الڪاتبة: Shahad Mohamed
حاچيت محمد وگتله هَسة إني بيت جدي بــس نخلص الغدة أروح لعمتي احاچيها تساعدنه وترجع تفتح الموضوع من جديد وي أبوية
بهاي اللحظة توترت حيل هاي أول مرة راح احچي وإني ولا يوم حچيت لأحد ولا لمحت بعلاقتي وي محمد
چنت گاعدة بالمطبخ اجت بنت عمي وگالت تعالي ساعديني نريد نسوي گعدة للعائلة شوفي شهد إني راح أخذ الحلويات وأنتي تعالي وراية جيبي العصاير والفاڪهة
شعور الرجفة اللي بيدي ما راح اجيت أخذ صحن الفاڪهة وأيدي رجفت رجعت لورة گلت لااا ما أريد اتفشل واڪسر شيء واني بيت جدي زحمة
بقيت انتظر بنت عمي ترجع حتى اگللها أنتي اخذيهم ما اجت طلعت من المطبخ وبقيت منتظرتها بالهول اجتي گالت ليش ما اجيتي صار شگد منتظريچ سألتها وين عمتي گالت گاعدة يم عمامي گلتلها ماشي اخذي الصحن واني صاعدة لفوگ إذا خلصت عمتي دزي أحد يحاچيني
صعدت للغرفة واني گلبي يدگ تمنيت محمد يمي ويهدأني يطبطب على گلبي شوية
اجت أختي گالت شهد نزلي الڪل يسأل عليچ بعدين تعالي شبيه وجهچ صاير أصفر شصاير گلتلها الله عليچ يعني مبين عليه گالت يااااا اگللها وجهچ أصفر تگلي مبين عليه عدلي شوية خلي شيء
رحت للمرآية اباوع على وجهي يربي ما بيه شيء لو اني ما اشوف زين لو ڪلام اختي صحيح
نزلت واني بعدني بأول درجاية اقرأ سورة الفاتحة وأردد بداخلي (لا إله إلا الله وحده لا شريك له له المُلك وله الحَمد وهو على ڪُل شيء قدير )
لگيت عمتي بالهول گلتلها هاي شطالعه اليوم تخبلين تعالي عندي حچاية وياچ اريدچ ضروري اخذيتها من أيديها ودخلت لغرفتها
گعدت گبالها ولزمت أيديها گلتلها شوفي جايتچ بموضوع وهل موضوع اوعديني يبقى سر وما تحچين لأحد إذا ساعدتيني راح اڪون أسعد مخلوقة بهل ڪون وإذا گلتي لا فَـ يبقى سر وأمانة عندچ ليوم الدين
لزمت ايدي شافتني أرجف گالت وياچ بڪلشي وأي شيء تحچيه ما راح اگوله ومن تطلعين من الغرفة أعتبري اندفن هناا ومُستحيل اخيب ظنچ وانتي تدرين بيه وتعرفين طبعي السر إذا احد امنيي عليه يبقى وياي
اطمئنيت من ڪلامها وهيّ بالأخص قريبة عليه دائماً أخذ رأيها واناقشها بهواية أمور
شوفي عمة اني حاچيتچ قبل فترة علمود ولد من البصرة وگتلچ طالبة ويانه بالجامعه عن طريقها هيّ محمد اجه يتقدملي أريدچ تحچين وي بابا حتى يوافق أني ادري بيه إذا يصير ضغط شوية عليه راح يوافق اڪيد بس هل شيء ما يجي بوحده لازم مساعدتچ
عمتي أحبه ومعجبة بيه وشفته وهو أجه حچة وياي ولسة ما راح عن بالي حسيت هو هذا الشخص المُناسب اليّ تگدرين تگولين أرتاحيت اله واني حاچيه وياه وما سويت شيء غلط الله يشهد وما صار شيء حرام أريد تستمر هاي العلاقة بالحلال
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
