بڪل يوم أشوف خوف محمد عليه وحِنيته أحس ماڪو شخص يشبهه ما يعدي يومي إذا ما أدعيله دائماً هو على بالي ودائماً بين دعواتي
وصلت مرحلة من گد حبي اله بقيت بيني وبين نفسي ڪل فرض صلاة أخلصه أصلي لمحمد بدون ما أگله وأستمريت على هذا الشي وبقناعتي ومتيقنه يقين تام رب العالمين راح يتقبل مني لأن من ڪل گلبي أصلي وأدعيله ما عندي غيره أحبه وأخاف عليه من ڪلشي دائماً اخليه هو گدام عيوني رغم اشلع گلبه وأسوي وياه ترندات و هو موصيني أبتعد عنهم ويضوج من هيج تصرفات بـــس أحب اتشاقة وياه
حيل حباب وحيل يحبني اتمنى رب العالمين يرزق ڪل بنية أنسان متفهم وخلوق وابو وگفات وغيرة وسوالفه حلوة تجبر الخاطر أنسان يحس بالمقابل ويقرأ عيونه قبل لا يگول حيل أحب صفاته واطباعه
واني صارت عادة عندي وأحبها وأنتظر شوڪت أخلص صلاتي حتى ابلش اصليله
بقينه ڪل يوم نسولف ..
قرب العيد واحنه بڪل مرة نسوي حملة شاملة ع البيت مثل ما يسموه تنظيف العيد، أمي وأخواتي بلشن تنظيف البيت وأني بقيت بالمطبخ أسوي الڪليچة جهزت ڪل المواد وبلشت بالڪليچة حرفياً اللي ياڪلها يريد بعـــــد منها وبالأخص عمامي يردون ڪمية خاصة الهم
صار العصر واني ڪملت الڪليچة ونظفت المطبخ ورحت سبحت ودخلت لغرفتي أرتاح شوية وبقيت صافنة وي نفسي وأني اتخيل محمد وهو بأول عيد وياي بقيت أجر حسرة معقولة العيد اللي يجي راح اڪون وياه وأڪون اله راح يجي يوم تقُر عيوني بشوفته ما اتوقع يجي يوم أمل منه لو أشبع بقيت احچي وي روحي واضحك أعبر بالڪتابة بـــس أستحي اعايده
اووف لو محمد يمي چان حتى ما أعايده ههههه
قبل العيد بيوم ما گدرت أصبر بعـــــد حبيت أڪون اول وحدة تعايدة دزيتله معايدتي واني رجليه ما شايلتني من الگاع شعور حيل حلو وأول عيد وي شخص أحبه حرفياً چان شعوري بذاك الوقت شعور ما ينوصف
بقيت احسب الوقت ساعة ساعة لحد ما صارت بالـ 2 الفجر ما سيطرت على مشاعري لازم أدزله
شهد: أنت ڪلشي بحياتي انت عالمي أنت روحي أنت حبيبي أنت عافيتي وأنت الإنسان اللي ماراح يجي يوم وأمل من عنده يا احلى شي صار بحياتي أنت الإنسان اللي دا أحس بالأمان يمه انت الشخص الصح اللي راح اعيش وياه بسعادة واطمئنان يابعد حيلي ما أعرف وين اروح بوقت انت ماموجود مختصر الڪلام أحبك
ڪل عام وأنت عيدي، إن شاء الله العيد لخ أني يمك حبيبي، أحبك بابا
محمد: يا روحي وأهلي وناسي وعالمي انتي
حبيبي ڪل عام وانتي بخير يارب اشوفچ خريجة اولاً وثانياً عروسة اليّ
احبچ
حبيبي راح اروح اتسحر وانتي نامي لا تبقين گاعدة ماشي يروحي
شهد: تمام بابا بعـــــد الصلاة انام
محمد: ماشي يروحي
ثاني يوم التهيت بالبيت والفطور بـــس ما راح عن بالي أدزله رسالة گلت اخلص ڪل شغلي واجيه ما عندي شيء
محمد المغرب داز رسالة
محمد: مساء الخير حبيبي
معقولة ما تذڪرتيني اليوم
شهد: مساء الورد بابا
لا على بختك شلون ما اتذڪرتك بـــس والله التهيت گلت اخلص ڪلشي واجيك فارغة، اصلاً حتى حلمت بيك
محمد: هلا عمري، شنو حلمتي
شهد: خطبتني وچنت حيل ضعيف ولابس تشيرت أصفر وبنطلون رصاصي وچنت متردد تسلم عليه بـــس ملامح وجهك ما تروح من بالي چنت تباوع عليه وتبتسم تريد بـــس تحضني گلت شهد لا تحرميني وجهچ حيل احبچ ابقي يمي گاعدة چان گتلك بابا احچي وي أهلي وراح ابقى يمك طول عمري ما أعوفك بقيت لازم أيدي حيل وگلت لا تعوفيني وچان أفز
محمد: حتى تعرفين احلامچ اللي فاتت مو صحيحة ساعة تحلمين متزوج عليچ وساعة عايفچ ههههه
شهد: وهذا الحلم شنو يفرق عن باقي الأحلام
محمد: هذا ڪشف الحقائق
شهد: عوفنه من الحلم أريد عيديتي
محمد: عيوني الچ
شهد: هنيالي إذا أشوف عيونك
دز محمد فيديو لشاعر وچان يگلي ڪل عام وأنتي ڪليچتي
شهد: يا يمه فدوة لحلگك اني
چنت اسشور شعري وأجه على بالي اگص تقريباً 5 سم
شهد: بابا راح أگص شعري
محمد: ابددد لاا
شهد: مو هواية والله تقريباً 5 سم
محمد: بابا شبيچ شنو 5 سم ترة هواية گتلچ لااا وإذا تردين تگصين گصي بـــس الاطراف
شهد: بابا شبيك عيد ترة
محمد: واذا عيد يعني مجبورة تگصين شعرچ؟
شهد: ولي
محمد: احبچ
شهد: أموت عليك
هو بـــس يگلي احبچ خلص انسة ڪلشي وابقى نفس الجاهل اضحك وي روحي والضحڪة تشگ حلگي
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
