المارشال (متوقفة حاليا )

البارت : 61

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  61. #

وقفات مدهشرة نيشان قدام طاجيرا لي فيها ليث.. وما ليه حيدر  يحل ليها وخرج هو و بلقيس مخليها مع ناصر..تشوف ولدها ولاضبر لراسها

خداها لشامبر باش ترتاح وتجمع رأسها شويا..

كانت كتشوف فولدها قدامها مجبد  .. طرف من كبدتها  جثة بلا روح.. تسامحات معاه  بلا رد منو .. كيف كيقولو البكا ورا الميت خسارة.. خرجو من تم و حالتها عالم بيها غير الله.. حسات بالدنيا كضور بيها بان ليها غير ناصر لي شدات فيه 

زهرة (كتمتم) : كيفاش هادشي شرح ليا عفاك مافهمتش بغيت نعرف.. كيفاش ولدي وصل عند خوك ناصر قلبي كيتشوا ا ناصر قول ليا..

ناصر ماصبرش يشوفها فهاد الحالة جرها ليه من ذراعها معنقها وزادت تفركَعات فحضنو.. ماقدراتش تقاوم حتى بان ليه واحد الفرملي وهو يعيط عليه باش يجيب ليه شي كالمون تنعس شويا لاقدر الله هادشي كيأدي لحالات هستيرية..

دازت ديك ليلة كحلة عليهم وشي فراسو خبر الموت شي مافراسوش يعني بهاد المعنى حريرة عندهم..

طلع الصباح الجو كان مغيم بحالا كيعبر عليهم نيت.. كانت شامبر ديال بلقيس ملاصقا مع لشامبر ديال زهرة.. ناصر لي كان ناعس على الفوتوي بقا مقابلها حتى جوايه الفجر ونعس.. أما حيدر كيمشي ويجي ليها على رأسها كل مرة كيحط صبعو السبابة تحت نيفها يتأكد واش  نفسها نورمال ولالا .. تيلفونو مازكَاش من الميساجات كلشي تعرم عليه..

وصلات جوايه تسعود والأمور باقي مخربقة.. خرج من حداها ماشي لتحت باش يهضر على راحتو.. ودوز الخط لمحامي يلاه يبدأ معاه

حيدر ( كان صوتو مزعزع حينت بقا فايق) : لؤي بغيت الدعوة ترفع اليوم..  ورفع دعوة ديال الطلاق خليها انا لي غا نتكلف بيها..

قطع عليه وطلع راجع عندهم فطريقو تلقا مع صاحبو (الطبيب).. قاليه بلي رآه كلشي سالا خاصو غير يدوز يوقع وبإمكانو يهز ولدو..

وداكشي لي كان كلف ناصر يهز زهرة باش يسبقوه لفيلا.. هو غاتبقا معاه بلقيس ويدي ليث فلومبيلونص تشوفو حتى ختو و يعيط على مو..

خرج من البيرو ديال لوبيطال ماسح على وجهو كيحس براسو تشمت وضيع أمانة من سيدي ربي.. ماعقلش على راسو حتى ضرب يديه مع الحيط..

خرجات من شامبر .. سالفها مطلوق و بشرتها شاحبة خرجات كتقلب على مها فين هي من البارح ماباقي سمعات عليها والو.. ماشعراتش برأسها حتى لقات رأسها قدام الفريكَو فين كاين خوها.. حطات يدياتها على الباب بحسرة واليد الأخرى على جهة قلبها كتبكي وتستنجد بالله عز وجل.. صوت شهقات صغار كيتسمع منها حتى قفزات فاش سمعات غوات رجولي مسحوب بضربة قوية .. غير لمحاتو وهي تشهق

بلقيس ( بصوت عال) : حيدرررررر

#يتبع

نوقفو لحد هنا عارفا رأسي غبرت عليكم البارتات مكتوبين ولكن جهد باش نبقى نكوبي ونحط مكاينش.. غير نرجع من سفر ونكمل كتابه وحتى نتوما نحط ليكم هنا..

تشاو