گال دموعي نزلت ڪافي اتصلي حسيت روحي طلعت من مڪانها گلبي نعصر ليش هيچ حچيت والله مو قصدي بقيت ألوم بنفسي
بابا الله عليك صدگ نزلت دموعك من سببي؟
محمد: ليش تسوين هيچ بيه
شهد: والله آسفه والنبي مو قصدي لا تزعل بداعتي
أحبك بابا
محمد: هو اللي يحب يسوي هيچ برأيچ؟
شهد: ما أعيدها بعـــــد بـــس ڪون بخير
ما گدرت اسيطر على دموعي صرت احچي وياه وابچي هو سمعني ابچي وهو انجن عليه
هاي شبيج يعني فوگ ما ضوجتيني النوب تبچين أنتي شبيچ بيچ شيء يلا ڪافي اسڪتي اصلاً نسيت ما صار شيء
بقيت ابچي منهارة حسيت ما اله داعي اللي سويته شلون خليته هيچ تمنيته هو يمي وأراضيه هو بالذات ما أريده يزعل مني
محمد: شلون يعني راح نخلصها بچي، ڪافي يا عمري يلا روحي غسلي وجهچ وتعالي منتظرچ
شهد: ما أروح خليني يمك
محمد: لا حبيبي روحي غسلي وتعالي ما رايح باقي وياچ ع الخط يلا
شهد: ماشي حبيبي رايحة
رحت غسلت وأحس الماي اللي اذبه على وجهي نار يصير بعيوني بقيت أغسل واغمض عيوني
جريت حسرة ورجعت لمحمد
شهد: ها حبيبي أجيت
محمد: تعالي لحضني ويلا اشش بلا صوت ولا تبچين يلا عمري
مشتاقلج شخبارج
شهد: بابا لا تعوفني والله مو قصدي چان
محمد: حبيبي راح الموضوع انسيه هاي هيّ ..
بقى يسولف وياي وأني بغير عالم بالي صار مو يمه ڪل تفڪيري ليش خليت دموعه تنزل بسببي شلون أرتاح من هذا التفڪير شگد حاول يخلني انسه الموضوع بـــس ما گدرت
خلصنه الأتصال واني أحتاريت شسوي ضليت أڪل بروحي رحت فرشت السجادة وصليت رڪعتين نفس ڪل مرة أحس بشعور غريب وحلو شعور رجع الأمان لگلبي
بقيت استغفر الله وأدعي يحفظه اليّ رغم غلطت وياه بـــس ما خلاني بوحدي بقى محتويني
يارب سامحني ما أريده يتأذى بسببي أحبه حيل ومتعلقة بيه يارب أنت تعرف گلبي شگد يحبه أخذ مني ڪلشي أحبه وبقيلي محمد
بوقتها فتحت القرآن وصدفة طلع بوجهي سورة يٓس دمعت عيوني يارب حيل أحب هاي السورة أحس براحة من اقرأها ونوبات قبل لا أنام أسمعها ڪملت قرأءة القرآن وخليته على گلبي ودموعي صارت عشرة عشرة بدون ما أحس على نفسي و أني ابچي
محمد عَوضني عن هواية أمور سندي من بعـــــد الله دائماً افڪر إذا زعلته ورب العالمين على أي لحظة ياخذ أمانتي أني شلون راح اسامح نفسي صح اضوجه وأشلع گلبه بـــس وراه اتندم وابقى أرجف خوف من رب العالمين ليش اخليه يوصل لهيچ مرحلة
محمدي أنت راح تقرأ هذا البارت من قصتنة آسفة على ڪل لحظة زعلتك بيها أو شلعت گلبك وما سمعت ڪلامك حيل أحبك عَوض الله أنت ولازم أحافظ عليك وي روحي
إن لـم تـسـعـك الأرض يـومـاً فـتـذڪـر أن لـك مَنـزلاً آخـر فـي قـلـبـي
ڪل همي ما أزعلك مني وأدور رضاتك لأن انت فعلاً حبيب وصديق وسند وأب وأم وأخ وأخت ڪل الدنيا عَوضتني عنها
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
