_මනෝහර_ (completed)

68: මගුල් නෑගම් සභා මැද්දේ අනේ ඕකගෙ සරම කැඩියන්

කමෙන්ට් ගෝල් 50

මනෝහර සෙනේෂ් දිහා කඳුලු පුරෝගෙන බලාගෙන උන්නා. ඉස්පිරිතාලේ ඇඳක් උඩ සෙනේෂ් වැතිරිලා උන්නා. සනූෂ් ඩිරෙක්ටර් මහත්තයා ක්‍රියාත්මක වෙලා සෙනේෂ්ව පෞද්ගලික රෝහලකට ඇතුලත් කරන්න කටයුතු කරපු නිසා මනෝහර ට සෙනේෂ් ගෙ පෞද්ගලික කාමරේට වෙලා ඒකා ගෙ මහත්තයාගෙ ඇස් දිහා බල බලා හූල්ල හූල්ල ඉන්ඩ වෙලාව ඕනෙ තරම් තිවුනා. ඒකාගෙ තුවාල වලටත් බේත් දාගෙන අත පය බැඳගෙන මේකා හූල්ලනවා.

කලබලේ ඉස්පිරිතාලේ ආව අහර්ශ ශයාන් වන්දීත් කොලු නඩේ ඉස්පිරිතාලේ ගාස්තුව ගෙවන්ඩ කියලා ගියපු නිසා සෙනේෂ් එක්කලා මනෝහර තනි වෙලා උන්නෙ. මනෝහර සෙනේෂ් ගෙ ඔලුව අත ගාලා නළලට හාදුවක් දුන්නා.

"මයෙ දිහා බලන්ඩ මයෙ මහත්තයෝ.... මනෝහර ගෙ හිත උහුලන්නෑ මයෙ මහත්තයා මේම ඉන්නවා දකිනකොට ඕන්. මයෙ දිහා බලන්ඩ මයෙ රත්තරන් මහත්තයො. මනෝහර දිහා බලන්ඩකො ඩිංගක්"

මනෝහර සෙනේෂ් ගෙ මූණට පාත් වෙලා දොඩෝනවා. මනෝහරට මතක් උනේ එදා හවස් ජාමේ සිද්ධ උන සිදුවීම් අනුපිළිවෙල. ඒ එකක්වත් මතක් කර කර ඉන්ඩ තරම් සුන්දර සිදුවීම් නොවිච්චි. ඒ අස්සෙන් ඒකාට වරදකාරි හැඟීමකතුත් මෝදු වෙච්චි.

සෙනේෂ්ට විද්ද උණ්ඩෙට පැන්න වත්සල නහයෙන් කටෙන් ලේ පෙරාන බිම ඇදගෙන වැටෙද්දී මනෝහර යි සෙනේෂුයි දෙන්නාම තැනුවේ ඒකා ගාවට කඩා වදින්න උනත් , පොලිසියත් වට කරලා තිවුනු වෙලාවක පාලනයක් නැති වෙච්චී සම්නායක ඇමති කාරයා , නටන ලේ වලට සාධාරණයක් ඉෂ්ට කරන්න දෙවනි උණ්ඩෙත් සෙනේෂ්ට තිවුවා.

තප්පර දශම ගානක්වත් ගත නොවිච්චි. මනෝහර ගෙ සංවේදී ඉන්ද්‍රියන්ට අනාගතේ පේනකොට ඒකාට ආයෙම වතාවක්, ඒකාගෙ දෑස ඉස්සරහම ඒකාගෙ මහත්තයා නැති කර ගන්ඩ අවශ්‍ය නොවිච්චි. ඒකා එහෙමම සෙනේෂ්ව ඇදගෙන තමන්ට අංශු මාත්‍ර ගානකින් එහා තිවුනු මහා ප්‍රපාතෙන් බිමට පැන්නෙ පහල මහ මූද කියලා දැනගෙන. වැටුනු වේගයට දෙන්නම මූදු පත්ලට කිමිදෙනකොට කින්නර ස්වරූපයට පත් වෙච්චි මනෝහර සෙනේෂ්වත් ඇදගෙන පහල තිවුනු ලැහැබ අස්සට පීනනකොටත් සෙනේෂ් හිත ගැස්සිලාද මන්දා සිහි නැති උනා. මූද යටදී මනෝහර කින්නර ස්වරූපයෙන් ඒකා ගාවට පීනගෙන එනවා බලාන තප්පරයක් දෙකක් විතර බලාන උන්නු සෙනේෂ්ගෙ පිය වෙච්චි ඇස් දෙක මේ තාක් ඇරුනෙ නැහැ.