خابرتني عمتي وگالت باچر أول يوم العيد غداڪم يمنه گلتلها ماشي
رحت حاچيت أمي حتى يصير عدها خبر
شهد: بابا اتصلت عليه عمتي وباچر معزومين يمهم
محمد: باچر مو عيد شلون تطلعون يعني ما يجوڪم خطار
شهد: لا حبيبي محد يجي باچر
أول يوم العيد رحنه لبيت جدو عمتي عايشة وي بيت عمي
رحت عايدت أهلي ڪلهم وما خليت أحد ما أخذت منه عيدية صار وقت الغدة وفرشنة السفرة والعوائل ڪلها گعدت تتغدة خلصنه ومرة عمي چانت مسوية ڪيك وچاي وگهوة للي يحب
رحت وي البنات بقينه نسولف وتذڪرت محمد ما حچيت وياه گلتلهن اترخص منچن شوية وأرجع
دزيتله فيديو اطلالة العيد وگال طالعه تخبلين شنو هذا الجمال
چانت تمطر قوي عدهم گتله شنو هاي هَسة تطلع بمڪاني بالمطر ما يصير عدڪم تمطر واحنه لاا
محمد: همزين ما تمطر يمڪم هَسة تطلعين ههههه
شهد: بابا راح احاچيك شيء بـــس ما تضوج ماشي
محمد: شنو حبيبي؟
شهد: راح ابات يم البنات حباب ولا ترفض تگول لاا لأن أدري بيك
محمد: حبيبي ما تباتين ترجعين تعرفين أغار
شهد: ترة أختي راح تبقى وياي يعني مو وحدي وبعدين بايته يم البنات صار فترة ما گاعدة وياهن ومسوين لمه هيچ
محمد: اخذي راحتچ
شهد: هاي شبيككك بابا يعني شنو طلبت منك گتلك ابات يم البنات بعدين تگلي اخذي راحتج تحچي صدگ انت؟
محمد: اني بالگوة قبلت تروحين شبيج شهد النوب تباتين هو مو عيد ترجعين وخلص
شهد: ليش مثلاً اني وين راح ابات غير همه بيت أهلي
ضجت حيل چنت واعدة البنات ابقى وياهن صار شهرين ما شايفتهن وحيل مشتاقتلهن يعني ما تستاهل يعصب عليه ويگول لاا حسيت نفسي صرت بموقف مو حلو يعني گلتلهن راح ابات رجعت گلتلهن بنات عمري غيرت رأيي خلن أختي يمچن اني مشغولة عندي ڪم شغلة لازم أسويها
شفت اخوية وعمي يردون يطلعون وگلتلهم ارجع وياڪم
عمي گال تمام
دزيتله ترة راجعة حيل ضجت
محمد: دزي الفيديو اللي دزيته ذاتي الأختفاء قبل شوية
شهد: يا فيديو؟
هو يگلي هيچ واني بداخلي ناار عليه يعني شنو موقفي من بنات عمي وهمه بيت أهلي واحنه متعودين عليهم ليش حتى ما خليتني أبات
من اوصل للبيت ادزه
محمد: دزيه هَسة حتى يحمل
بقيت صافنة يعني صدگ يحچي اني روحي طالعه وهذا يريد الفيديو
جريت حسرة واحنه بعدنه بالطريق
گتله تمام ادزة بـــس تخليني ابات وهَسة احاچي عمي اگله نسيت غراضي هناك وأرجع ابات يم البنات
حاچيت عمي گتله عمو بعدنه بالطريق ونسيت غراضي هناك عادي نرجع گال انتي تلعبين يعني ترجعينة ليش ما تخلين أهلچ يرجعوهن وياهم گتله لا محتاجتهن ضروري
رجعني لبيت عمي
أنت تقرأ
عشــق الأستاذ والمهندسة
Любовные романыاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
