သက္ကဒါဝီတိုင်းတွင်ဖြစ်သည်။
.နေကမွန်းလွဲလာပြီမို့ အပူဓါတ်တို့တဖြည်းဖြည်းစုမိကာ ပူသထက်ပိုပူပြင်းလာသည်။ နေပူလာသည်နှင့် အမျှ. . အသားတွေကလောင်၊ ချွေးကလည်းပိုမိုကျဆင်းလာပြီ။
မာဘိတ္တအိမ်တော်မှရဲမက်များက အတိုင်းထက်အလွန်ပင် စိတ်ရောလူပါ သည်းခံနိုင်စွမ်း ကုန်ခမ်းလာကြပြီ။ မြို့လည်ခေါင်. . လူကများများ၊ နေပူရသည့်ကြားထဲ စောင့်ခိုင်းထားသည့် ဆုပေးပွဲစင်က အမိုးအကာမရှိ အရိပ်အာဝါသမရှိသော နေရာလွတ်မှာ ထီးထီးကြီးတွေရပ်လို့ . .
နဖူးကချွေးခြေမကျရုံတင်မကဘူး၊ ခြေထောက်အောက်က မဏ္ဍပ်စင်သစ်သားတောင် ချွေးတွေအကွက်လိုက် စိုလာတဲ့အဆင့်ပါရောက်နေသည်. .
ရဲအုပ်ဖိုးတုတ်က အိမ်တော်ထိန်းကို စိတ်မရှည်သောလေသံဖြင့်. .
'မလာသေးဘူးလားဗျ. .ခင်ဗျားတို့မမလေးက'
"ဟ. . လာမှာပေါ့. . ၊ ဒီနေ့ မမလေးက အရေးကြီးကိစ္စနဲ့ နန်းတွင်းကိုဝင်ပြီး မင်းကြီးကို သွားဖူးနေရပါတယ်ဆိုမှ. . . ဒီလောက်တော့စောင့်ရမှာပေါ့"
'ဒီမှာ ပူလှပြီဗျ. .၊ ကျုပ်တို့ကို မလာလည်းမလာသေးဘဲနဲ့ဗျာ၊ မလာသေးရင်လည်း အရိပ်ထဲတော့ ပေးဆင်းလေ။ ခုတော့ ဆုပေးစင်ပေါ်မှာ အခြောက်တိုက်နေလှမ်း ထားရသလိုဘဲ'
"အေး. . . ရတယ်လေ၊ ဆုမလိုချင်လည်း ဆင်းသွားကြ. .၊ မြို့စားမင်းက မှာထားတယ် ဆုမလိုချင်တဲ့ကောင် စင်ပေါ်ကဆင်းသွားလို့ရတယ်တဲ့။ ပြီးမှပြန်တက်လို့တော့မရဘူးတဲ့။ ဒါမင်းတို့ိရဲ့ သစ္စာရှိမှုကို စမ်းသပ်နည်းတစ်မျိုးပဲ. ."
'ဆုက သူလာပေးမှယူရမှာလား၊ အခုထဲက မြို့စားမင်းဖြစ်ဖြစ် အိမ်တော်ထိန်းကြီးကပဲ ဖြစ်ဖြစ် တစ်ယောက်ယောက်က ပေးလိုက်လို့ မရဘူးလားဗျ'
"ဟေ့. . . ဘာမှအထွန့်တက်မနေနဲ့. . မကျေနပ်ရင် . . ဆင်းချင်တဲ့ကောင်ဆင်းသွား .. ကျန်ခဲ့တဲ့ကောင်တွေ ဝေစုခွဲရ နည်းသွားတာပေါ့. ."
'ဟာ. . .မဆင်းပါဘူးဗျာ. . ၊ ဒီလိုလုပ်လို့တော့ဘယ်ဖြစ်မလဲ'
ရဲအုပ်ဖိုးတုတ်က ပြန်သာဖြေလိုက်ရသည်၊ ရင်ထဲမှာ အစာမကြေ..
YOU ARE READING
ကျွန်မယောကျ်ား သိကြားသားတော် - Completed (Unicode+Zawgyi)
FantasyI Got Married To The Son Of Sakra ဇာတ်လမ်းရဲ့ အဓိကဇာတ်ကောင်က အင်မတန်စိတ်ဓါတ်ခိုင်မာပြီး strong ဖြစ်တဲ့ မိန်းကလေးတစ်ယောက်ပါ ငယ်ငယ်ထဲက နိုင်ငံရေး၊ ဘာသာရေးမုန်တိုင်းတွေကြားထဲမှာ အပေးအယူတွေ၊ ရက်စက်မှုတွေနဲ့ပဲ ကြီးပြင်းခဲ့ရတဲ့သူမဟာ မထင်မှတ်ဘဲအချစ်တစ်ခုက...