المارشال (متوقفة حاليا )

البارت : 63

۞  ما خلــف ستار العشق  ۞

📌: 𝐂𝐡𝐚𝐝𝐢𝐚_𝐚𝐫𝐢𝐟

♟️لســــتُ عظِــــيم ، لَكـِـــــن أترك بكِ آثــــــــراً لـاَ يُنسَـــى♟️

                              البـــــارت :  63. #

بلقيس ( كتشوف فباب لوبيطال) : فين ماما؟

حيدر ( حل ليها باب طوموبيل) : مك مشات مع ناصر.. طلعي لومبيلونص كتسنانا

ومات ليه وهي طلع وضار من جهة الأخرى طالع حتى هو.. كان حاط يديه على جنب وكيمسح على عينيه لي حرقوه.. مازال مابغيش يتقبل بلي غايعيش حياتو بلا ولد.. حياة بلا شي حد تايق فيه ورباه على يديه ضرب الفولون بجهد حتى رعدها..

ضار شاف فيها لقاها تا هي كتبكي وعينيها غير على لومبيلونص لي قدامهم.. مسحات على وجهها مامتيقاش اصلا هاد الفيلم كامل كيشوفوه حلم مازال مافاقوش منو..

بلقيس ( عينيها مفيكسين قدامها): صافي سالات الحكاية ديالو ( شافت فحيدر)  وخاص تسالي حكايتي حتى انا..

حيدر ( عقد حجبانو) : اش كتخربقيييي؟ ؟

بلقيس ( ضحكات بهستيرية) : لي كنت باغاه مشا.. صافي علاش غانزيد نكمل حياتي..

حيدر : سكتيناااااا شهاد الهضور.. خلي جنازتو دوز بخير وهاد الهضرة عادي نهضرو فيها من بعد

مع سالا هضرتو وقف قدام الفيلا.. هبط هو لول نيشان مشا عندهم.. نزلات وراه شافت فالباب بانت ليها قسم.. مريم.. مُهرة.. ناصر.. ماماها.. واحد السيدة أخرى معرفتهاش..

عاودات شافت فلومبيلونص بحسرة.. بانت ليها قسم لي جات كتجري عند باباها مخشية فيه حتى تضرب مع الباب

قسم : واش بصح داكشي لي قاليا عمي ناصر.. قوليا  واش بصح.. خويا انا مماتش

بلقيس ( ميلات رأسها وهي ضحك) : خوووك؟؟ قلتي خوك

قسم ( عقدات حجبانها.. شافت فباباها وفيها) : ا.. انتي اش كديري هنا..

بلقيس ( زادت فنبرة ضحكتها) : نوو انتوما لي اش كيدير خويا معاكم.. علاش شنو الذنب لي درت انا باش ما نعيش معاه.. علاش انا لي مكنتش معاه فأول أيامو ديال الفشل قبل من النجاح.. علاش نتوما.. اه نسيت ( مسحات دموعها بجهد حتى جرحات شويا من خدها) حينت نتوما عندكم الفلوووس وكلشي كاديروه تحت صباط.. ماقدرتوش حتى تقولو لولد نوض قلب على عائلتك.. تاااااحد.. ودابا كتبكي بحال هكذا.. واش فنظرك خالي غايبغي وحدة أنانية بحالك.. كتفكر غير فراسها.. نتوما كتستاحقو أبشع موتة على وجه الأرض كتسمعيييي نتوما اناااااانييييين نتوما ولا من اللاشيء

حيدر ( غوت بجهد معاقلش على راسو جهلاتو بهضرتها) : سدييييييي فمك ابنت زهرة... سدددددي فمككك ودخلي للداخل ( شاف فمو بمعنى جي دخليها)

قربات منها مُهرة مطبطبة على ذراعها..شافت فيهم بلقيس كلهم ما حاملة تا حد.. دخلاتها لصالة بخطوات ثقال..

مُهرة : رتاحي أبنتي

بلقيس : هه نرتاح.. ماعبجاتكش هاد راحة لي مرتاحة ما شاء الله..

مُهرة ( جلسات حداها من جنبها ليمن) : تهدني أبنتي...انا معارفاش حتى اشنو واقع واش هاد روينة.. تهدني وتصرفي بالعقل بدل العاطفة.. رزني الموت علينا حق

بلقيس ( شافت فيها وهبطات عينيها) : عفاك بغيت نبقا بوحدي

تنهدات بصوت مسموع وخرجات مخلياها..

.. ..