فى مطعم على النيل كعادتهم يجلسون به ليتناولون الغداء....
زين..... البنات اتأخروا اوى
فارس.... قبل البنات ركز معايا الى معانا اقل بكتير من الميزانيه الى حطناها لراس مال الشركه... هنعمل اى
زين..... بفكر يا فارس بحاول الاقى حل.غير اننا ناخد قرض
فارس..... القرض هيبقى حل كويس بس فيه مخاطره واحنا مش عايزين نخاطر كدا من الاول
زين..... عشان كدا بفكر فى حل تانى
سلمى..... هاى ياشباب عاملين اى
زين..... تمام انتوا اخباركم اى
ليلى..... ميه ميه احنا حتى لسه واخدين مكافات بمناسبه انهاء المشروع الى كنا شغالين عليه
فارس..... مبروك اهو حد. فينا انجز حاجه من الى عليه
سلمى..... وبالمناسبه دى قررنا اننا نحتفل.معاكم فى مكان حلو جدا
فارس..... اهم حاجه يكون الاكل بتاعه حلو
ليلى بغيظ ..... اطمن اكله حلو.. مبتفكرش غير فى كدا وبس
سلمى.... مالك يازين اى الى شاغل بالك ومخليك ساكت
زين..... للدرجه دى بقيتى عرفانى انا فعلا فى حاجه شاغله بالى بفكر فيها
سلمى..... حاجه اى دى.. قول يمكن نحلها مع بعض
فارس بتسرع..... بيفكر فى تاسيس الشركه بتاعتنا راس المال ناقص
سلمى..... هو دا الى شاغل بالك ولا يهمك هو ناقص قد اى
فارس..... كتير تقريبا نص المبلغ
سلمى..... خلاص انا عندى حل اى رايكم اسلفكم انا المبلغ دا..
زين بحده..... لا طبعا
سلمى.... ليه يازين... مش احنا صحاب
زين.... صحاب وكل حاجه بس الموضوع دا لا انسيه خالص.. انا لو عايز استلف يبقى الاحسن انى اخد قرض من البنك
ليلى..... ايوه بس البنك هيضيف عليك فوايد كبيره... انا من راى فكره سلمى كويسه فيها اى لو تسلفك المبلغ وتردوا بعدين فى اى وقت
زين بعصبيه..... قلت لا يعنى لا سامعين
سلمى..... خلاص يا زين... طيب مش لازم سلفه دخلونى شريكه معاكم اى رايك
فارس..... بجد اهو دا حل كويس
زين.... اسف ياسلمى هانم عرضك مرفوض الشركه دى هتتاسس من مالى انا وفارس بس ومش هيكون فيها شركا تانيه... بعد اذنكم
ترك لهم الطاوله وغادر المكان بعصبيه استغربت منها سلمى كثيرا ولم تفهم لماذا لم يوافق على مساعدتها له
فارس..... انا اسف يا سلمى على الى زين قاله ارجوكى متزعليش منه هو بس بيفكر كتير الفتره دى عشان يلاقى حل مناسب فا متزعليش منه
سلمى.... اوكى يا فارس محصلش حاجه.. عن اذنكم يا جماعه انا ماشيه
غادرت ايضا سلمى بينما تبقى ليلى وفارس
ليلى.... عاجبك الى عملو صاحبك دا
فارس.... اهدى انتى بس يا حقنه ومتشعلليش الدنيا
ليلى.... انا حقنه يا فارس
فارس.... ايوه ويلا بقى نمشى.. اقولك اقعدى انتى هنا انا ماشى سلام
ليلى..... يا ابن المجنونه سابنى ومشى.. مش عارفه بحب فيه اى دا بس ياربى
ــــــــــــــــــــــــــــــــــــــــــــــــــــــــــــــــــــــــــــــــــ
فى قصر الالفى عادت سلمى من خارج بالضيق لما حدث هى لم يكن قصدها اى شى سوى مساندته فى امره صعدت سريعا الى غرفتها تبدل ثيابها الى اخرى ثم جلست تقرا كتابا كما تفضل عندما تفضل ان تكون بمفردها.... بعد دقائق استمعت الى طرقات على الباب فاذنت للطارق بالدخول ولم يكن سوى سليم
سلمى بانتفاضه.... سليم... جيت امتى انت وحشتنى اووى
سليم.... انتى كمان وحشتيني يا سلمى.. انا لسه واصل من ساعه سالت عليكى قلولى انك برا اول ما قلولى انك جيتى قلت اجى اشوف القمر
سلمى..... اتاخرت اووى يا سليم
سليم.... ولا اتاخرت ولا حاجه ما انا لما كنت بسافرلك امريكا كنت بقعد المده دى برضوا برا
سلمى..... كنت بتبقى معايا مش بعيد عنى
سليم..... خلاص انا رجعت اهو وناوى اخطفك انتى ورانا ومروان ونسافر اسبوعين الساحل اى رايك
سلمى.... بجد ياريت احسن انا مخنوقه اووى وكمان انا فى اجازه..
سليم..... خلاص حضرى شنطتك وبكرا انشاء الله هنتحرك بالعربيات.. اه وقولى ليلى تيجى معانا كمان
سلمى.... مفتكرش ليلى ممكن تيجى باباها لسه واصل النهارده من السفر وعايزه تقعد معاه شويه
سليم..... طيب يلا جهزى نفسك لحد ما ابلغ البهوات التانيين
سلمى.... اوكى
ـــــــــــــــــــــــــــــــــــــــــــــــــــــــــــــــــــــــــــــــــــــ
فى منزل المصرى وفى غرفه زين يجلس على مكتبه يفكر ماذا يفعل لانشاء شركته الخاصه
وايضا فيما فعله مع سلمى فقد كان عصبى وحاد معها وهذا ما زاد من غضبه الداخلى... بعد وقت اتى اليه اخوه ذياد
ذياد..... بتعمل اى يازين
زين..... تعالى ياذياد... بفكر هعمل اى عشان اجمع راس مال الشركه
ذياد..... امممم هو ناقص قد اى
زين...... تقريبا نص المبلغ.. بقلك اى انت عارف الموضوع دا سر ابوك ميعرفش عنه حاجه فاهم
ذياد..... طبعا يابنى عيب عليك.... بص انا عندى فكره
زين..... الحقنى بيها وحيات ابوك
ذياد بخوف ...... بمناسبه ابوك لو عرف الى انا هقولهولك دا هيقطع لسانى ويعلقه على بابا البيت. فا الكلام دا برضوا سر بينا ولو مش موافق يبقى ولا كانك سمعت حاجه
زين.... طيب ياعم سر بس انجز قول
ذياد.... بص ابوك من زمان كان شايل قرشين للزمن على كام فدان ارض كدا كان وارثهم عن جدك.... من سنتين كدا تقريبا باعهم واشترى مزرعه كبيره فى الفيوم وكتبها باسمى انا وانت.
زين..... اى وانت عرفت الكلام دا منين دا انا كانت اول ما الدنيا تقفل فى وشى كنت هاخد الفلوس منه ليه بس يابا تعمل كدا اعمل انا اى دلوقتى
ذياد..... سمعت ابوك وهو بيكلم امك وبيقولها بس دا مش مهم دلوقتى.... اسمع الفكره الى هقولك عليها
زين..... قول يا عبقرينوا
ذياد..... سامحنى يارب.. انا بقول بما ان المزرعه دى مكتوبه باسمى انا وانت فاحنا نبيعها وبتمنها تقدر تفتح الشركه وزياده كمان
زين..... ايوه بس ابوك هنعمل فيه اى لما يعرف
ذياد.... ساعتها بقى يحلها الحلال قولت اى احط الخطه الى اجيب بيها اوراق المزرعه من اوضه ابوك ولا اى
زين..... حط.. حط وربنا يستر
ـــــــــــــــــــــــــــــــــــــــــــــــــــــــــــــــــــــــــــــــــــ
بعد مرور ثلاث ايام... غادرت فيهم سلمى مع اولاد عمها الى الساحل وكان بصحبتهم اصدقاء سليم
اما ليلى فقد رفضت ان تغادر مع سلمى فى تلك الايام وبقيت بجانب والدها
اما الشباب فقد تم حل مشكلتهم بالكامل بعد ان نفذ ذياد خطته واحضر اوراق ملكيه المزرعه من غرفه والده فى السر واعطاها الى زين وتم البيع لاول مشترى كان يريد ذالك من قبل لاكن الاب كان يرفض.... حتى هذه اللحظه لا يعلم الاب عن ما فعله ابنائه..
أنت تقرأ
العــــــــهد
Romanceعاهدتُ نفسى بأن لا احب غيره عاهدتُ قلبى بان لا يخفق لغيره وعقلى لا يفكر إلا به يملُكنى كبرياء وعناداً كبير يتحكم بى ويجبرنى بان لا اعود مره اخرى لاكن لااستطيع ان اوقف قلبى عن النطق باسمه اكره شيئا واحد فى هذه الحياه والجميع يعلمه وبرغم علمه بها...
