طعنه فـي خاصره النسيان
الڪاتبه /شمــس النائـلي
منقوله للكاتبه شمس النائلي
الحلقـه 1
حبايبي ــ تعليقاتكم بين الفقرات والتفاعل
"تمنيت العيش ڪما آريد اني لڪن عشت ڪما اختار زماني مع شخص يراني نورا واره ظلاما حتى أصبحت متاهلڪه لڪثره طعنات زماني....
الولاده عسره وصوت صريخها عبئ ڪل المڪان والطفل مو راضي ينور لدنيا
ميسون :- ولچ خيه ام فاضل راح اموت والبطني راح يموت ويروح مني شڪول عليك ابو إيهاب
ام فاضل :- خيه استهدي بالرحمن ڪولي الله هانت ايي بسم الله خلصتي ديري بالچ تخلفين انوب
ميسون :- خيه بشري بنت لو ولد
ام فاضل :- بنوته مثل الڪمر نورت الدنيا بهاي الليله الحلوه شبيــج وجهج انڪلب
ميسون :- ما يريد بنت بنفسه ولد عل ڪلبي ويدري اني ولادتي عسره
ام فاضل :- شـو سڪتي لا أطر وجهج هذا ڪلام تكولينه مو هيه بڪيفه الله ينطي ولا اعتراض على عطاءه اني ماخذتها اله واريدن يفتح حلڪه بچلمه اعرف سالفتي وياه
طلعت بيدها الطفله چان واڪف ينتظر البشاره بفرح تقدمت خلتها بحضنه وكالت
ام فاضل :- الف مبروك اچتك بنت
ابو إيهاب :- لا بارك بيچ علــىٰ هذا الخبر رجعيها لحضن امها وخل اطم روحها علــىٰ هل الخلفه..
ام فاضل :- استغفر الله انت شتڪول شو أخذها اذن باذانها لا ازعل منك ولا تشوف خلقتي وسميها هم شو بنت مثل الملاك وشبيهن البنات..
اذن باذانها بس غصب عنها ولا فرح رجعها بحضنها وباوع لسما ورجع ڪال
ابو إيهاب :- صــآر اسمها دلهم
ام فاضل :- شنهي لا بالله اسمها نور علــىٰ عنادك وراسك اليابس شو روح لغرفتك ضل ضل ما تحمد ربك يهجمها بينه يلا ترتاحون..
.
.
(بعد مرور زمن طويل)
دلهم :- رجعت من المدرسه ويه الطالبات ورجاء ڪل اشوي تعاين مدري بالها حسبه انتي شمالچ تبقين هيجـي تره ثولتيني
رجاء :- ولچ اريدن اروح للخياطة علمود التفصال اخوي معاند يكول ماڪو روحه هذا شتحجين وياه وچاي اباوع خاف المح واحد منهم
دلهم :- همه ڪلهم هيچ لاتعبين نفسچ دزي ثوبچ مثل ڪل مره وخلص ما ينفع وياهم العناد
رجاء :- لآ هل المره اريد اعاند شو بنات وديعه واسينات محد اله ڪلمه عليهن بس رجاء ..
دلهم :- اني رايحه وانتي فڪري بطريقه تفرضين عنادچ علــىٰ اخوانچ مالي شغل اخاف يلوحني طشارا واني سالمين الڪم الله..
رجاء :- الله وياچ هسه تخلص السنه واننطم بالبيت لا طلعه ولا طبه..
دلهم :- عفتها وڪل عقلها تفرض رأيها وأخواتها ڪلهم اڪبر منها بس أكول الله يعين العقليات..
