المارشال (متوقفة حاليا )

البارت : 47

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  47. #

صبحات الشميسة مضويا على المدينة.. والجو زوين اليوم.. فاقت وعظامها ثقال عليها.. مالقاتش ماماها حداها عرفاتها مشات للخدمة.. ناضت وجدات رأسها قبل من الوقت وخرجات بلا فطور..

طلعات فطوبيس وفنفس الوقت كتكتب ميساج لضياء بلي عندها شي غراض ودارت يتلاقاو فاش تسالي او حصة.. وقفات فالخرجة ديال الإقامة وكتشوف فهاد البنايات ماتعجباتش حينت العالم عبارة على مفارقات ومكتعيش غير فين بغا ليك الله

شدات فصاكها وهي كتمشا.. كانت لابسا سروال شارلي ديال توب فالبيض و تريكو نص كم لاصق عليها فالبلوسيال.. وسبرديلة نايك حتى هي فلبلوسيال.. وشعرها جامعاه بقراصة وكَصتها(الغرة) طايحا على عويناتها..

لي تصادفات معاه خارج لخدمتو تسلب ليه عينيه بمنظرها.. بنت فشبابها ستايلها مريح للعين من ناحية ألوانو المنعشة.. ملامحها المالحين كيف كيقولو المغاربة..

وصلات لشوكة وهي تبان ليها الفيلا ديالو.. يلاه بغات تدخل وهي تحس بشي يد موقفاها..

.. ..

كانت واقفا كتسنا مركوبها تاني.. هادي هي حالة زهرة تحتم عليها تكمل حياتها فتمارة على قبل بنتها.. كتنوض مع سبعة صباح باش يلاه توصل مع العشرة لخدمتها.. خدمة الجفاف و لي جا يمسح فيك يديه ولكن خدمة ديال الحلال..

بقات شحال وهي واقفا.. كَدامها تشققو غير بهاد الوقيف ما فيقها من عياها غير كلاكصون ديال شي طوموبيل.. ضارت بالعرض البطيء وهو يبان ليها واقف كيشير ليها تجي عندو..

صفارت وخضارت قدام ناس.. شوف كيف كانت واقفا قدام بلاكة طوبيس دابا واقفا عليها حديدة واخا يبيعو كلوتهم مايجيبو حتى ماتريال ديالها.. تمات ماشيا جهتو وبلا ما تزايد معاه فالهضرة طلعات.. حتى يبعدو من قدام الناس وتشوف شهاد المراهقة المتأخرة لي جاتو عليها..

#يتبع