عشــق الأستاذ والمهندسة

Part 23

الڪاتبة: Shahad Mohamed

محمد التهة وي أبن عمته اللي رجع من الخارج واني نفسيتي تعبت من سبب رفض أهلي ڪل يوم أحسه يعدي عليه بالف سنة يجي محمد يراسل الصبح وبالليل يطلع وي ابن عمته ياخذة يفترون ويشوف البصرة لأن من زمان ما جاي للعراق

عدت فترة واني بڪل يوم اعاتب محمد ليش يتأخر عليه ويطلع وي ابن عمته واني حيل محتاجته

محمد: أبن عمتي رجع من اليونان للعراق وڪلشي ما يندل ناسي الأماڪن واني اطلع وياه ونبقى للـ 2 الفجر ونرجع للبيت ومرات نبقى للــ 5 الصبح گاعدين
و شهد ع بالها اني مقصر وياها بــس اني ما افرغ التهي وي أبن عمتي چنت طالع اني وياه للمول واتصلت شهد عليه

شهد:  هلو حبيبي شخبارك، شنو سالفتك ليش ما موجود ع النت وين طالع بالي يمك أنت شنو ما تحس شنو يصير بيه شجاك أرجع مشتاقتلك
محمد: هلا گلبي والله ملتهي وطالع بالجزائر وي أبن عمتي وهَسة احنه بالمول وراح نتعشة وناخذ ڪم شغلة ونرجع لا يضل بالچ

شفت محمد ملتهي وي أبن عمته واني گلبي عليه ومشتاقتله صار يومين ما حچينه بــس الصبح وبعدين يطلع ما أشبع منه سمعت صوت أبن عمته اجه يمه گله نگعد هنا ومحمد گله بنات گدامنه اني سمعت هيچ وفارت روحي لو ابن عمته يمي چان اطلع غضبي بيه فوگ ما ماخذه مني وطالع يفتر وياه النوب يخليه يگعد گبال البنات

شهد: بابا تغير المڪان بديت اتحسس واغار وبعدين أبن عمتك شنو شريچتي شو 24 ساعة طالع وياك واني غبية باقية بوحدي هَسة تغير المڪان لا والنبي..

محمد: اششش No problem  ڪافي احبچ احبچججج احبچ يلا صارت زحمة يمي ما اگدر احچي اجه أبن عمتي
شهد:  اجه شريچتي يلا روح روح ما أحبك وشوف راح انتظرك اذا ما ترجع ونحچي يا ويلك صار يومين ما حاچيه وياك

محمد: ماشي صاار
شهد:  ما ادري احس ما مرتاحة من هل حچاية
محمد:  ولچ ما اگدر احچي بعــــد هههههه اعوضچ يلا حبيبي ارتاحي ولا يضل بالچ
احبججج مححح
شهد: تعرف نقطة ضعفي أنت أحبك بابا

يلا روح وتعشة زين ولا تنسه منتظرتك لا والله..
محمد:  ولچ ڪافيي ههههه بعدين بعدين نحچي

راح وحسيت ارتاحيت هَسة رجع النبض لگلبي لعد وين چنت عني خبيث تعوفني وتطلع تتونس وي شريچتي ههههه الله لا يحرمني منك حيل أحبك

عدت فترة قصيرة وچان ينزل منشور إعلان النتائج حسيت بشعور ضيگة خلگ يربي متوترة حتى ما بيه حيل أروح للجامعة ما أريد انصدم وخايفة من مادتين ما متأڪدة منهم اوووفف
رحت اتصلت على صديقتي گالت عدها ظرف ما تگدر تروح تستلم النتيجة واني القلق صار يقرأ عندي ألف منو من البنات تروح حتى اوصيها تجيب النتيجة مالتي وياها