الڪاتبة: Shahad Mohamed
اجيت انام وگعدتني أختي
حبابة گومي تعالي خلي نراجع قواعد ولچ أحس اقرأ وما مسيطرة ع المادة فدوة راجعيني وخلي نحل وزاريات گلتلها نعسانه على باچر گالت شلون باچر هو باچر الأمتحان
رحت غسلت وجهي وصحصحت وبقيت گاعدة وياها للصبح اقريها لحد ما صارت الساعة 6 الصبح قطعوا النت وراحت هيّ تبدل حتى تروح للأمتحان، اجيت أنام ما اخذت عيني نوم يربي شسوي رحت للمطبخ سويت گهوة بقيت گاعدة بالهول أفڪر بأختي راح تتشجع وتجاوب لو ترتبك وتنسى اللي قرته ما انتبه إلا بابا گعد
شهد: صباح الخير بابا
بابا: صباح النور بابا، شنو أختچ راحت للأمتحان
شهد: أي بابا طلعت قبل شوية
شلونها معنوياتها گتله إن شاء الله أحسن
بابا: شهد شوفي امچ مجهزة ملابسي أطلع للدوام
رحت لگيت أمي نايمة گلت خطية اگعدها فتحت ڪنتور بابا وطلعت قميص سمائي وبنطلون رصاصي والحزام الأسود والحذاء السودة وجهزتله الريوگ
طلع بابا للدوام و اخواني بعدهم نايمين حسيت بملل رحت جبت الزاهي والماسحة وبلشت اغسل بالبيت وعطرته تعبت صارت الساعه بالـ 1 الظهر گلت أروح أنام
نمت وگعدت المغرب گعدتني أمي للصلاة فتحت الموبايل لگيت محمد دازلي
محمد: دزيت الشهد من العصر مساء الخير شو ماڪو؟ بقى بالي يمها خاف صاير عليها شيء مو من عادتها موجودة وما ترد واني موصيها تنام يعني ما معقولة باقية مساهرة واني اعرفها مرات تبقى مساهرة فترات طويلة يلا تنام
شهد: فتحت الموبايل ورديت عليه
مساء الورد حبيبي، موجودة بــس چنت نايمة البارحه بقيت وي أختي اراجعها وطار النوم من عيوني
محمد: چنت ضايج ومقهور وبالي يمها وتطلع مساهرة گلتلها صلوات من رديتي ليش ساهرتي مو گتلچ تنامين هَسة شنو فادچ السهر خليچ وياها
شفته متعصب گلت اتصل عليه لأن اذا ادز رسالة يمڪن ما يتفهمني زين بقيت اتصل وما يرد
حرفياً التصرف اللي سواه وياي مو صحيح إني ما سويت غلط ليش يعاملني بهاي الطريقة لأن بقيت مساهرة بــس ما ساهرت على شيء ما بيه فائدة أختي هاي وطالبه سادس لازم اشجعها واڪون وياها وبالأخص هيّ هاي فترة الامتحانات
اوووف هَسة رد مو لحيت هواية ليش تتجاهلني يا أخي ما مسويه غلط يربي هذا شنو يقنعه
دزيتله
اني ما عفتك ولا متقصدة أنه ما احچي وياك شسوي إذا هيّ طلبت مساعدتي وهيّ بأمس الحاجة حتى تقرأ وتعرف أنت هذا وزاري
الصبح النت همة فصلوا والڪهرباء يمنه ماڪو وفوني البارحة خلص شحن چنت اقرأ وياها ؏ اليوتيوب نمت الضهر وخليته ع الشحن ما تستاهل تزعل هيچ وتعصب وبعدين مدا ترد
محمد: افهمي اني ما يخصني شنو سويتي إني گتلچ نامي وخلص ليش تعيدين بالموضوع سهري وقريها مو أنتي استاذة خصوصي إني نعست ولازم أنام وراية گعدة من الصبح سويت اللي عليه وبقيت من الصبح انتظرتچ وحضرتچ تطلعين سهرانه براحتچ سوي اللي يعجبچ
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
