العــــــــهد

الفصل الثامن

فى منزل يوسف الرفاعى يجلس على الاريكه وبجانبه ملك...
يوسف. بحقد /مستحيل اسيبوا ينتصر عليا وياخدها منى سلمى بتاعتى  ومش هتكون لحد غيرى... وانا هعرفه مين هو يوسف الرفاعى
ملك./. ناوى تعمل اى يا يوسف.. ماتفكك من البنت دى

يوسف./انتى اتجننتى انا مستحيل اسيبها حتى لو سيبتها يبقى بمزاجى مش واحد يخدها منى... وانا لازم اثبتلها ان الى فضلته عليا دا مجرد فار ملوش لازمه
بس الصبر... المهم انا محتاجك معايا يا لوكه
ملك/.. وانا من امتى مش معاك.. خطط انت بس وانا معنديش مانع
ــــــــــــــــــــــــــــــــــــــــــــــــــــــــــــــــــــــــــــــــــ
بعد مرور اسبوع فى شركه المصرى فى غرفه زين يجلس على الاريكه وبجانبه سلمى وامامهم فارس وليلى وذياد..
سلمى./. ومن ساعت الى حصل وهى حزينه ومش قادره تتكلم مع حد.. انا اتكلمت معاها بس لسه هى مش قادره ترجع تانى زى مكانت قلبها اتكسر
ليلى./. يا حبيبتى يارانا منك لله يا وائل الزفت انا لو شفته دلوقتى هطلع عليه كل الى اتعلمته فى الكاراتيه مش هخلى  فيه حته سليمه

ذياد./ اهدى يا كوتش مش عايزينك تتهور... المهم هى تبقى كويسه فى اسرع وقت وتحاول تنسى الغش والخداع حاجه مش ساهله ابدا على حد انه يستحملها
فارس./... هو غش وخداع بس دا نصب وكدب وفوق كل دا خيانه دا كان وهو بيرسم عليها بيعرف غيرها

سلمى/. اااه خيانه اكتر حاجه بكرهها فى حياتى هى الخيانه ولا يمكن اسامح فيها مهما حصل
زين./ والكدب كمان
سلمى../ ممكن اسامح الى كدب عليا اكيد عندوا مبرر  لاكن الخاين عمرى ما اسامحوا ابدا... احمم سيبكم بقى من الكلام دا انا سمعت كدا انكم داخلين المناقصه الجايه
فارس./ دى حقيقه واحنا كمان عرفنا ان مجموعه الالفى هتدخل هى كمان المناقصه
سلمى./. مظبوط ومش اى حد هيكون حاضر دا حسن بيه الالفى بنفسه الى هيحضر.. واكيد مش هيسيب المناقصه دى تضيع منه
زين/. احنا كمان مش ناوين نسيب المناقصه دى
دا شغل
سلمى./ وماله المهم والى عايزه اقوله انك يازين تحاول على قد ما تقدر تتعرف على جدو يعنى بحيث ان المهمه تبقى سهله شويه علينا.. لان بعد الى حصل مع رانا بابا زود المراقبه عليا مش بعيد يكون عارف انا بقول اى دلوقتى عشان كدا عايزين نكسب حد فى المعركه دى

ليلى./ بصى يا سو مظنش لان دا مش اى حد دا حسن الالفى بنفسه وانتى عرفه شخصيته كويس
فارس./. بصراحه يا سلمى من كلامك على جدك ووصفك لشخصيته انا اعجبت بيه واتمنى انى اقابله شخص جد جدا وعملى ودا سبب نجاحه فى اكتر من مجال
ليلى بهمس./ طبعا ما انت نسخه تانيه منه
سلمى./.  الشخصيه العمليه كويسه جدا لاكن برضوا مع بعض المشاعر والاحاسيس دى الى بتميزنا كبشر وبحسسنا اننا عايشين مش مجرد الات

زين./. على العموم انا حابب اتعرف عليه هو اسم كبير فى عالم الهندسه والصناعه ولازم استفيد من خبرته بس مكسبه بقى لصفنا دى محتاجه وقت شويه.. انا من راى نبتدى واحده واحده يعنى الاصغر ثم الاكبر فى عائله الالفى
ذياد./ انت عندك حق خدو الخطوه واحده واحده لو تحبوا انا ممكن ارسملكم خطه تمشوا عليها