محمد: فارغة ما عندچ شيء؟
شهد: أي حبيبي ليش
محمد: تعالي نتصل
شهد: لحظة بابا
ڪل ما يگول نتصل أحس گلبي يريد يطلع من مڪانه أبقى ساڪتة أحبه هو يسولف ما أريده يسڪت صوته ما ينمل ولا ينشبع منه حرفياً صرت مهووسة بصوته حيل أحبه
اتصلت عليه وبلش واحد يسأل عن وضع الثاني بقيت اسأله عن بنت أخو هو يضحك يگلي أم لسان هاي تحبني واني اگله محد يحبك بگدي بقينه نسولف ونتشاقة لحد ما صارت الساعة 3 الفجر وچان يفصل النت يمي
لگيته داز رسالة شو ماڪو فصل النت يمچ حبيبي!
شهد: أي حبيبي فصل
بقيت للساعة 5 الصبح منتظرة النت يرجع وما أجه رحت نمت لأن نعست واني باقية منتظرة
گعدت بـ 11 الصبح
شهد: صباح الخير بابا، آسفة النت فصل البارحة وبقيت منتظرة للــ 5 الصبح وماڪو بعدين نعست ونمت
چان محمد عنده دوام ويرجع الظهر تعبان يرتاح وينام ويگعد قريب وقت الفطور ويراسلني اني اڪون بهذا الوقت مشغولة أسوي الفطور وڪل يوم اطبخ اڪلة جديدة طبعاً أمي تطبخ بـــس نوبات اگللها روحي أرتاحي الباقي اني أڪمله من بلش رمضان لحد ما خلص اني ڪل يوم اسويلهم طبق سلطة جديد وهمة يحبون هل شيء،
اني وأختي الأصغر مني نرتب السفرة ونجهز ڪلشي
دزيت رسالة من الصبح للمغرب وهو ماڪو اني بهذا الوقت ڪل تفڪيري يمه يا ربي خلي يهدأ بالي شوية هَسة أعرف هو وين ما وين النت موجود ليش ما يرد لعد!
چنت أسوي ڪيك والڪيڪة جهزت لازم اطلعها من الفرن واني عقلي وتفڪيري ڪله يم محمد بدون وعي فتحت الفرن وسحبت قالب الڪيڪة بيدي أختي چانت يمي سحبتني شبيچ شلون تفتحين الفرن هيچ حاار تخبلتي بعدين أنتبهت صدگ شلون هيچ رحت غسلت أيدي بمي بارد وخليتهم بطحين بارد صاروا أحسن ما تأذيت الحمد لله
صار المغرب ما بقى شيء ويأذن
محمد: مساء الخير عمري، طبعاً آسف والله بس رجعت تعبان من الدوام ونمت هاي گعدتي انتِ شلونچ شخبارچ
سمعت الأشعارات رحت للموبايل فتحته لگيت محمد داز
شهد: مساء الورد حبيبي، لا عادي ولا يهمك نوم العافية، يلا حبيبي اني مشغولة أروح اجهز السفرة
محمد: مو تزعلين والله چنت نايم، انتظرچ بعد الفطور
شهد اني روحي طالعه ومن الصبح بالي يمه وطلع الأخ نايم ومرتاح هَسة شحچي وياك لا ونچويت واني افڪر بيك، شغلت وضع الخباثة گلت ما دام هو گلي انتظرچ بعد الفطور إذاً ما أجي خليه يحس مو بـــس اني ابقى منتظرته ڪل هل وقت
رحت اني واختي نرتب بالسفرة واني تفڪيري أجيه ورة الفطور لو ما اجي وچان اخوية موجود اختي انطتني ماعون التمن وچان يطيح من أيدي ويطشر اخوية بقى يصيح شبيچ اليوم راح تسوين ڪارثة ويضحك
حسيت نفسي مو طبيعة اليوم صدگ شبيه هيچ وبعدني ما زلت افڪر اجيه لو لا هههههه
خلصنه فطور وغلست الأماعين وأرتاحينه وأجيت قدمت الحلويات والڪيك لأهلي أنتبهت على الساعة صارت بـ 10 الليل گلبي ما انطاني اعوفه رحت رڪض للموبايل فتحته ودزيتله خلصت حبيبي وينك أنت
محمد: هلا عمري تأخرتي منتظرچ
شهد: بگلبي اگله اي لعد بـــس اني تخليني انتظرك هههههه
أي حبيبي ألتهيت وي أهلي وغسلت الأماعين
محمد: الله يساعدچ، يلا اذا مخلصة ڪلشي تعالي نتصل
شهد: لا ما اتصل
محمد: هاا ليش
شهد: خاف اتڪهرب
محمد: انچبي بطلي سوالفچ ههههه
شهد: ولي ترة ما اتصل وضحڪت
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
