحريق

خدا الكينة وشرب الما وراها.. هز راسو كيشوف فالسقف كيحاول يرتاح ومايركزش مع الحريق باش مايتزادش عليه.. نزل عينيه لطرف من السرير وشبح إبتسامة على وجهو.. قرب لفين هربو عينيه وهو كارز على الغطا مفكر فاش جابها لهنا كعقاب باش تبعد من ولدو..

حيدر ( بنبرة فاترة) : كديري لي فراسك.. ها حنا غانشوفو!!

لاح  حوايجو  فالسلة ديال الصابون.. ودخل للدوش باش يزيد يرتاح خصوصا فاش الكينة هبطات من حدة الآلم لي فيه..

كانت كتغاوت هي وياها فالصالون وشد ليا نقطع ليك وزهرة وسطهم كتسمع غير الله يرضي عليك

بلقيس ( خرجات فيها عينيها) : اويلي على تقبتي ليه راسووووو اويلي واش مريضة فكرك ( شافت فماماها) سمحليناااا على الهضور الخايبة ( رجعات شافت صاحبتها) اششش قلت ليك بعدي منوووووووو

ضياء : ايوا انا عطيتو غير جوااابووووو وتا دابا.. شكرا

كانت نايضا وهي تجرها ليها مقرصااااها : واش دايراهاااا قد راسك ومازال كتهضري

ضياء : مقدرتش نصبر مارضيتش يحكَر عليك وعطيييتو باش يتعلم اصلا هذاك نوع انا لي عارفاه

بلقيس : اش غااااتعرفي فيه مثلا اش سيري بعدي منوووو صافي عطيه بتيساع

ضياء : صافي اصلا تقبت ليه راسو هاني مبعدا

بلقيس : لا كون تقبتيه نيييت هوووو... لا حول يا ربي سلامة

#يتبع