المارشال (متوقفة حاليا )

البارت : 25

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️.

....

                                 البـــــارت :  25. #

خرجات مخلوعة وهي كتودود فين دلحات هادي فين مشات.. ندمات قد الزغب لي فراسها فاش خلاتها بوحدها.. لي دازت من حداه تسولو عليها ولا توصفها ليه لعل وعسى يعرفها ولكن والو.. بحالا بلعاتها الأرض

بقات غاديا حتى وصلات لشانطي بانت ليها واحد طوموبيل واقفا واحد راجل عاطيها بظهر.. قالت اجي نمشي نسولو لا تكون دازت من حداه ماتعرف يقدرو يكون شافها.. مع يلاه غاتقول سلام عليكم وهي تبان ليها بلقيس تلاحت على الأرض دفعها وهو كينهج.. وسعات عينيها ولي زاد كثر هو غواتها بسبب الكسر.. لانه تلاحت على تروطوار فاش غاتجي طايحا القنت ديالو غادي تعواج معاه رجليها ويتردد صوت الكسر فودنيهم بزوج..

بلقيس كانت هاد الضربة ليها كأنه إنذار.. فاقت من التخدير لي كانت فيه و شدات على رجليها بقوة ماقداش حتى تحركها ولا تورك عليها.. نوعا ما رجعات للواقع لي فيه وحاولت تنوض ولكن والو.. عاوناتها ضياء بزز باش ناضت غير بان ليها وليد مقرب ليه وهي تغوت فوجهووو

ضياء : وااااش باقي عندك الكمارة لي تقرب ليها بيها ااا سير ولا نجمع عليك امة محمد سيييييير..

هو بقا كيشوف فجنابو لايكون شافهم شي حد ورجع ركب فطوموبيلتو كسيرا ماباقي شاف وراه.. رجعو لدار  وماخلاو ما دارو ليها ولكن الهرس كيبقا هرس خاصو طبيب لي يشوفها ويتفحص حالتها

صبح الصباح وبلقيس مانعساتش بالصداع.. ماقدراتش حتى تصدر صوتها لا تفيق ضياء لي بقات سهرانة معاها.. خداوها لطبيب لي دار ليها الكَبص وقاليها بأنه ماشي شي هرس لي خطير ولا لي غاتبقا تعاني معاه.. ولكن مستقبلا تبقا ترد البال كثر وكثر ومغادي يوقع والو..

دازو يوماين بالحساب واليوم هو نهار العرس.. بلقيس كانو مكالماتها غير مع ماماها ومرة مرة كتلقا وليد كيصيفط ليها ولكن مكتجاوبوش.. كل مرة كتحاول تفكر اش وقع والو الحاجة الوحيدة لي بقا مصعقلا عليها هي ديك الوقيتة لي تهرس العظم اما قبل تحلف وتعاود ما عاقلا.. وسط سهوتها كانت ضياء سلات ليها الميكاب والشعر.. ناضت شادا على عكزها باش تخلي ضياء توجد حتى هي..

جبدات حوايجها من الباليزة لي غاتلبس وسرحاتهم فوق ناموسية.. ماقدراش تحرك دجاجة على بيضتها داكشي باش عيطات على صحيبتها كون ماهي كون خراها مايجمعو ليها حد..

نصلات ليها حوايجها وعطرات ليها لحمها ورطباتو.. لبساتها وسالات ليها.. كان قفطان بيض مشبك من ليدين ومن القدام كيبان بحال شي تكشيطة.. كانت فصالتو مابين الخليجي والمغربي..

أما عند ضياء لي لبسات ثليجة فالخزي جات معاها قرطاسة.. وطلقات شعرها بحال صحيبتها و غاديين فيد الله ماقراو على راسهم ما حصن راسهم..

داز الوقت والدهاز دخل ومعاه اهل العريس كيف تقاليدنا المعتادة والعروسة كتحني فالمرتبة.. دخل العريس باسها فراسها والتصاور كيتشايرو.. بلقيس جاها الملل وعينيها تغرغرو مابغاتش تبقا جالسا من عوايدها فالعراسات كتنوض تشطح وتبقا حتى يصبح الحال.. والله وما جمع ديدجي قشو لا تجمعات.. ودابا هاهي بارزا نيت بحال العروس..

بقات كتنسي الوقت يا ما مع نجود.. ياما مع ضياء المهم كتهضر وصافي حتى جا وقت العشا..

فالباب ديال الكوزينة كانت غير هي وطباخة : صافي درتي سحور فين قلت ليك.. عنداك تغلطييي.. هاد التبصيل يمشي لجهة العروس سمعتييي جهتها

ومات ليها الطباخة ومشات عدلات الطباسل ودارتهم فداك طيفور ديال القزدير وخرجو السربايا كيضورو كنوع من الفخامة.. يلاه جا يمشي السرباي لي وصاتو حتى عيطات عليه نكَافة : اجي اولدي اجي فين طباخة خاصنا الخبز..

شير ليها فين بالضبط لاتصدق تالفا .. يلاه دار جهة طبلة العروس لقاهم حطو ليهم وهي تبان ليه واحد طابلة خاويا ومشا حط ليهم.. دارو على طبلة وماما ضياء كتحط ليهم الخبز وهزو داك الغطا.. وهوما يسميو الله والطباخة خرجات عينيها فالطبسيل لي تحط فديك الطابلة لي مكانش ضاربين ليها الحساااااب

#يتبع✨✨