ပျင်းစရာ ရှန်းရှတစ်ပုဒ်
အခန်း(၃၂) စိတ်ဝိဉာဉ် သန့်စင်ခြင်းအဆင့် စတင်ခြင်း
သုံးလကြာသွားပြီးနောက်တွင် ဖန်းဝမ်၏ စိတ်စွမ်းအားသည် ပြီးပြည့်စုံသော အခြေအနေသို့ ရောက်သွားခဲ့ပြီးဖြစ်ကာ သူသည် ထပ်၍ တိုးတက်အောင် လုပ်ဆောင်နိုင်တော့မည်မဟုတ်သည်ကို ခံစားခဲ့ရတော့သည်။ ထို့ကြောင့် သူသည် သူ၏ဆရာဖြစ်သော ရန်ယွမ်ဇီထံသို့ သွားလည်ရန်အတွက် သူ၏ လှိုဏ်ဂူမှ ထွက်ခွာသွားခဲ့တော့သည်။
ချင်းရှင်း ခန်းမအတွင်း၌။
ရန်ယွမ်ဇီ သည် ဖန်းဝမ်အား သိချင်စိတ်ဖြင့် စိုက်ကြည့်နေခဲ့ကာ ပြောခဲ့သည်။
“မင်းက တကယ်ပဲ စိတ်ဝိဉာဉ် သန့်စင်ခြင်းအဆင့် အတွက် လိုအပ်တဲ့ အခြေအနေကို ရောက်သွားခဲ့ပြီပဲ။ မင်း တစ်နှစ်လုံးလုံး ကျင့်ကြံပြီးသွားပြီလား?”
ဖန်းဝမ်သည် ပြန်လည် တုံ့ပြန်ခဲ့သည်။
“အဲ့လောက်နီးပါးပါပဲ။”
ရန်ယွမ်ဇီ ၏ နှုတ်ခမ်းသည် တွန့်သွားခဲ့ပြီး သက်ပြင်းချခဲ့တော့သည်။
“မင်းရဲ့ စွမ်းရည်နဲ့ဆိုရင် မင်း ပထမတောင်ထွတ် မှာရှိနေသင့်တယ်။ ကောင်းကင်ဘုံကိုးဆင့် မိုးပြာရောင် မိုးကြိုးဓါး အစီအရင် က စွမ်းအားကြီးတာမှန်တယ်၊ ဒါပေမဲ့ သင်ယူဖို့က ခက်ခဲလွန်းတယ်၊ ပထမတောင်ထွတ် ရဲ့ အမွေအနှစ်ကလည်း အရမ်း စွမ်းအားကြီးတယ်”
“တတိယတောင်ထွတ် ကို ဝင်ခဲ့တာဆိုတော့ ကျွန်တော် အဲ့လို စိတ်ပြောင်းလွယ်လို့ဖြစ်ပါ့မလားဗျ။ စိတ်ချပါ ၊ ဆရာ ကျွန်တော် ကြိုးကြိုးစားစား ကျင့်ကြံပြီး တတိယမြောက်တောင်ထွတ် အပေါ်မှာ ဂုဏ်ဆောင်ပေးမှာပါ!”
ဖန်းဝမ်သည် စိတ်အားထက်သန်စွာ ပြန်လည်ဖြေကြားခဲ့လေသည်။
ဖန်းဝမ်သည် စီနီယာ တပည့်တစ်ဦး မြန်မြန်ဖြစ်လာရန်နှင့် ထို့နောက်တွင် ကောင်းကင်ဘုံကိုးဆင့် မိုးပြာရောင် မိုးကြိုးဓါး အစီအရင်၏ အမွေအား ရယူရန်နိုင်အတွက် သူ၏ ခံယူချက်အား အခိုင်အမာ ချမှတ်ခဲ့ပေသည်။ သူက စီနီယာ တပည့်ဖြစ်ခဲ့လျှင် ကျင့်ကြံခြင်းအတွက် အရင်းအမြစ်များ ပို၍ ရရှိမည်ဖြစ်ပေသည်။
YOU ARE READING
ပျင်းစရာရှန်းရှတပုဒ်
Fantasyအညွှန်းရေးသေးတယ် တော်တော်ရှည်ပြီး သတ်မှတ်ထားတဲ့ စာလုံးရေထက်ကို ကျော်သွားလို့ ရေးမရဘူး။ အဲ့တော့ အညွှန်းဖတ်ချင်သူတွေအတွက် လင့်ပေးမယ်။ အဲ့ကနေ သွားဖတ်လိုက်ကြပါ ✌🏻 https://www.facebook.com/share/p/2s2cbyGEN9uqpYvF/?mibextid=oFDknk