ថ្ងៃថ្មីមកដល់ តែព្រឹកនេះព័ត៍មាននៅក្នុងអ៊ីនធឺណេតហាក់វឹកវរសម្បើមណាស់។ ព្រោះតែរូបភាពមួយសន្លឹកគត់ ដែលធ្វើអោយមានផ្ទុះការជជែកវែកញែកគ្នាថាតើ កំពុងមានអ្វីកើតឡើងរវាង កម្លោះសង្ហារជុន ជុនហ្គុក និងអ្នកគ្រប់គ្រងដែលទើបនឹងរះថ្មី វ៉ាងម៉ាលី? បន្ទាប់ពីព័ត៌មាននៃការបែកគ្នារវាងនាងនិងអតីតសង្សារកើតឡើងមិនប៉ុន្មានថ្ងៃ លើសពីនេះទៅទៀតគ្រប់គ្នាបារម្ភថាម៉ាលីអាចនឹងក្លាយជាជនរងគ្រោះ ក្នុងល្បែងស្នេហារបស់ជុងហ្គុកថែមទៀតផង ព្រោះនរណាក៏ដឹងថាកម្លោះម្នាក់នេះបណ្ដើរមនុស្សស្រីជាច្រើនអ្នក មិនថាជាកូនអ្នកជំនួញមកពីណា ឬមានមុខមាត់ប៉ុណ្ណានោះទេអោយតែស្រស់ស្អាត ឥតទាស់ហើយអ្នកម្ខាងទៀតអូខេគេក៏អូខេ ។
« ចាហ្វាយ មើលទៅព័ត៍មាននេះនឹងមិនចប់ងាយៗនោះទេ»អេឡិច
«បណ្ដោយតាមនឹងទៅ កុំអោយតែមានព័ត៍មានដែរប៉ះពាល់ដល់នាងទៅបានហើយ» ជុងហ្គុករវល់ធ្វើការមិនសូវជាចាប់អារម្មណ៍ច្រើននឹងសម្ដីរបស់ជំនិតខ្លួនប៉ុន្មានទេ ព្រោះគេចេញមុខក្នុងសារព័ត៍មានរាល់តែថ្ងៃទៅហើយ ។
«បាទទាន»
—————————————————-
[ការិយាល័យរបស់ម៉ាលី]
ស្របពេលអ្នកខាងនោះស្ងប់ស្ងាត់ធម្មតា ស្ថានការណ៍នៅខាងនេះបែរជាវឹកវរ ព្រោះនេះជាលើកទីមួយហើយដែលម៉ាលីមានព័ត៌មានចរចាមអារាមអំពីខ្លួនផ្ទុះសុះសាយយ៉ាងនេះ ។ នាងគ្រាន់តែចង់ធ្វើជាអ្នកគ្រប់គ្រងល្អ មានកេរ្តិ៍ឈ្មោះល្បីល្បាញដោយសមត្ថភាពរបស់នាងប៉ុណ្ណោះ មិនបានត្រៀមដល់រឿងនេះទេបើទោះបីជានាងបានដឹងរួចមកហើយក៏ដោយថា ជុងហ្គុកជាមនុស្សរបស់មហាជនដែលមានអ្នកតាមមើលគេគ្រប់ជំហ៊ាន ហើយនឹងចុះផ្សាយនិយាយពីគេស្ទើររាល់ថ្ងៃស្ទើរតែល្បីជាងតារាល្បីប្រចាំប្រទេសទៅហើយ។ តែទោះជាក្រុមហ៊ុននាងវឹកវរយ៉ាងណា៎ ក៏រាងស្ដើងនៅបញ្ចេញអាការៈនឹងធឹង មិនចលាចលព្រោះនាងដឹងច្បាស់ថានាងមិនបានដូចដែលគេនិយាយឡើយ។
«អ្នកនាងម៉ាលី ព័ត៍មានចេញតាំងតែពីព្រឹកព្រលឹមដល់ស្មាលនេះ ដូចជាកាន់តែចលាចលលើសដើមមិនស្ងប់ស្ងាត់នោះឡើយ»លេខា
YOU ARE READING
🌟ម្ចាស់បាច់ផ្កាស្នេហ៍🌷រដូវកាលទី7 .
Hayran Kurguស្នេហាដែរកើតឡើងដោយមិនមែនចៃដន្យ ។ ចាប់ផ្ដើមពីការខកចិត្តលើស្នេហានិងមិត្តភាព ទើបធ្វើអោយម៉ាលីចាប់ផ្ដើមជីវិតខ្លួនឯងសារជាថ្មី បំភ្លេចអតីតសង្សារ ហើយស្វែងរកធ្វើអ្វីដែរខ្លួនឯងមិនធ្លាប់បានធ្វើពីមុនមក ដោយមានកម្លោះសង្ហារជោគជ័យម្នាក់នៅជួយជ្រុំជ្រែងនាងពីក្រោយរហូត...
