ဗလက သက်ပြင်းကြီးတစ်ချက်ရှုထုတ်ရင်း တံတွေးမျိုချလိုက်ပြီး
"ခင်ဗျားမို့ဗျာ. . . ဒီလောက်စံအိမ်တော်ကြီးထဲမှာ အိမ်ကြီးသူအဖြစ်စံစားပြီး၊ အိမ်ရှေ့စံနဲ့လက်ဆက်ခါနီးမှ ဘာလို့ထွက်ပြေးတာတုန်း"
မယ်ဝဒီက အနည်းငယ်ဝမ်းနည်းသွားသည့်ဟန်ဖြင့်
'ကျွန်မလည်း အဲလောက်ကောင်းတဲ့ဘဝကြီးကို ဘယ်လက်လွှတ်ချင်ပါ့မလဲ. . .၊ ဒါပေမယ့် ရှင်နားမလည်နိုင်တဲ့ အကြောင်းတွေရှိတယ်'
"ဟုတ်တယ်လေ. . .အာ့ကြောင့်မို့ နားမလည်လို့မေးတာပေါ့"
'ကျွန်မအတွက် ပြောပြဖို့ ခက်ခဲမယ်ဆိုရင်ရော'
ဗလက နူတ်ခမ်းရွဲ့ကာ မျက်နှာကိုတစ်ဖက်သို့လှည့်သွားပြီး
"ရပါတယ်ဗျာ. . . သိပြီးသားပါ။ ဘယ်တော့မှကျုပ်ကိုအမှန်အတိုင်းပြောဖို့ စိတ်ကူးရှိတာမှ မဟုတ်တာ. . . မပြောချင်လို့မပြောတာကမှ အလိမ်အညာစကားတွေထက်စာရင် ပိုကောင်းသေးတယ်"
မယ်ဝဒီခမျာ ထိုအကြောင်းကိုပြန်စဉ်းစားလိုက်ရုံနှင့် မျက်ရည်များဝဲတက်လာပြီး ငိုသံကြီးဖြင့်. .
'ကျွန်မတကယ်ပြောနေတာ . . .ကျွန်မ. . ဟင့်ဟင့်ဟင့်. .' (ရှိုက်သံ)
ဗလမျက်လုံးပြူးပြီး မယ်ဝဒီကိုပြန်လှည့်ကြည့်လိုက်သည်။ သူမမျက်နှာအနားသို့ ဖြည်းဖြည်းချင်းကပ်သွားပြီး သေချာကြည့်လိုက်မိသည်။ တကယ်ကြီးမျက်ရည်တွေပါ ကျလာတာလားပေါ့. . .
ဟိုကလည်း ချက်ချင်းကြီး mood swing တာနော်. . ၊ နူတ်ခမ်းက တုန်တုန်တုန်တုန်. .၊ မျက်ရည်က စမ်းစမ်းစမ်းစမ်းနဲ့ . . .
'ကျွန်မအတွက် . . . အရမ်းကိုခက်ခဲနေလို့ပေါ့'
"အယ်. . . . အေးပါကွာ"
'ကျွန်မ. . .အဲ့နေရာကြီးကိုကြောက်လို့. .. အဲ့ဒီ့ အရည်းကြီးတွေရဲ့ ကျောင်းတိုက်ကြီးကိုကြောက်လို့'
"အင်းအင်း. . .သိပြီ သိပြီ. . တိတ်တော့နော်. . တိတ်တော့
တော်ကြာ အပြင်ကရဲမက်တွေကြားသွားရင် ခက်ကုန်အုံးမယ်"
KAMU SEDANG MEMBACA
ကျွန်မယောကျ်ား သိကြားသားတော် - Completed (Unicode+Zawgyi)
FantasiI Got Married To The Son Of Sakra ဇာတ်လမ်းရဲ့ အဓိကဇာတ်ကောင်က အင်မတန်စိတ်ဓါတ်ခိုင်မာပြီး strong ဖြစ်တဲ့ မိန်းကလေးတစ်ယောက်ပါ ငယ်ငယ်ထဲက နိုင်ငံရေး၊ ဘာသာရေးမုန်တိုင်းတွေကြားထဲမှာ အပေးအယူတွေ၊ ရက်စက်မှုတွေနဲ့ပဲ ကြီးပြင်းခဲ့ရတဲ့သူမဟာ မထင်မှတ်ဘဲအချစ်တစ်ခုက...
