صار العصر وأجه محمد راسل
محمد: مساء الخير، شخبارچ
شهد: چنت تعبانه وبوقتها منظفة البيت ومتمددة حتى أرتاح فتحت الموبايل شفت مسج من محمد الضحڪة شگت حلگي چنت محتاجة احچي وياه بس ما أريد اصير خفيفة حيل هو هم عنده التزامات وبنفس الوقت چنت أڪابر
شهد: مساء النور، الحمد لله بخير
أنت شخبارك أستاذ
محمد: تمام بخير، عادي بدون أستاذ تگدرين تاخذين راحتچ
شهد: ليش يعني تضوجك ڪلمة أستاذ؟
محمد: لا عادي براحتچ شنو تگولين وضحك
شهد: تمام أستاذ وضحڪت
محمد: زين شهد سؤال، هم تساعدين امچ وتعرفين طبخين
شهد: المفروض ما تسأل هذا السؤال ترة اساعدها بس ماما ما تقبل تگعد هذا طبعها تحب هي تشتغل ڪلشي
اما من ناحية الطبخ فَـ طبخي ڪلش زين
محمد: مو اڪو بنات ما يساعدن امهاتهن، اتمنى اضوگ طبخچ
شهد: أي صح اڪو بنات ملتهيات بغير أمور ما يساعدن الوالدة
إن شاء الله تضوگ طبخي
محمد: هَسة إذا اگلچ اڪلة يمڪن تتفاجئين بس سألي امچ هي تعرفها
شهد: شنو من اڪلة يجوز اعرفها
محمد: اڪو فد اڪلة يسووها للمرة من تجيب تصير من طحين يخلوه بالطاوة يتغير لونه ويخلوله ماي وبعدين يخلون عليه سمسم چنت منو اللي تجيب بيت جدي أروح اڪل منها أمي چانت تسويها اليه
شهد: شنو أسمها أول مرة أسمع بيها
محمد: سألي امچ گليلها اڪو اڪله أسمها حسو هَسة تعرفها
شهد: ماشي اسالها لعد واشوفها
محمد: شلونچ بالبيتزا
شهد: اوووو لعبتي اصلاً
محمد: مرة فتحت الڪاونتر وچنت أدور على سمسم فلگيته وجاي اڪل وچان تشوفني مرة اخوية وبقت صافنه عليه وراحت
شهد: هههههه شلون موقف ما تنحسد عليه
محمد: چا شسويلها جوعان
شهد: الف عافيه على گلبك
محمد: أحب السمسم بشڪل مو طبيعي هَسة انتي لو فوگاچ سمسم هم اڪلتچ وضحك
شهد: اموتك والنبي وضحڪت
محمد: دز صورة ڪڪو شوفي هذا اول واحد ڪلش طيب طبعاً ڪل يوم أروح اشتري من الأسواق بس اليوم ما حصلت نمبر ون ولا چبس فواز
وين الله وأشوف سمسم عليچ وضحك
شهد: وخر وخر ليش تاڪلني شنو جوعان
محمد: لا علمود السمسم
شهد: بعـدين شتسوي مشتري ڪومة اڪلات شنو لجهالك
محمد: يا جهال بوية اليه
شهد: بالعافية اڪل، ترة على فڪرة أختي يمي دتاڪل نمبر ون وچبس فواز
محمد: جيبي من عدها خلي نبوگ
شهد: دتاڪل وضحڪت
محمد: يعني ما نلحگ عليها وضحك
شهد: بالچذب گول تفضلي
محمد: اني ما اجيبلچ وحدة اجيب ڪارتونات
شهد: شڪراً ما أريد ابوية يشتريلي
محمد: واني هم ابوچ
شهد: وابوية هم يجيب ڪارتون للڪل
محمد: ابوچ يجيب للڪل اني اجيب بس الچ واذا لزم الأمر اغطيچ بيهن
شهد: ههههه لا مو هيچ يمعود
محمد: ليش اڪو شي غالي عليچ!
شهد: لا ما تقصر
محمد: اشتريلچ ڪلشي بس طبخي
شهد: مو ڪل شوية طبخ وضحڪت
محمد: لا ما اتعبچ، طفت الڪهرياء
شهد: شنو يعني راح يروح النت؟
محمد: لا عندي جهاز شحن بس صارت ظلمة
شهد: تدري ڪلش أحب الظلمة
محمد: اني أمي ڪل ما تجي تگلي شنو مصيبتك افتح الضوة بس اني أحب اگعد وحدي ومن انام اغطي وجهي يلا انام والضوة ما يشتغل
شهد: نفسي والله اني هيچ
محمد: إذا يمي واحد يسولف ما اغفة اضل لوين يلة انام
شهد: لحظة محمد شنو هاي نفسي والله اني هيچ
محمد: احب جو المطر وانام واحب باردة واتغطة
شهد: احس هاي الأمور اللي جاي تحچيها ڪأنما اني، وبعدين على سالفة المطر إذا تحبه ليش ما خليتني اطلع من مطرت؟
محمد: مو اخاف عليج انتي بعد ڪم يوم يمي ما تتصرفين بڪيفچ
شهد: وين يمك؟
محمد: بصفي
شهد: شبيك شنو بصفك!
محمد: يمي قصدي بمسؤليتي
شهد: مسؤلية ابوية اني، واذا تمطر باجر اطلع ولا تگول ما گتلك
محمد: يعني اني ما اتدخل؟
شهد: ما حچيت هيچ وگتلك لا تتدخل
محمد: سڪتي بابا ولا تخططين بڪيفچ طلعه بالمطر ماڪو تتمرضين شبيچ انتي لا تناقشين بعد بهل سالفة صحتچ أهم من زعلچ
شهد: صحيح أنت ليش تشرب جگاير
من دخلت على صفحته شفت اڪو صورة لازمها وبيده جگارة وبقت بالي
محمد: هاي شلون عرفتي اشرب جگاير؟
شهد: شميت أيدي وضحڪت
محمد: لا صدگ شلون عرفتي
شهد: شفتك بالصورة
محمد: اها بس اني منتظر مرتي تخليني اعوفها
شهد: أنت تحجي عليه وتگول اخاف ؏ صحتچ هسة منو اللي طلع ما يخاف ؏ صحته
محمد: مو بيدي هل شي تعودت عليها من چنت مرحلة ثانية
شهد: بيدك تگدر تعوفها وبيدك تبقيها
محمد: مرتي إذا بيها حظ راح تخليني اترڪها لأن إذا شخص يمي ويجبرني اترڪها راح اعوفها
شهد: واذا ماڪو شخص يمك تبقى هيچ؟
محمد: يجي هل شخص عندي أمل
شهد: منو هذا الشخص؟
محمد: گاعد بيتڪم يصير چبيرڪم
شهد: واذا ما اجيت يمك!
محمد: ليش ما تجين اني اجيچ
شهد: بس اني ما أحب الجگاير اختنگ منها
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
