المارشال (متوقفة حاليا )

البارت : 15

۞ ما خلــف ستار العشق ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

البـــــارت : 15. #

حطو البنات داكشي لي قسم الله.. أتاي بالنعناع مشحر تقول غير تعميرة صحراوية.. الحلوة لي منوعة فيها ديال اللوز و الفقاص وشي شكيلات ديال صابلي.. وشنيك ديال دار و البغرير والمسمن هادشي كلو هاد اليوماين لي نعسات فيهم زهرة فالسبيطار غاتنمات بلقيس الفرصة.. وجات لدار صاحبتها صايبات شي بركة من كل حاجة وسطوكاتها فبيتهم.. مليكة ماتعتقهاش واخا حتى بطريف الخبز وهي عارفا ماماها شحال مداخلا مع الناس غير غايسمعوها كَاع وصلات حتى لسبيطار كلشي غايتكب عليهم

جلسات بشويا حدا ماماها معدلا ليها المخدة و ضياء كتقلب فأتاي باش يشد التعميرة ديالو

زهرة : الله يرضي عليك ابنتي دنيا و اخرة

بلقيس : (تحنات على رأس ماماها بايساه ليها وباست ليها يدياتها) : الله يخليك ليا انوارة حياتي.. أشميعة لي مضويا قلبي

ضياء ضارت شافت فيهم مبتاسمة حتى تم ناصر داخل جلس معاهم وهو كيشوف فالطبلة لي كانت مغربية مية فالمية : تبارك الله عليكم هادي هي الطبلة المغربية و لا فلا

زهرة : عندك الحق تبارك الله على البنات

بلقيس غير ومات برأسها وضياء هبطات وجهها ليديها كتلعب بيهم.. دازت شي ساعة ديال مكَانة بين ماكلتهم والاسئلة لي كيطرح على البنات بخصوص قرايتهم و التخصص لي دارو واش مقتانعين بيه .. حتى ناضو كيجمعو طبلة وهو يغتانم الفرصة نايض جهة زهرة وجلس حداها

ناصر : مدام زهرة بغيت نهضر معاك

زهرة : ايه اسي ناصر (تعدلات بشويا) اكما واقعا شي حاجة

ناصر : لا غير الخير غير الخير.. (جبد شي فلوس من الجيب وعطاهم ليها) عتابريهم إعتذار مني وفنفس الوقت تعاوني بيهم بينما رجعتي لخدمتك

زهرة : (ديكساع رجعات ليه فلوسو) لا الغلط كيوقع والفلوس مغانخدهمش الحاجة لي مخدمتش فيها ماشي ديالي.. وانت اصلا ما درتي والو

ناصر : ( شاف فيها شحال رأسها قاصح وهو ينطق) واخا عتابريهم سلف حتى ترجعي غير صحتك وديك ساعة ردي ليا الآلة وقتما بغيتي

زهرة : ( هبطات عينيها للفلوس وهزاتهم فيه عاوتاني) سلف.. سلف متأكد

ناصر : اه متأكد حتى توجد وقتما و جيبيها ليا

ومات ليه برأسها ورجعو البنات توادعو معاه وخرج تحت أنظار الجيران.. كل وحدة واش كتخرف واشمن قصة دارتها باش يطعنو فعرض وشرف الناس ويلقاو باش يهضرو فاش يتجمعو على براد اتاي..

ضياء عاوناتها غسلو الماعن ردو الكوزينة كتشعل وزهرة كانت ضورات لمها لي قالت ليها مشاو لبلاد عندهم شي ورث غايفرقوه وضروري من الخوت يحضرو

خوات دنيا وظلمة طاحت.. ضياء قصدات دارهم وبلقيس جات حدا ماماها جالسة

بلقيس : احح الله المشاقف والو واش كيتقداو

زهرة : ( حطات يديها على فخذ بنتها مبتاسمة) الله يخليك ليا اقطرة الحليب ديالي

بلقيس هنا قهقهات على ديك قطرة الحليب.. حينت بيضا وحروفها كحلين يعني بياض بشرتها ناصع وباين لا شفتيها تحلف عليها عايشا مع الاسيويين : هانا ليك على تعناب جديدة عندك هادي اماما قطرة الحليب

زهرة : وعلاه مالكي ما شاء الله على مزيناتك وعلى مابيضاتك.. عار الله لما سيري غذا لحمام حيدي عليك غير ذنوب وسخك

بلقيس : (بطنز) أحياني عليك.. ايوا الآلة انا مغانمشيش لحمام حتى تصحاحي ونمشي نكسلك

زهرة : لاواه لاواه سيري نتي بعدا باش فاش نصحاح انا يكون حالي ساهل دغيا تكسليني ونخرجو

بتاسمات ليها بلقيس حاطا رأسها على صدرها متنغمة بهاد الهدوء لي قليل فين كيكون فهاد دار

#يتبع..

انا عيت من نقول كل نهار تفاعلو تفاعلو نتوما واشنو قالت ليكم نفسكم و تا انا غا نحبس وقتما قالت ليا نفسي وغادي نكتب وقتما ✨🎀