چان أحلى شيء يوصلني بأول أيام رمضان شگد تمنيت هو يمي وهيچ أبوسه بعدين اصفن وي نفسي معقولة وصلت لهل درجة من الحب همة البنات ڪلهم نفسي لو اني ابالغ بحبي اله
بقيت احچي وي روحي واضحك شجاني توترت ومشاعري صارت فراشات
اني عندي عادة ڪلش حلوة وأحبها ويارب يثبتني وما اترڪها بڪل مرة أشوف نفسي بشعور حلو إتجاه محمد أروح اصلي رڪعتين لله من بعدها أحس براحة مو طبيعية ڪأنما شيء بارد نزل على گلبي
محمد يدري بيه أحب الجهال اتخبل على جاهل سوالفه حلوة ومحبوب چانت بنت أخو يمه تقريباً عمرها أربع سنوات
دزيت بصمة لمحمد گتله مشتاقتلك بابا شخبارك
چان بنت أخو ترد عليه
اگلچ هذا محمد اليّ وبعد ممنوع أحد يحچي وياه
اني سمعت صوتها وبلشت الغيرة عندي مليون يربي أحب الجهال ما أريد اضوجها بـــس مو بيدي الغيرة شسوي وچانت گاعدة بحضنه وتسولف
رديت عليها
شهد: ولچ محمد حبيبي وروحي وعمري انتِ المفروض ما تحچين وياه وخري عنه هذا أبوية، ع بالچ تقهريني هيچ ومڪيفة گاعدة يم محمد بسيطة اضمها الچ هههههه
ردت عليه
والله يا حبيبتي هذا محمد اليّ وهو حبيبي وهو عمري وهو زوجي وهو رجلي وراح ابوسه يلا روحي ولي ويلا على عنادچ راح ابوسه مححح
اني سمعت صوت البوسة وتخبلت لو محمد يمي چان أحتاريت شسوي بيه
محمد يسڪت بيها ولچ ما يصير عيب وهيّ تعيط أنت بـــس اليّ
محمد: حبيبي الموبايل خلص شحن بعدين نحچي
شهد: اني أعلمك على هاي السالفة، شلون تخلي الموبايل بدون شحن صار شيء شلون بلة
محمد: ولچ حبيبي رجعت من الدوام وتعبان ذبيتها نومة ما منتبه ع الشحن گعدوني للفطور فطرت وهاي جيتي الچ
شهد: لا تعيدها بعد، وين راحت هاي أم لسان
محمد: أجت يمي تريد تڪمل العرڪة ههههه
شهد: يلا هلا بيها وينها
اتصلت عليه وبقيت اتحارش بيها واگوللها محمد زوجي وحبيبي واني بنته چان تگولي وين بنته ما عنده بنات، چان تصفن وتگول يلا وين بنتچ خلي اشوفها
شهد: بنتي نايمة وطفيت الضوة عليها مو زين
بقيت اطلع اعذار الها وهيّ تگلي چذب ههههه گلتلها احبچ چان تگلي أموت عليچ يمه گزکزت عليها تمنيتها يمي أبوسها اشلع خدودها
خلصنه مڪالمة وتصالحنة
محمد اختتفى دزيتله وينك گال موجود
شهد: لعد وين رحت حبيبي؟
محمد: رحت أباوع يوتيوب
شهد: ياااا صدگ تحچي ڪمل براحتك
محمد: حبيبي شبيچ گلت انتظرچ تخلصين شغلچ ورحت أباوع
شهد: چنت أشرب آيس ڪوفي وبنفس الوقت أرد على محمد چان يطيح على ملابسي
حاچيته گتله يمڪن اتأخر رايحة أبدل ملابسي
محمد: تمام مو تتأخرين انتظرچ
شهد: گلبي يدگ بسرعة بقيت فاتحة الڪنتور واباوع على الموبايل احچي وي نفسي لأي درجة من الحب وصلت حتى واني أريد اغير ملابسي ما أريد اعوفه والضحڪة شاگة حلگي
أختي چانت تقرأ يمي وهم طاح الآيس ڪوفي على ملازمها چان تباوع تگلي ليش تضحڪين عليه، صفنت عليها وضحڪت
گلتلها أنتي منو يمچ منو ضاحك عليچ أبتسم وي نفسي ههههههه
بدلت ملابسي واجيت لأختي گلتلها مشطي شعري علمود ما اضحك عليچ مرة ثانية يلا ولچ ههههه
تأخرت نص ساعة على محمد
محمد: وينچ وين صرتي؟
رديت عليه أجيت هاا حبيبي ما تأخرت عليك
محمد: وين رحتي يا حبيبي شلون ما تأخرتي واني بقيت انتظرچ گلت ماڪو غير راحت تسبح
شهد: چنت امشط شعري
محمد تأخر تقريباً دقيقتين وما رد
شهد: محمد شوف ترة أنام
محمد: شحدچ ولچ
شهد: حلوة هاي شحدچ هههه
محمد: ليش مشطتي لعد
شهد: مو اني مشطت خليت أختي تمشط شعري
محمد: مو اني موجود
شهد: مو يمي أنت وبعدين بس أجي يمك أنت تصير مسؤل عنه
محمد: بدون ما تکولين هذا واجبي
شهد: مو أشلع کلبك ههههه
محمد: خبلة أدري بيچ
شهد: طالعة عليك ههههه
محمد: اني اعلمچ يعني هَسة اني خبل مو؟
شهد: بابا اتشاقة هههه شبيك ما تتحمل شقة
تعال يلا أحبك
محمد: أحبچ
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
