نَتَلاقى وَراء المَسجِد

تَرَدُد

تعليقاتكم تزيد من جودة الروايه
استمتعو!

—————————————-

صباح ٦:٤٥

مشغل مقطع طبخ، يجرب يسوي فطور جديد و مو مكرر عشان ليلى، و كل ما ما يفشل المحاوله يعطي الاكل لكلبه

جرب يسوي لها سوشي، و كان صعب عليه، خاصتاً ان ما عنده الادوات كلها، بس حاول قد ما يقدر.

يجرب يلفهم حبه حبه و الي تنفك ياكلها، بس اغلب الي سواهم يجي منهم، فقرر انه يحطهم باللنتش بوكس حقها، و يخلي لهم شوي عشان يفطرون عليهم.

راح لغرفة ليلى و قعد عند سريرها، يمسح على راسها، "ليلو...ليلي...ليلى"

ليلى همهمت و هي لسى نص نايمه.

تَيّم: "سويت لك اكل تحبيينه"، قالها و هو يدري ان ليلى تموت على الاكل المتنوع خاصتاً السوشي.

ليلى قامت من النوم.

تيم ضحك: "اشوفك ما قمتي الا يوم قلت اني مسوي اكل تحبينه"

ليلى: "اسكت"

تيم: "ابشري"

ليلى:" وشو الاكل؟"

تيم: "قومي و تشوفين"

ليلى مدت يدينها له و زمها و وداها للحمام، غسل لها وجهها و قامت تفرش اسنانها بنفس الوقت كان تيم يسرح شعرها، قرر يسوي لها شعرها نص تحت نص فوق، بس الجزء الي فوق جدله.

تيم: "يلا انا ابي اروح البس و انتي خلصي من الحمام و روحي للصاله، الاكل محطوط هناك"

تيم دخل غرفته و طلع tank top و عليه سويتر خفيف و بنطلون وسيع شوي، لبسهم و طلع، بعد فتره طلعت وراه ليلى و شافت الاكل، و سريع وجهها نور مجرد ما شافت اكلتها المفضله.

ليلى: "شكراً يا احسن اخ و احسن طباخ و احسن ابو"

تيم كان يبتسم، لين ما قالت اخر اسم، حس بذنب انو اغلب الاطفال ينادون ابائهم "احسن اب" بس هي تدور على ابوها فيه، و تشوفه قدوه بكل شي.

تيم قرب لها و حضنها: "احبك ليلو، انتي احسن شي صار بحياتي"

ليلى حضنته اقوى و دفنت وجهها بصدره: "انا احبك اكثر تيمو"

تيم نزل راسه يشوفها و ارتسمت ابتسامه بوجهه يوم ناظرت له ليلى: "يلا كولي"

اكلو و طلعو برا البيت، تيم وصل ليلى للمدرسه و راح لجامعته.

اخذ قهوه، طلبه المعتاد سبانش لاتيه مع حليب جوز هند و هو ينطر الطلب فتح جوالي يشيك على الجدول، انقلش اول حصه، زفر و تذكر امس يوم البروفيسور اخذه عشان يهتم بجرحه، ناظر بيده و تذكر انه يوم تروش امس طاحت اللزقه: "يا رب ما يشوف، ما لي خلق له"