لغيت المتابعة من محمد وهو ضاج من تصرفي بـــس للأمانه حقة يعني هو أخذ الجاهلة يشتري الها واني نار الغيرة خبلتني هههههه مو بيدي هل شيء
بقيت صافنة وي نفسي ليش لغيت المتابعة هَسة ياخذ عليه غير نظره بـــس خليه شنو يگول يگول اني غرت من الجاهلة عليه يعني حقي، بـــس شهد رجعي تابعيه مرة ثانية ليش تصرفت بغباء لو هو يحبني راح يقدر غيرتي عليه وراح يفتهم اني شگد احبه
استمريت أحچي وي نفسي مثل الخبل هههههه
لاا لاا شهد لا ترجعين أتابعيه خلي يحس اني متتت غيرة
طفيت النت وغلقت الموبايل وزعلت والمشڪلة مو هنا أرجع ڪل شوية إفتح الموبايل وانتظره يراضيني بـــس هو ما سوة هيچ اجه ضايج ليش لغيت المتابعه وبنت اخو طفلة صغيرة يعني عادي المفروض ما أغار منها
ضجت من ردة فعله فوگ ما أغار عليه ومنتظرته يراضيني راح هو زعل
محمد: ترة على فڪرة أول شي هيّ صغيرة وعمرها أربع سنوات واني عمها يعني حتى لو اخذيتها واشتريت الها
شهد: اوكِ تمام
محمد: على راحتچ
شهد: مَرّ ثاني يوم العصر ومحمد ماڪو ولا سأل ولا دز شي بقة بالي يمه وبنفس الوقت ضايجة من ردة فعلة وهو يعرف ڪلش زين اغار عليه حتى من الجهال، لزمت گلبي وبقيت احچي وي نفسي يلة شهد شوفي گلبچ شنو يريد هَسة إذا تردين تحچين وياه لا تترددين بالأخير انتِ تحبيه ولازم تڪونين وياه
شهد: ما دزيت شي انتظرته هو يسأل عليه يفتقدني مثل ڪل مرة بس ما صار ولا اجة ولا سأل ثاني يوم العصر وهو ماڪو بقة بالي يمه، حسيت بصخونة وگلبي يدگ سريع تخربطت حرفياً يعني هو يدري أحبه ليش اتأخر عليه ما تحملت گلت اني ادز رسالة أشوفه وينه
شهد: مساء الخير
تأخر بالرد عليه دزيتله المغرب وهو للــ 10 بالليل ماڪو ضل بالي يمه شسوي معقولة لهل درجة زعل لأن لغيت المتابعة
محمد: مساء النور، توفت أم صديقي جيرانه اللي بصفنه هَسة رجعت للبيت
شفت الرسالة وما رديت يعني اني منتظرتك من الصبح لليل وما راسلتني وعلى الأقل احچي گول طالع ليش باقي بالي يمك وحيرتني شسوي
محمد: نمتي؟
اني جداً آسف بس تصرفج مو حلو تلغين المتابعة
اني ما سويت شي غلط تره هاي اصير عمها اني يعني لا تقدم ولا تأخر آسف اذا ضوجتج لأن ڪلش ضجت مساع
محمد: احبچ
شهد: الله يرحمها ويصبرڪم
محمد: يعني ڪلامي ما تردين عليه بس الله يرحمها، تمام براحتچ
شهد: تعبانه حيل
ثاني يوم صارت الساعة 3 العصر واني دزيتله من الـ 10 الصبح وما رد عليه
شهد: محمد وينك والنبي اشتاقيتلك تعبانة حيل وما الي خلگ افهم ليش حتى دتسوي هيچ وياي أنت مو روحي شلون يهون عليك تترڪني أفهم أحبك، إذا متريد تحجي وياي گول بـــس لا تخليني هيچ
محمد: يعني ماتردين على ڪلامي وتگولين ماتريد تحجي وياي اني بالفاتحة وياهم من الصبح
شهد: البارحه صار خفقان عندي وتعبانة محمد
الله يساعدڪم ويرحمها
چان طالع واحچي وياه ما يرد تعبني حيل وبالأخص باقية منتظرته يرد وهو بنفس اللحظة اختفى بقيت اڪل بروحي عليه ياريت لو يمي ويحس شلون جاي اغلي ناار
دزيت رسالة اله وحذفتها قبل لا يشوفها ..
أنت دتشاقة هيچ صح؟
يعني ما متعمد حتى تتجاهلني وتخليني! أنت چنت تگلي ما أريد اشوفچ ضايجة أو مريضة هسة اني اثنينهم محمد وأنت ولا سائل عني..
اوكِ غلطت اني بـــس گتلك ما اتحمل هيچ مو بيدي حتى من الجهال أغار عليك يعني تعوفني وأنت تعرف ما اگدر بدونك
عودتني عليك بعدين هيچ تسوي محمدي!
رجعت دزيتله گتله چنت ڪاتبة هيچ بـــس حذفتها حتى ما أزعلك
محمد: تدرين شنو؟
شهد: شنو
محمد: احبچ
شهد: هو بس يگول احبچ انسة ڪلشي انسة نفسي زعلانه بس مرات اتدلل عليه وضحڪت وي نفسي حسيت رجعلي الأمان چنت محتاجة وجوده يمي
شهد: ضايجة منك
محمد: واني هم ضايج من تصرفچ
شهد: آسفة
محمد: شهود ما أريد هل ڪلمة بعد ماشي
لا تضوجين مني لان احبچ ضجت أشتاقيتلج اليوم افڪر بيچ والله
شهد: مو بگدي تخيل اوگف ؏ السجادة انهار من البچي بـــس اذڪرك
أحبك لا تعوفني بعد
محمد: لا تهملين رسايلي
ولا تگولين مو مجبور تبقى وياي
شهد: محمد تعلقت بيك وصرت أشوفك بڪل مڪان
محمد: ولچ اني جاي اتخيل شڪلچ ههههه
شهد: وجهي دائري عندي خدود شوية عندي غمازة بخدي اليمين طولي زين الحمدلله وجهي بشوش وانت قيس بعد
محمد: يا ترى شوڪت اشوف هل وجه
شهد: راح تشوفه إن شاء الله وتشبع منه
وين انت گاعد؟
محمد: بالبيت بالأستقبال
ليش؟
شهد: أريد احچي وياك
محمد: زين موجود اني احچي
شهد: لا قصدي اتصل عليك
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
