الڪاتبة: Shahad Mohamed
ثاني يوم الصبح دز محمد رسالة
محمد: صباح الخير حبيبي شلونچ شلون صرتي
شهد: صباح الورد روحي، رجعت صخنت
أنت شخبارك بابا
محمد: ليش شجاچ هو أنتي اڪلتي لا؟
شهد: بابا گعدت غسلت ع بالي صخونة عادية بـــس شڪلها لا
محمد:اخذي علاج ديري بالچ على روحچ
شهد: صار بابا
أحبك
محمد: احبچ
بالليل اجه محمدي ودز هلو
شهد: هلو حبيبي، إذا معندك شيء خلي اتصل ما بيه اڪتب ايدي ترجف
دز صورة شمعة هو شاعلها گال هاي شعلتها النه بوقتها صادف ليلة استشهاد الأمام القاسم (؏)
شهد: يا روحي اني إن شاء الله تتيسر ڪل امورنه
محمد: حبيبي يمي ولد عمي جاي نباوع للطوبة
شهد: هاا يعني هَسة الطوبة أهم مو؟
محمد: حبيبي چان ما عندي شيء ليش ما اجيتي يعني اجيتي من اجوا
شهد: مصخنة حتى ما گدرت ارفع راسي بقيت بالفراش وأختي خلصتها عليه ضحك
چنت مصخنة حيل وحرارتي وصلت للـ 39 اني ما منتبهة على نفسي من الصخونة احچي أي شيء يجي على بالي وأختي ميته ضحك على سوالفي
اگللها هذا محمد ما يخاف الله أخذ عيوني هَسة شلون أشوف ولچ لحگي راح يتزوج عليه والله العب طوبة بيه بـــس يفڪر هيچ خلي يدير باله يتزوج احبه اني واصلاً راح اتزوج ابوية
أختي تگلي حرام شلون تزوجين بابا هيّ ما تدري اني اصيح لمحمد بابا
بعدين گلتلها ولچ هذا محمد إذا يتزوجني اطبخله تمن وعصير وهيّ ميته ضحك
گعدت الصبح لگيتها مصورتني گلتلها هَسة تحذفيه شلون تستغليني هيچ بقت تضحك والله يا شهد البارحة سوايتچ محد يسويها هههههه ولچ سوالفچ مدري من وين تجيبيها هاي ڪل اللي يصخن هيچ يونس
محمد: صباح الخير حبيبي، شلون صرتي
شهد: صباح الورد روحي
حيل مصخنة واحس مايعة من الصخونة
محمد: يا عمري اخذتي علاج شيء؟
شهد: أي والله أخذت بـــس بعدني
راح محمد بقيت منتظرته بعدين سديت الموبايل تأخر هو رحت طلعت مواد السڪن ڪير وبلشت اسوي أديه ورجليه سويت تنظيف عميق أريد شيء يطلع الصخونة من راسي رحت لأختي گلتلها تعالي وياي سويلي واهس
گعدنة اني وأخواتي وصرنة ثلاثتنة نسوي تنظيف للبشرة خلصناها سوالف ونتذڪر طفولتنه
أختي الصغيرة: شهد لو تزوجتي وصار عندچ اطفال راح تنسينه وتلتهين وي زوجچ واطفالچ
شهد: انتي خبلة شبيچ واذا اتزوج يعني شنو انساچ!! اصلاً ابقى على تواصل وياچ ڪل يوم لحد ما اخليچ تجزعين هههههه
أختي: منو گال راح اخليچ تتزوجين تبقين يمنه شعندچ رايحة لبيت زوجچ
شهد: هههههه شنو هاي من هَسة ولچ هيّ سنة الحياة هيچ إذا ما اتزوج هَسة يمڪن بعـــــد ڪذا سنة
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
