العــــــــهد

الفصل العاشر

فى صباح اليوم التالى استيقظت سلمى بعد ساعات قليله فقط من نومها لم تستطع النوم بعد رجوعها من المشفى متاخرا ظلت تفكر كثيرا من له المصلحه الكبرى فى فعل هذا.... توجهت الى الاسفل وهى ترتدى بدله سوداء وقد عقدت شعرها على شكل زيل حصان وترتدى نظارتها وحقيبتها فى يدها... رات العائله تجتمع كعاده على طاوله الطعام للافطار فذهبت اليهم تلقى عليهم تحيه الصباح
سالم/ صباح النور يا حبيبتى.. يلا تعالى افطرى
سلمى / معلش يابابا مش هقدر. لازم اخرج اروح لزين
حسن /كنتى راجعه متاخر امبارح ليه. اكيد كنتى معاه.. وكمان مش عايزه تفطرى معانا وتروحيله على طول.. احنا متفقناش على كدا يا سلمى
سلمى./ انا متفقتش على حاجه يا جدو.. وبعدين انا رايحه اشوف زين فى المستشفى لانه عمل حادثه امبارح واشك ان حضرتك او بابا معندكوش علم بيها

سالم. باستغراب /. حادثه اى يا بس وحصلت امتى.. انا معرفش اى حاجه عن الموضوع دا
سلمى.باستعجال /. انا لازم امشى.. عن اذنكم.. سليم بعد اذنك عيزاك ضرورى
سليم../.. تمام
نهض سليم من مقعده وذهب معها الى الخارج كى يتحدثان... اما سالم فقد نظر الى بيه
سالم./.. تفتكر يا بابا سلمى شاكه اننا الى عملنا كدا
حسن./. اسلوبها بيقول كدا.. بس هى عايزه تتاكد
اما فى الخارج وامام سياره سلمى تقف تتحدث مع سليم

سليم/ بصى شاكك دا ملوش لازمه لانهم لو عايزين يعملوا كدا مكنوش وافقوا على زين انه ياجى يتقدم

سلمى../.. اهو دا بقى الى مشككنى فيهم اكتر ممكن يكونوا وافقوا بس عشان مشكش فيهم بعد كدا... بص انا مش شاكه فيهم هما بس فى حد تانى وانا عايزه اعرف مين الى عمل كدا... تمام
سليم.../. خلاص متقلقيش هعرفلك كل حاجه وابلغك تمام
ـــــــــــــــــــــــــــــــــــــــــــــــــــــــــــــــــــــــــــــــــــــــ
فى المشفى وفى غرفه زين فقد استعاد وعيه وايضا علم والده ووالدته بما حدث له فاسرعوا اليه ليطمنوا عليه والان تجلس بجانبه والدته تريد اطعامه وهو يرفض...
زين برفض /... ياماما خلاص عشان خاطري مش قادر
والدته./.... لا يازين انت مكلتش لازم تاكل يا حبيبى عشان تاخد العلاج

ذياد./ يا عينى على الدلع يا ريتنى كنت مكانك.. اشمعنا انا
زين../. وماله اقوم انا بس واوعدك هخليك تقعد هنا شهر بحاله..
رضوان../. مش ناوى تقول برضوا مين الى عمل فيك كدا.. ومتقولش سرقه
زين./ مفيش حاجه يا سياده اللواء دول عيال بلطجيه وقدامك الظابط قال انه قبض عليهم وبيحقق معاهم ولو فى حد هيقولوا

نظر له ابيه بشك يعلم ان هؤلاء الثلاث يخفون شيئا عليه... ثوانى وجائت سلمى بعد ان طرقت على الباب تحمل باقه من الزهور البنفسجيه
سلمى بابتسامة./... صباح الخير..
زين بابتسامه لرؤيتها/.... صباح النور على اجمل ورده شافتها عينى...
سلمى./.... عامل اى دلوقتى
زين./  بقيت كويس اول ما شوفتك
فارس./... احمم احم نحن هنا.. اعرفك يا سلمى دا سياده اللواء رضوان المصرى والد زين ودى سلوى هانم والدته
سلمى../.. واخيرا اتعرفت على حضرتكم زين دايما بيكلمنى عنكم
فارس/... ودى بقى يا عمى سلمى سالم الالفى الى حكينا لحضرتك عنها
رضوان بابتسامه../... اهلا يابنتى اخيرا احنا كمان شفناكى مع انى كنت اتمنى اشوفك فى مكان غير دا ولا ظروف غير دى بس هنقول اى بقى.. يلا تتعوض انشاء الله
سلوى../.. بسم الله ماشاء الله.. اى القمر دا.. تعالى يا حبيبتى اقعدى
سلمى بابتسامة./.. شكرا... اى دا انت مخلصتش اكلك ليه يازين