محمد: صباح الخير
شهد: صباح النور
محمد: حلمت بيچ بابا
شهد: إن شاء الله خير سولفلي
محمد: ڪأنه زعلت منج ورحت امشي گدامج وانتي جيتي وراي بس جان ازدحام ناس هواي زياره جانت انتي لحگتيني بس وصلتي يمي اني حضنتج شفتج حافيه شلتج گتلج امشي اشتريلج منا تڪرمين نعال بس احنه جنه صايمين واني تعبان نزلتج يم سڪة قطار اڪو محل جبتلج حفايه وجيت لبستيها ومشينه لگينه شخص يوزع ثواب وگفنه نشرب ب الحلم جان لبن بس لونه مختلف وبي ثلج سألت الي يوزع منين طريق المشاية گال هذاك وشفناه گلنه نشرب ونروح نڪمل بس جنت ضايج منج ب الحلم ورغم هذا واني شايلج ضليت ابوس بيج
شهد: شگد حلو الحلم إن شاء الله خير، وبعدين اني شلون اضوجك بالحلم
محمد: ما أدري انتي شنو جنتي مسوية
شهد: بعد شوية تمطر وراح اطلع بالمطر
محمد: انتي مو مصخنة ومريضة شلون تطلعين ماڪو طلعه الغيها من بالج
شهد: ادري تخاف عليه بس احب المطر
محمد: بابا شبيج تخبلتي گعدي وسڪتي عوفي المطر
شهد: ترة راح اروح لبيت عمي معزومين عدهم ويمڪن ابات أربع أيام اني واختي
محمد: واهلج يرحون وياج؟
شهد: اي طبعاً
محمد: ويبقون بايتين هناك؟
شهد: لا يرجعون بس اني واختي نبات
محمد: عدهم ولد؟
شهد: ترا ولد عمي نفس أخواني واڪثر بعـــــد ڪلش أحترمهم وعادي أسلم عليهم ونسولف
محمد: خوش موفقة
شهد: شبيك بابا شنو موفقة
محمد: تقبلين اروح لبيت عمي وعدهم بنات واضل أربع ايام
شهد: بابا معليه بيهم دتفهم ولد عمي أسلم عليهم وأروح يم البنات محد ما عليه بالخ، محمد ما رايحة لناس غريبة همة أهلي
محمد: انتي عادي واني لا وبيت عمي هم أهلي ترة ماڪو فرق نفس الشي
شهد: روح يمهم وأبقى شهر بـــس ساعتها من اڪون يمك ماتبات يمهم ولا تطلع اصلاً
محمد: شوڪت ترحين؟
شهد: العصر، بـــس ما حاجة هيچ تطنگر عليه وتزعل عموماً اخليك ؏ راحتك وحتى روحة ما أروح
شهد: ضجت أحس اول مرة هيچ اضوج من شخص احبه رحت غيرت صورة الحساب وسويتها مغلق
محمد: شهد شبيج شنو هاي الصورة؟
شهد: نفس ما شفت
محمد: شهد اني ما گتلچ لا ترحين ما يحتاج تضوجين ڪل مرة امنعج ما تسوين هيج ميحتاج تغيرين صوره الحساب
شهد: لأن راح اغلقة
محمد: واني؟
شهد: أنت موجود محمد مو لازم نحچي بروحي أنت
محمد: يعني عادي عندچ تعوفيني!
ترڪت الموبايل وصاحتني أمي چنت بوقتها مصخنة وانطتني علاج
شهد: صاحوني علمود اخذ علاجي
محمد: انتظرچ
شهد: بعد نص ساعه رجعت
دزيت مسج هلا اجيت
محمد: صدگ راح تعوفيني؟
شهد: لا
محمد: جا شلون نحجي؟
شهد: يعني لازم نحچي
محمد: انتي قررتي هيچ
شهد: لا
محمد: شبيچ شو ضايجة ترة اني ما گتلچ لا ترحين
شهد: خلص انسة ما رحت
محمد: علمودي؟
شهد: ايي
محمد: احبج
شهد: اموت عليك أبن الأوادم
محمد: يعمري ما أريد هل وجه ضايج
شهد: اني لو بيدي اضمك بعيوني محمد
محمد: ليش حبيتيني هلگد تتوقعين راح اسعدچ
شهد: شنو ليش أحبك وغصب عنك قبلت أو لا تبقى أنت محمدي
محمد: قصدي ليش وصلتي هل مرحلة من الحب
شهد: ما أعرف روحي وي روحك صارت
محمد: راح افڪر بيج هواي ماعندي غيرج اهتم بي سعادتج يمي
شهد: واني مرتاحه وياك
محمد: احچيلي شنو تحبين ب علاقتنا بتصرفاتنه بحياتنا وشنو الي يضوجج
شهد: أحبك تڪون حنون وياي تتقبلني بڪل حالاتي واني بعـــــد أحتويك اضوج من تعيط عليه لأن بعمري محد صاح عليه أحب أشوف وجهك يضحك ما أريد اڪون بيوم سبب زعلك ولا أريد أڪون انانية بحبك
تعرف لو صار الي نصيب وياك ما أخليك تخطي خطوة بدوني أحب ابقى أباوع عليك وجهك حيل لطيف وبريئ
محمد: شنو اللي يضوجج؟
شهد: عصبيتك عليه، شوف هو أنت تغار وهل شي طبيعي مو بيدنه بـــس أنت غيور بشڪل مو طبيعي
محمد: ههههه ڪلش اغار وگتلج اخاف من هل شي اني اللي احبه عندي مقدس
شهد: وهاا أضوج بعد من الجگاير
محمد: ينتهي هل شي ما يضل
شهد: صح أغار عليك ويمڪن غيرتي توصل أسوي مشڪلة وياك بـــس أنت من ڪلشي تغار
محمد: احب غيرتج اللي ما يغار ما يحب
زين شنو تحلمين بالمستقبل؟
شهد: أحلم اڪون نفسي وابقى راضية أهلي واڪمل تعب السنين اللي درستهم واحصد هل تعب وأحصل وظيفة تناسبني اڪون مشروعي اللي ما مخططة اله ما أعرف شوڪت اخططله
محمد: اني وياج بڪل خطوة وراح اڪون داعم الج
شهد: محمد تدري اضوج من الشخص اللي ينطي ڪلمة وبعدين يرجع حرفياً اتخبل هيچ أصير ما أتقبله اني واثقة بيك هواية
محمد: احب الشخص الي يدرس ويتقدم اطمئني
اني من اوعد ما اخلف بڪلامي
زين انتي تلبسين عباية؟
شهد: ايي
محمد: تصلين؟
شهد: ڪلش أحب الصلاة ودائماً اصلي الصلوات المستحبة
محمد: ياعمري الله يثبتج، تدرين حبيتج فوگ حبي الج
إذا اني ازعل هم تجين تراضيني؟
شهد: طبعاً أراضيك لعــــد شعندي غيرك هاا !
محمد: انتي حنونة بشڪل ومتأڪد
شهد: هواية بحيث ما اسيطر ؏ حنيتي وي اللي أحبهم تخيل من أحد يزعل مني ابقى ابچي ما أعرف اخلي شخص زعلان مني مستحيل
محمد: احب الاحترام يم الناس
بس من نڪون وحدنه شما تسوين ما احاسب
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
