الڪاتبة: Shahad Mohamed
رحت حچيت وياها
شهد: مساء الخير عمري ڪلش اعتذر عن الأزعاج عادي أخذ من وقتچ
مهـا: هلا حبيبتي مساء النور تفضلي منو حضرتچ؟
شهد: باجي ما أريد ازحمچ وياي صحيح ما عندي معرفة شخصية بيچ بــس أريد اسألچ عن محمد من البارحة ماڪو وعلى أساس اليوم الصبح يروح للعملية وما عرفت شيء بالي يمه الله يخليچ إذا عرفتي شيء لا تقصرين وياي
مهما: حبيبتي اتصلنه عليهم وگالوا بالأهواز وإن شاء الله أي شيء يصير اني احاچيچ
يلا عمري على راحتچ باي
شهد: إن شاء الله باجي وحيل مَمنونة
أريد أحد يطمني عليه يارب لا تفجع گلبي هيج بيدك ڪلشي يصير ما أريد شيء بــس خلي يرجع بخير وگلبي يهدأ
قبل فترة قدمت CV على مرڪز تجميل وراح عن بالي شبه اللي نسيت چنت متوترة وضايجة الساعة بالـ 4 العصر اتصلت عليه وحدة وگالت وياچ مرڪز التجميل وطب الأسنان عندچ مقابلة ويانه ع الساعة الـ 7 ننتظر قدومچ ما مستوعبة هل شيء چنت منتظرة هذا التعيين بفارغ الصبر بــس الوضع اللي اني بيه ومحمد مو وياي گلتلها تمام بعدين انتبهت على نفسي رجعت اتصلت عليها گلتلها عمري شوفي غيري سديت الخط
جنت گاعدة بالهول وسديت الخط صعدت للغرفة لميت رجليه لحضني وعيوني على الموبايل شوڪت ترجع محمد شوڪت تدزلي رسالة تطمني عليك أجت أختي شافتني نايمة ابچي ومخليه راسي على الگاع
شهددد شبيچ اللي يشوفچ يگول ميت عندچ أحد گولي يا الله محمد أول وتالي راح يحچي وياچ ليش جاي تعبين نفسچ صار 3 أيام بدون نوم ولا تاڪلين ليش تسوين بعمرچ هيج والله العظيم ڪلشي راح يصير زين ومحمد يرجعلچ بخير گومي يلاا مو زين عليچ نايمة على الگاع شنو راح تحصلين
شهد: اختي تسولف وياي واني تفڪيري يم محمد شنو وضعه هَسة وهو بالعملية تمنيت اڪون وياه بهل لحظة
ولچججج ما اگدر اتحمل راسي راح ينفجر لا جاي انام ولا جاي افڪر زين حسيت تعبت واني احچي وياها الغصة بداخلي أريد بــس أحد يحچي أي شيء وابچي بصوت عالي گلتلها حضنيني تعبانه
خليت راسي على گلبها وبقت تمسح على راسي واني ابچي بحرگة گلب ولچ والله أحبه يمڪن تشوفين تصرفي هذا مُبالغ بيه بــس مو بيدي جاي اشتاقله ما تعودت عليه يترڪني ويروح لزمت أيدي وگالت شهد إذا البچي يخليچ ترتاحين ابچي بــس لا تعبين نفسچ أنتي مو تعرفين محمد ما يقبل تأذين نفسچ ولا جاي تاڪلين ولچ رحمي حالچ أنتي حتى نوم ما نايمة يلاا راح اجيب اڪل واجي اريدچ تاڪلين وترجعين أحسن يعني لو رجع محمد وشافچ هيج شنو راح يگول
طلعت أختي ورحت لزوجة عم محمد حتى احچي وياها..
شهد: مساء الخير باجي شخبارچ بشري شنو عرفتوا عن محمد والله بالي يمه وخايفة عليه
مهما: مساء الورد حبيبتي والله ما عرفنه شيء أمه خطية وضعها صعب وبالها يمه
شهد: خطية الله يساعدها ويصبر گلبها ويرجع محمد بخير وتقُر عيونها بيه
أنت تقرأ
عشــق الأستاذ والمهندسة
Romanceاحببتُ أستاذاً ڪان لي صديقاً وحبيباً وروحاً لا تُفارقني أبداً لم اتذوق طعم الوحدة وانا بقربهِ بڪُل تفاصيل الحب أحبه أنا مُمتنة لقلبي على أختياره لحبيبي وقُرة عيني لم اتندم إلا على شيء واحد لماذا لا أعرفه من قبل فَــ حياتي أزهرت بدخوله أعماق قلبي أصب...
