ကြိုးစားနေတာကတော့ ချစ်သူအတွက်ပဲ
ဒါပေမယ့် ကြိုးစားနေရတဲ့အရာတွေ အဆင်မပြေလာတဲ့အခါ
ကိုချစ်တဲ့သူကို အပြစ်တင်ဖူးတဲ့အခိုက်အတန့်ဆိုတာ ရှိတတ်ကြတယ်
လူတွေနော် လူတွေ
တော်တော်လည်း အဆိပ်အတောက်များတဲ့ ဟာတွေပဲ. . .
.
.
.
"ဖယ်ကြစမ်း. . ဖယ်ကြစမ်း"
ဆူညံအော်ဟစ်ရမ်းကားသံတို့နှင့်အတူ ဝဒီရာတို့ဆိုင်ရှေ့သို့ ကျားနက်ဂိုဏ်းသားများ အစုလိုက်အပြုံလိုက် ရောက်ရှိလာသည်။ လူက အယောက် ၃၀ခန့်ရှိမည်။ ဘေးမှာလည်း ဈေးခေါင်း အုပ်ကြီးပါပါလေသည်၊ သူတို့အဖွဲ့ဝိုင်းလိုက်ပြီဆိုသည်နှင့် ပတ်ဝန်းကျင်ကလူတွေအကုန် အသံမထွက်ရဲကြတော့ဘဲ အဝေးသို့ရှောင်သွားကြလေသည်။ ထူးထူးခြားခြားမရှောင်ပြေးဘဲနေသူမှာ ဘေးဆိုင်က ငါးစိမ်းသည် လင်မယားပင်ဖြစ်သည်။ ထိုကျားနက်ဂိုဏ်းသားတွေကို ဦးဆောင်လာသည့် ကြီးကြပ်ရေးမှူးဖြစ်ဟန် တူသူတစ်ယောက်ကို ပြုံး၍ပင်နူတ်ဆက်လိုက်ကြပါသေးသည်။
ကျားနက်ဂိုဏ်းသားများက စားပွဲပေါ်မှာရောင်းဖို့တင်ထားတဲ့ ဓါးလက်နက်များကို တွန်းဖယ်. . စားပွဲတွေလဲအောင် ကန်ကြောက်ပြီး ဆိုင်ကိုပါ ရိုက်ချိုးဖျက်ဆီးကြလေသည်။
ဝုန်း. . ဒုံး. . (စားပွဲနှင့် စင်များလဲပြိုကျသံ)
ချလွမ်း. .. (သတ္တုများပွတ်တိုက်သံ)
'အမလေး. . ဘယ်လိုလုပ်လိုက်ကြတာလဲရှင်. .ဘာဖြစ်လို့လဲ'
မယ်ဝဒီလည်း အလန့်တကြားထအော်ပြီး မြေပေါ်သို့ပြုတ်ကျသွားသော ဓါးများကိုပြေးကောက်သည်။
"ဟဲ့ကောင်မ. .. နင်ငါတို့ကျားနက်ဂိုဏ်းရဲ့ခွင့်ပြုချက်မရှိဘဲ လက်နက်တွေကိုခိုးရောင်းနေတယ်ဆို"
>>ဟိုက်. . . ဒုက္ခပဲ၊ ငါတို့ခိုးရောင်းတာ ဘယ်သူတိုင်လိုက်ပြီလဲ မသိဘူး။<<
'ရှင်. . မဟုတ်ပါဘူးရှင်. . မဟုတ်ပါဘူး'
"ဘာမဟုတ်ဘူးလဲ၊ နင်ငါတို့ကို ဆက်ကြေးမပေးချင်လို့ ဈေးချိန်ပြင်ပမှာ ဝယ်သူတွေကို တိတ်တိတ်လေးလိုက်ရောင်းနေတယ်ဆို. . ငါတို့ကိုမလိမ်နဲ့ ငါတို့သိတယ် . . . "
YOU ARE READING
ကျွန်မယောကျ်ား သိကြားသားတော် - Completed (Unicode+Zawgyi)
FantasyI Got Married To The Son Of Sakra ဇာတ်လမ်းရဲ့ အဓိကဇာတ်ကောင်က အင်မတန်စိတ်ဓါတ်ခိုင်မာပြီး strong ဖြစ်တဲ့ မိန်းကလေးတစ်ယောက်ပါ ငယ်ငယ်ထဲက နိုင်ငံရေး၊ ဘာသာရေးမုန်တိုင်းတွေကြားထဲမှာ အပေးအယူတွေ၊ ရက်စက်မှုတွေနဲ့ပဲ ကြီးပြင်းခဲ့ရတဲ့သူမဟာ မထင်မှတ်ဘဲအချစ်တစ်ခုက...