مشارف الديره ، أرضها وسماها كلّها تحت عيون تراقبها بشغف ،
يبتسم بأنشراح من صار يكثر زياراته لديّرته ،
ومن صار يلمح قربها لأنظاره ،
يتوقف أمام بيت عمّه ، ينزل من السياره ويتنفسه ، نفس إرضاء نفس شوق ولهفّه ،
متلهّف للمره المليون لها ، يلمح إتصال تميّم ويرد عليه : بشّر وصل سعود ؟
ويجاوبه تميّم بغضب : أيه توني طالع من المطار وهذاني ساحبه معي للديّره
يهز راسه بالأيجاب : بس تميّم اخاف يفشلنا
عند حاتم والبقيّه .. يارجال هذا مايذكرنا حتى
يعصب تميّم أكثر من كلامه ومن زنّ سعود اللي كان بجنبه ويبي بيت اهله : يخسى هذا أرضه وأهله وناسه ماهو منكرهم خلها علي ،
يرد عليه بعد ماسحب سبحّته يدخلها بجيبه : مادري ماني متطمن بس يصير خير
يسكر من خيّال
وبجنبه سعود وكثرة حكيه : ياخوي مانيي ب رايح للديره مابيها وأنتهينا ،
يمسح تميّم على وجهه بقلة صبّر وبحدّه : وليه ماتقول هالحكي لأبوي
يبلع ريقه سعود من هالطاري وبهدوء : ابوي مايكلمني
يلتفت تميّم بأستغراب : وليه مايكلمك ؟
وش أنت مهبب به ؟
يحك راسه سعود بخوف من ردة فعل تميّم وبتكذيب : طلبته فلوس ورافضني
يمد له تميّم محفظته ويرميها بحضنه : ياشيخ فداك فلوسي وراعيها ..
روعتني الله يهداك حسبتك مسوي شي كايدٍ
ً« حاتّـم» ً
بوسط الصاله جالس على الكنب
وماسك براسه يخفف عنه صداعه بحضنه آوراق مرميه بإهمال وكأن هالإعصار دمّر هالدفتر ، قصايده وديوانه كله مرمي بحضنه ،
ماهو مستوعب وش جرا ووش حصل
يقوم من مكانه ويلتفت للغرفه تقوده رجليّه لهناك ، لها ولطيّفها ،
يفتح الباب بالهون ويلمحها غافيه بتعب مكتسي ملامحها ،
يستند على الباب ويتأملها بخفّه
مايذكر كيف هداها وكيف أحتضنها يرميها على ساحات صدره ،
كيف غفت بحضنه بدون ماتحس بعد ماحاست له دفتره ،
بعد ماقطّعت صفحاته وراح الديّوان كله بسببها ، تذكر كيف شالها وحطّها بوسط السرير ،
كيف غطاها وتمنى بنومته بجنبها لكن كل هالأماني أكتفى بتحقيق وحده ،
واللي هي قُبله على شعرها ، شعرها اللي ياما تمنى يلمسّه ويلعب فيه ،
كيف مرّ من عند الدفتر وسحب أوراقه المنتفه
وأبتسم شبه إبتسامه بعد ماهمس لنفسه : ليتك تعرفين وش انا كاتبٍ فيه
، والحين بنفس المكان اللي صارت فيه أعاصيّر قبل ساعتين ، لكن هالمكان هادي وهالهدوء يذّبحه ، يخرج ماتحمل منظرها قريب منه ولا يقدر يلمسها ،
تحت شروطها ووعدّه ، يسحب شماغه ويخرج من هالفندق اللي خنقّه ،
يركب سيارته يدور بأنحاء الريّاض ، وعلى كبر نجد العذيّه الا أن محدٍ مونسّه غير ديّرته اللي وده بها ، يلمح إتصال اللواء محمد ويرّد بجمود : سمّ
بس هالطرف الآخر كان الغضب معمي عيونه
ولا هو حول أحد : خِلال يومين معاك بترجع للشرقيه فاهم !!
يعقد حواجبه حاتّم بحدّه
وهو اللي ما أعتاد هالآوامر من أحد : رفعة الصوت هذي والاوامر ماتمشيها علي
يمسح على وجهه محمد بحدّه : يومين ياحاتم ! غيرها لا
يرجع يرد
على اللواء بنفس الأسلوب : أسبوع !
يبعد الجوال عن أذنه من يسمع
صراخ اللواء عليه : هالاسبوعين ياحاتم والله أن مالمحتك بالمركز فلا نجمةً تعتلي كتوفك
ولا مركز ينفتح لك
، يسكر بعد ماضغط بنفسه هاللواء ،
لكن هالحاتم ولأول مره مايهتم لكثرة اوامره ،
وصار يفكر أن كان ياخذ أفنّان معه للشرقيه وينفرد بها ولا يخليها هِنا تهدى من نفسها ~
