المارشال (متوقفة حاليا )

البارت : 58

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  58. #

خدا شويا من شعرها بين يديه كيشمو بهدوء وهي بقا جالسا فوقو .. يديه الأخرى كتحسس مرة فخاضها ومرة خصرها وعينيه على يديها لي فيها سيروم

وليد ( شرد حتى بدا يهضر) : اههه قصة الوليد .. الوليدة والوليد تلاقاو المكسيك بحال زوج ناس جمعهم القدر .. كان هو خدام نائب رئيس شركة الشراب .. و الواليدة الله يرحمها كانت خدامة فواحد ديسكو .. يعني تخيليها نتي كيفاش غايتلاقاو.. بزوجهم مغاربة و بزوجهم عاشو فنفس الطبقة.. وبزوجهم كيجري فيهم دم حار دم المغاربة

علات عويناتها فيه  جارا ليه يديه لي فوق خصرها كتحسسها.. بحالا كتقوليه انا معاك هنا غير كمل

وليد ( تنهد برجولية) : دازو عامين الواليد كان كيغير على الواليدة لدرجة هستيرية مكانتش كتجيني نورمال .. تزوجو وبطبيعة الحال خرجات من الديسكو و ولات ربة بيت ..  مزوجة وجالسا معززة مكرمة كتحتارم راجلها سوا فحضورو سوا فغيابو.. ولداتني انا و الواليد فاش كانت عندي ديك 7 سنين مكيبانش ليا نورمال كَاع ملي عقلت على راسي كنشوف فيها الله يرحمها شي جرحات ماشي ديال درتيهم لراسك لنفترض مايمكنش توصل بيك الجرأة انك تحرقي راسك .. لدرجة كنسمعو كيعنفها حتى فالسرير.. معاشرتهم لبعض مكانتش صافا.. واحد نهار كانو يلاه سالاو فاش خرجات ماقدراتش تمشا حتى لقينا دم تحتها.. هذاك هو نهار الكابوس (مسح على لحيتو) بسباب نعاسو معاها فقدات خويا.. غير خرجات من سبيطار كنعقل كانت يلاه خرجات من اوبيغاسيون ديالها وبكل وحشية وبلا إنسانية خداها وعيت نطلبو عييييت حملها ذنب أنها مهملة هي لي ماخلات ما دارت باش تحافظ عليا وعليه كيجي بكل وقاحة كيقوليها نتي متستاهليش تكوني أم ..  مارس معاها داك نهار قدامي بألات حادة ألات لي كتخشا فالواليدة.. وبيديه بيديه بزوج قتلها.. قتلها قدامي اضياء قداااامي والواليدة عااااامرا دميااات وانا ماقدرت ندير والو.. شدني دخلني لاكاف وكوا واحد الموس حطو ليا على لساني كويات خفاف باش منهضرش نهائيا.. وتصحابك وقف هناا (نفا براسو) هز الجثة ديالها وحلها قدامي

رجع راسو لور ماقدرش يكمل نهائيا.. هز نفس كبيرة وطلقها فنفس الوقت حس بحضنها الدافي وصدرها على صدرو كتنخصص بحال شي بنيتة صغيرة

ضياء ( كتبكي ودموعها بللو ليه تيشرت) : س.. سمحليا انا مكنتش كنظن غانفكرك فأسوء تجربة فحياتك.. انا غير شدني الفضول فاش قلتي باباك كيعدبها وبقا بالي معاك.. عارفا هادشي علاش درتيه..

وليد ( شد ليها وجهها بين يديه) : تيقي فيا أ ضياء انا ماشي إنسان خايب نهائيا ولكن انا كنت كنشوف تاحد مايستاحق يعيش من ورا ماخسرت الواليدة.. تاحد (حط جبهتو على جبهتها) تيقي بيا انا مالقيتش لي يشدني بحال هاد شدة.. كنت بحال شي مدمن بحالهممم.. ضياء عمرني شكرت شي حد ولكن نتي نقدتي الروح لي عزيزة على الله روح لي لي كبيرة..

شاف فشفايفها لي كتقضمهم باش تحبس دموعها وهو يعصر ليها خدودها حتى رخفاتهم ونزل عليهم كيبوسها بهدوء قاطعهم غير صوت تيلفونها..

.. ..

كانت واقفا فالدوش كتصاوب زيف حياتي باش ضربها بواحد التسيقية.. سمعات تيلفونها كيصوني.. تفرجات فشي شهيوات ديال حليمة الفيلالي وحطاتو قالت ضربها بتسيقية وتصاوب شي شهيوة من شهيواتها.. طلعات ليها نمرة ناصر وهي دوز

زهرة ( بصوت منخافض) : ألو

ناصر : زهرة لباس عليك.. وجدي راسك انا دايز عليك..

زهرة : لالا ممسالياش صراحة

ناصر : زهرررة لبسي عليك بنتك فالسبيطار

زهرة ( تصدمات بحالا كبيتي عليها سطل ديال الما وهي تبدأ تفتف عليه) : ك.. كيفاش

ناصر( غوت بجهد) : وطلقييييينا واش خدام انا هنا بالخشيبات..

قطع عليها تيلفون ولاحو لور.. بينما هي بقات واقفا كترعد حيدات زيف ولبسات جلابة فالكحل مطروزة من جهة الكتاف وخلات شعرها مطلوق لايحا عليه غير زيف ديال الكريب ونزلات دغيا كتسناه يوصل..

#يتبع