نَتَلاقى وَراء المَسجِد

التساؤلات

___________________________

٢-

صباح اليوم الثاني الساعه ٦:٥٠

رن المنبه، يدوره بدون لا يفتح عيونه طفاه و زفر و قام للحمام يكرم السامع و شعره حوسه قضى حاجته، فرش اسنانه، و غسل وجهه ثم رجع للغرفه و شال اساوره و لبس تي شرت فرقة روك و فوقها قميص لونه ابيض، و جينز لونه اسود،( لبس مرتب) عشان الجامعه و جلس على السرير.

مسح شعر اخته و وخره عن عيونها: "ليلى، ليلي، قومي يا اميرتي، يلا قومي، عشان اوصلك للمدرسه"

ليلى همهمت و فركت عيونها ثم ناظرت لتيم و ابتسمت "صباح الخير تيمو"

ضحك تيم: "صباح الخير ليلو!"

ليلى بعدين قامت و راح للحمام تقضي حاجتها تفرش اسنانها.

تيم جهز مريول ليلى

تيم: "يلا ليلي خلصي بسرعه عشان اسوي شعرك"

ليلى خلصت و طلعت: "يلا سو لي شعري جديله"

تيم: "اببشري"

تيم مشط شعر ليلى و جدله و ربطه، بعدين حط فيونكه صغيره

تيم: "يلا باخذ صوره لك اول يوم مدرسه"

ليلى: "حتى انت اول يوم جمعه!"

تيم ضحك: "اسمها جامعه"

ليلى: "نفس الشيي"

تيم" طيب ابشري"

تيم راح سوا لليلى فطور، سندويتشة ديك رومي، و حط لها اكل بشنطتها، و هو اكتفى بشرب قلاص حليب

ليلى: "تيم ليش ما تاكل"

تيم: "ماني جوعان"

ليلى: "اذا ما اكلت ما راح اصور معاك"

تيم ضحك: "ابشري الحين اكل، وش تبيني اكل"

ليلى: "سو لنفسك زي سندويتشي"

تيم: "من عيوني، تامرين امر"

سوا لنفسه اكل و اكله قدام ليلى و قعدو يسولفون شوي و ليلى سألت تيم، "تيمي، الحين ليش ماما و بابا دايم يعصبون عليك؟"

تيم حس بضيقه: "لانهم يحبوني، فيعصبون علي عشان مصلحتي"

ليلى: "طيب ليه رحنا شقه، كان بيتنا كبير"

تيم بضيق: "عشان اصير قريب لمدرستك الجديده و جامعتي الجديده"

ليلى: "اها"