المارشال (متوقفة حاليا )

البارت : 65

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  64. #

دخلات قسم لومبيلونص .. بان ليها  واحد صندوق طويل بحال شكل ثابوت.. وقفات بصدمة قدامو مازال حتى هي ماتيقاتش.. طاحت على ركابيها وبقات شحال كتسامح معاه.. نفس الشي طرا معاهم كلهم حتى وصلو لزهرة طلعات جهتو كتحسس الصندوق كلو ملي دخلات

زهرة ( كتمسح بشويا على جناب الصندوق) : ولدي.. طرف من كبدتي.. ماسخيتش بيك اولدي.. نهار هزيتك بين يدي مكانتش الفرحة قداني.. نهار ولدت بلقيس شحال كنتِ فرحان بيها.. انت لي كنتي كتقابلها.. كنت حنين اولدي ولكن شاءت الظروف تفارقنا وتكتب ليا مصيري هكدا.. معليش معليش قابلا بقضاء الله و قدرو الله يغفر ليا ويغفر ليك فمماتك ويثبتك عند السؤال.. انا مغاديش نبكي صافي.. عارفاك كتسمعني ومغاديش نبكي حينت مابغيتش نعدبك واخا عارفاك كتكرهني.. ولكن دعيت الله كل نهار كل ليلة كنخليك فرقابة الله وربي حماك وحطك مع واحد لي رباك حسن من كيف غايربيك باك الأصلي.. الله يجعل مثواك الجنة..

باست الصندوق وخرجات عندهم.. لقاتهم كلهم واقفين من غير حيدر لي ييلاه خرج من دار جايبها..

بلقيس ( طلعات بشويا وهي تجلس حداه) : حبيبي.. خويا.. ماشبعتش منك تشهيتك حدايا وتشوفني كنتخرج طبيبة كيف كنا كنلعبو وحنا صغار ولكن هادشي مابقاش ولا بخار صافي.. مشا معاك فاش مشيتي.. سمحليا اخويا سمحليا

حيدر كان واقف على الباب كيشوف فيها تنهد بقوة.. شافها نايضا وهو يجونا لطوموبيل.. طلعات معاه ماماه وسيدة لي شافت بلقيس.. أما ناصر مشات معاه زهرة وقسم ومريم لي مغددة

دخلو للمقبرة.. كان مازال ماعلنش على خبر موت ولدو  مباغيش تاحد يوصلو دابا.. حتى صحافة دار ليهم الخدمة لي تليق بيهم وخلاهم مافاهمين والو

سالات الجنازة وسالا كلشي كانو كيقراو الفاتحة على قبرو.. وهي واقفا حداه هازا كفوفها للسما حتى حسات بشي حد دفعها تا كانت غاطيح..شافت فيها و عقدات غوباشتها فيها لقاتها مراتو 

علا فيهم عينيه يلاه بغا يهضر وهي ترجع بلقيس لور دغيا شدها قبل ما طيح.. حطات يديها على يديه لي فوق خصرها و عينيهم فبعض.. قراو بعضياتهم ولقاو راسهم بزوجهم واكلين نفس الدقة بزوجهم ضحية لعبة الماضي لي تاحد مازال ما فهم والو..

#بعد_ساعتين

كانو جالسين فالصالة.. كلو بلدي مفرش بالبوردو و الذهبي.. من الشكيل ديالو دافي.. كلهم جالسين كيشرح ليهم.. كيفاش وإمتا وشنو وقع..

بلقيس ( حطات يديها على طبلة هضرات ببحة.) : كيفاش مكنتيش عارف علاش وإمتا عرفتي..

حيدر ( شاف فيها) : عرفتها غير ولبارح رآه لادات فيها.. زهرة عاودي لينا كيفاش تا هاد الولد وصل عندي   ( كان كيهضر ومكيشوفش فيها) هضررري شهاد الويل لي درتي

ناصر (ضغط على سنانو) : حيدررر

حيدر ( خنزر فيه) : مالنا حيدر.. اكما معول تربي معاها ولادك تا انت

ناصر ( خبط طابلة) : حيدرررررر خلينا محتارمينك

مُهرة ناضت دغيا شدات ناصر كتهدن فيه وزهرة تجمعو فعينيها الدموع.. عارفا رأسها مذنبة شنو كتسنا يتلقاو بالحليب والتمر

زهرة ( كتمتم) : ليث ليث ( مسحات دموعها وهزات عينيها فبلقيس) كنت مزوجة بجنرال.. راجل ميسور و بزاف كَاع ( حيدر سمع ديك جنرال وهو يحط يديه على طابلة مركز) كان عامنا لول مزيان حتى عرفت رأسي حاملة بليث دازو الأمور مزيان ولدتو وحملت ببلقيس.. دازو ثلث سنين  من ورا ولادتها ديك ساعة ليث عندو خمس سنين.. واحد نهار كنسمع نصير (تسمعات حيطة فالطبلة)

حيدر (بصوت مرتفع) : شنوووو شنو سميتو

زهرة ( شدات فذراع ناصر خايفا) : ن..نصير

#يتبع