"ဝဒီရာ. . ."
နယ်စားမင်း၏ ဒေါသသံ
ဝဒီရာဟု ခပ်မာမာခေါ်လိုက်သောအသံကြောင့် သူမတစ်ချက်တွန့်သွားသည်။
မြင်းပေါ်က သူမဆင်းလိုက်သည်နှင့်
ဖြန်း. . (ပါးရိုက်သံ)
မယ်ဝဒီက ပူနွေးသွားသောပါးတစ်ဖက်ကို လက်ဖြင့်ကိုင်ရင်း
'သမီးပြောတာ နားထောင်ပါအုံးခမည်းတော်'
ဖြန်း (ပါးရိုက်သံ)
ပါးနောက်တစ်ဖက် ထပ်အရိုက်ခံလိုက်ရလေသည်။
"ခွေးမ. . . နင်က ဒီလောက်အရေးကြီးချိန်ရောက်မှ ညနက်အောင် ဘယ်တွေသွားနေရတာလဲ. . "
အနောက်မှာလည်း မယ်မယ်နဲ့အတူ အခြားကိုယ်လုပ်တော်တွေ. .၊ ကျွန်တွေ. . ရောက်နေကြသည်။ မယ်မယ်က ဘာမှဝင်မပြောနိုင်ပေမယ့်. . မျက်နှာတော်တော်မကောင်းပေ။ ဘေးနားက ကိုယ်လုပ်တော် မယ်စံဝါနှင့် မယ်သင်ယုက ကျွန်မပါးအရိုက်ခံရလို့ ဝမ်းသာနေလိုက်တဲ့မျက်နှာထား. .၊ သူတို့ကတော့ သူတို့ရဲ့မနာလိုစိတ်တွေကို ဖုံးကွယ်ထားဖို့အစီအစဉ်မရှိသူမို့ ဝမ်းသာအားရ အရောင်တွေလက်နေတဲ့ မျက်လုံးတွေနဲ့. . .
သူတို့ခြေရင်းမှာ ငစောထူးနဲ့ မိယွန်းဖြူတို့က ဒူးလေးတွေ ထောက်လျှက်သား. . ၊ အရိုက်အနှက် အထုအထောင်းခံထားရပုံရပါတယ်လေ. . ။
'သမီးတော်. . သမီးတော်ရဲ့ ပတ္တမြားဆွဲကြိုးကို သူများခိုးယူသွားလို့ ပြန်လိုက်တောင်းနေရတာပါ ခမည်းတော်. . '
နယ်စားမင်းက တင်းမာခတ်ထန်နေသောမျက်နှာထားဖြင့် အိမ်ထဲကိုပြန်ဝင်ရန် လှည့်သွားပြီး
"ကဲ. . မင်းတို့ဘာလုပ်နေကြတာလဲ။ သူ့ကိုအိမ်ထဲခေါ်သွားကြတော့လေ၊ မနက်ဖန် ပန်းဦးလွှတ်ပွဲကို ဆက်ဖို့အဆင်သင့်ဖြစ်အောင် ပြင်ဆင်ကြတော့"
ပန်းဦးလွှတ်ပွဲဆိုသည့်အသံကို ကြားလိုက်ရသည်နှင့် မယ်ဝဒီတစ်ယောက် ပြာယာခတ်သွားသည်။
'ခဏနေပါအုံး ခမည်းတော်. . ၊ ခဏနေပါအုံး'
နယ်စားမင်းက မျက်မှောင်ကြုံ့၍ နောက်သို့လှည့်ကြည့်လိုက်ပြီး
VOCÊ ESTÁ LENDO
ကျွန်မယောကျ်ား သိကြားသားတော် - Completed (Unicode+Zawgyi)
FantasiaI Got Married To The Son Of Sakra ဇာတ်လမ်းရဲ့ အဓိကဇာတ်ကောင်က အင်မတန်စိတ်ဓါတ်ခိုင်မာပြီး strong ဖြစ်တဲ့ မိန်းကလေးတစ်ယောက်ပါ ငယ်ငယ်ထဲက နိုင်ငံရေး၊ ဘာသာရေးမုန်တိုင်းတွေကြားထဲမှာ အပေးအယူတွေ၊ ရက်စက်မှုတွေနဲ့ပဲ ကြီးပြင်းခဲ့ရတဲ့သူမဟာ မထင်မှတ်ဘဲအချစ်တစ်ခုက...
