الڪاتبة: Shahad Mohamed
يوم 6 محرم چنت اخابر وي محمد والأمور طيبة ونضحك ونسولف اجت أختي گالت ليلة العاشر نروح لبيت عمي أحمد عازم ڪل العوائل نحج عدهم حتى أمي تروح گلتلها تمام لعد
حچيت وي محمد گتله راح أروح وياهم ڪلهم راح يجتمعون هناك واني بڪل سنة أسوي أعمال هاي الليلة وي البنات ونسوي ختمة قرآن
بقى ساڪت ما حچة
شهد: بابا شبيك دا احجي وياك گتلك راح أروح لبيت عمي نحج عدهم
محمد: ليش حتى تروحين هناك ابقي وياي واني وياچ نحج سوة
شهد: حبيبي ليش حتى أغير عادة هاي السنة واحنه بڪل مرة نجتمع سوة حتى نسوان عمامي ونسوي ڪل الأعمال
محمد: لا حبيبي لا تروحين ابقي وياي
ضليت بين نارين اني ڪل سنة أسوي الأعمال وي البنات ومحمد ما أريده يزعل هو يسولف وياي واني ساڪتة ما حچيت تفڪيري شلون اخليه يقتنع اني رايحة حتى بـــس اخلص الأعمال ما رايحة لغرض شيء
محمد: بابا وينچ
شهد: هاا حبيبي وياك
محمد: إذا أنتي ما خليتي موقف الچ وما رحتي الهم همة راح يسألون شعجب ما اجت شهد انتي مو ابوچ يريد ينطيچ لأبن عمچ شلون تروحين عدهم وشلون تخلين ڪلشي طبيعي ليش ما تخلين موقف الچ إني ما اگلچ روحي تعارڪي وي أهلچ لو تسوين شيء مو زين بـــس حسسيهم ليش رافضين فڪرة زواجچ من البصرة خلي ابوچ يحس بيچ
هو يسولف واني دموعي نزلت بقيت ساڪتة اسمعله وأمسح عيوني ما أريده يحس دا ابچي بوقتها صار المغرب واحنه باقين نحچي رفعت راسي للسماء وبقيت احچي وي رب العالمين
يارب حبيته بوقت ما چنت متوقعة راح ارتبط حبيته وإني چنت حالفة مُستحيل أدخل بعلاقة أو شيء أسمه حب لأن حرفياً چنت ڪارهة شيء أسمه حب شلون گدر يخلي گلبي هايم وغرگان بهل حب شلون وصلني للمرحلة هاي؟
من ڪثر ما إني مهووسة بيه صرت أشوفه بأحلامي مُستحيل راح يڪون اڪو حب بعــــد حبي اله
يارب سهل ڪلشي عليه بحق الحسين لا تخليني انهضم وانڪسر ما اتحمل هيچ بقيت أرجع براسي ع الحايط واني گلبي معصور بڪل مرة نحچي بهذا الموضوع ارجف وينعاد نفس الرفض خاف لا أخسر محمد أنتبهت على أصابع أيدي ترجف بقيت لازمتهم حيل
مُجرد فڪرة أحس أنه ما راح أصير لمحمد حيل تخوفني وشعور الرجفة والبچي لا أرادي يصير بحيث ابتعد حتى عن الأڪل ما أشتهي شيء أحس رغبتي بڪلشي أنتهت ..
خليت راسي بين رجليه ودموعي صارت بحضني بقيت اسولف وي رب العالمين
يارب ماڪو شيء صعب عليك وأنت تحب ڪلشي يصير بالحلال خليه يصير نصيبي لا تعلق گلبي بيه وبعدين يصير لغيري يارب لا تضيع تعبي مشاعري ما اگدر انطيها لأحد غير محمد أحبه
أنت تقرأ
عشــق الأستاذ والمهندسة
Любовные романыاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
