We're not ROMEO and JULIET

Episode - 21

- 🪽 -

အွန်းဗြောလ်သည် တံခါးနှင့် ခန္ဓာကိုယ် ပြင်းပြင်းထန်ထန် ရိုက်ခံလိုက်ရတဲ့ အခြေအနေကြောင့် ကျောင်းဆေးခန်းမှတဆင့် ကင်မ်မျိုးနွယ် ပိုင်သည့် ဆေးရုံအထိ ရောက်သွားသည် ။

နမ်ဂျွန်းက သူမအားစမ်းသပ်နေပြီး ဦးလေးပတ်ခ်အား ပြောသင့်မပြောသင့် စဉ်းစားနေသည် ။

"ဒေါက်တာ ဦးလေးကို အားလုံးပြောပြလို့ရပါတယ် ဦးလေးသမီးဘယ်နေရာထိခိုက်သွားသေးလဲ ? အတွင်းကြေလား ဒေါက်တာ. ."

"အွန်းဗြောလ်က အပြင်ဒဏ်ရာပဲ ပြင်းပြင်းထန်ထန်ရသွားတာပါ ခေါင်းကွဲသွားတာကလည်း လေးချက်ချုပ်ရပေမဲ့ စိုးရိမ်စရာတော့အများကြီးမရှိပါဘူး ဒါပေမဲ့ ထိခိုက်ဒဏ်ရာမရခင်က သူက heat ဝင်စေတဲ့ ဆေးသုံးထားပါတယ် ဒါ့အပြင် ဆန့်ကျင်ဘက် Alpha ဆီက pheromone နဲ့ တိုက်ခိုက်ခံရထားရတဲ့အတွက် heat ဝင်တာရက်ကြာနိုင်ပြီး အားအင်ကုန်ခမ်းနိုင်ပါတယ်. .ဒီရက်ပိုင်းအတွင်း အွန်းဗြောလ်ကို ကျွန်တော်ပေးတဲ့ဆေးနဲ့ အားရှိစေမယ့် အစားအသောက်တွေဝင်အောင်ကျွေးပေးပါ ဦးလေး"

ဦးလေးပတ်ခ်က စိတ်အေးသွားဟန်ဖြင့် ခေါင်းညိမ့်သည် ။ နမ်ဂျွန်းထွက်သွားသည့်အခါမှ သမီးအနားမှာ ထိုင်ကာ သက်ပြင်းချသည် ။

"ဆေးကဘာလို့သုံးရတာလဲ ဒီကောင်မလေး ဘာတွေလျှောက်လုပ်နေတာလဲ!"

သမီးဖြစ်သူရဲ့ ဆံပင်တွေကို သပ်ချပေးနေတဲ့ ဦးလေးပတ်ခ်သည် ကိုယ်တိုင်က Omega မို့ ဆေးအကြောင်းကို သိထားသည်မှာဧကန် ။

သို့သော် သူနှုတ်ဆိတ်နေရပါလိမ့်မည် ။ သူ၏ ခင်ပွန်းဖြစ်သူသာ သိသွားပါက လူကြီးမင်းရဲ့ ဒေါသတွေ သမီးလေးဆီသာ ပုံကျသွားလိမ့်မည် ။

ဦးလေးပတ်ခ်သည် စံပယ်ရနံ့ကို ဖြန့်ကျက်လိုက်ပြီး အွန်း‌ဗြောလ်အား နာကျင်မှုမှ အနည်းငယ်သက်သာ စေသည် ။

- 🪽 -

လွန်ခဲ့သော ၁၅ နှစ် > > >

ကင်မ်လူကြီးမင်း မိသားစုသည် ပတ်ခ်မျိုးနွယ်က အငယ်ဆုံးသမီးလေး၏ မွေးနေ့ ဂုဏ်ပြုညစာစားပွဲသို့ တက်ရောက်ကြသည် ။