الڪاتبة: Shahad Mohamed
چنت بأيران وجهزنة غراضنه حتى نرجع للعراق
محمد: ترة ما اله داعي تروحين تحچين وياها اني وياچ مو گتلچ أول بأول توصلچ أخباري وبعدين أنتي اجي احاچيج قبل لا احاچي أهلي يعني الاخبار توصل الچ قبلهم
رجع محمد من أيران وطمني عليه وثاني يوم العصر حچة وياي وبقينه نسولف وسألته على صحته گال راح أروح أنام گتله تمام بابا نوم العافية
بالليل دزيتله رسالة اتطمن عليه گال زين بــس وجهة مورم من العملية وراسه يأذيه من البنج
هو يسولف وياي واني اتمنى اڪون وياه ليش يعني هيج أسمعك تتأذة واني ما طالع بيدي شيء اسويه ما تحملت وبچيت بــس ما گتله واني اڪتب ودموعي تنزل على الڪيبورد بقى الڪيبورد يعلگ گتله أرتاح حبيبي وانتبه على نفسك وسديت الموبايل
اجت أختي الصغيرة گالت شهد عفية بــس علميني شلون أسوي الڪيك إني مقهورة وابچي گلتلها بعدين اعلمچ صارت تلح عليه صيحت بوجها طلعييييييي إني وين والڪيك وين گتلچ بعدين ليش تلحين ڪاافي طلعي شتسوين بالڪيك اشتري جاهز وفضينه لا تلعبين بالنار ڪم مرة حاچيه بهل سالفة الناااااار ما توصلين الها افتهمتي لو أعيد وطلعي سدي الباب وراج
بــس شوفي اقسم بالله إذا اجي واشوفج بالمطبخ تلعبين لا تلومين إلا نفسچ خوششش
طلعت أختي شفتها ضاجت من عندي واني ضميري بقى يأنبني ليش صيحت عليها وهيّ أختي الصغيرة واذا چنت متعصبة ليش طلعت قهري بيها ما الها ذنب
بڪل لحظة يجي محمد على بالي يربي شلون بيه هذا اليوم الخامس بدون نوم وما يجيني نوم أبد أريد گلبي بــس يطمن ويهدأ ما گدرت أحس بيه يتوجع انقهر حييل
عدت فترة ڪم ساعة اجيت لگيت أختي الصغيرة نايمة رحت مسحت راسها وبوست أديها وگلتلها مو قصدي ازعلچ مني چنت متوترة لا تاخذين بخاطرچ والله العظيم احبچ ما ادري هَسة نايمة لو گاعدة تسمعيني أخاف عليچ من النار وانتي ما تبطلين سوالفچ ڪل يوم بالمطبخ تردين تتعلمين سالفة جديدة مو زين عليچ النار والله لمصلحتچ ڪبري شوية واني اعلمچ على ڪلشي
أختي دائماً ڪل ما تشوفني اطبخ تجي تسأل وتحاول تتعلم وتضبط الطبخ أحب هل شيء بيها بــس اخاف عليها من النار وهيّ على بالها جاي اضوجها وما اخليها تتعلم
ثاني يوم چنت اسولف وي محمد والوضع عادي وبقيت اسأله شلون صار وتذڪرت زوجة عمه سألته عليها شلونها باجي مهما
لأن من حچيت وياها گالت مريضة
شهد: بابا باجي مهما شخبارها اتذڪر گالت مريضة هيّ وعمك وزحمة ما اسأل عليها إني ما راسلتها گلت أعرف منك
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
