طعنه في خاصره النسيان

الجزء الثالث والعشرون

#طعنه_في_خاصره_النسيان
الڪاتبه ـ شمس النائلي ـ" الناقلـه // نورا

وهذه هي الحياه ،
سواء ڪنت ترغب ف ذلك أم لأ
لن تنمو من دون ألم 
ولن تتعلم دون أن تخطئ
ولن تنجح دون أن تفشل
ولن تحب دون أن تفقد...،،
ـ
ـ
ـ
فاضل ـ غياث مات من زمان مــستحيل يڪون عايش ۿما جماعته والضباط مسؤلين عنا أڪدوا وفاته وفقدانه بالحرب وۿذا الوصل الخبر أڪيد مشتبه بي..

عباس ـ عندك دليل يثبت وفاته حتى الجثه ما شفناها وهاي الحالات تصير يموتون وبعد فتره يطلعون عايشين وخاصه بالحروب واحتمال غياث واحد منهم..

رازقيه ـ يمه وليدي يفرحتي إذأأ اخوڪم عايش يما روحوا سألوا عنا وشوفوا هذا الشخص من دزه عليڪم ومنين يعرفه..

غازي ـ خلص ڪافي شهل الخرابيط غياث مات من زمان وبڪيفڪم تحجون اليوم البارحة مآ أريد احد يفتح هذا الموضوع تأملون دلهم والجهال علــىٰ الفاضي وهو ميت..

حسين ـ سالفه أدوخ اني رايح اسأل واشوف هذا الشخص منين وشمعرفه بينا انطيني رقمه اتواصل وياه..

دلهم ـ مصدومه ولساني انربط سڪنوا وبدأ يرد الرقم رجعت يم جهالي عيوني اطالعهم بفرح وحزن وخوف وأمان ڪل الشعور تملڪني سويت روحي ما أعرف اي شي والبيت انخبص وهما ينتظرون حسين دخلت وديعه حتى ما لاحظت وجودها تقربت يمي

وديعه ـ اللّٰۃ مآ أعتقد عايش قابل يعلبون علينا اليوم والبارحة من مات هذآ واحد ما يخاف اللّٰۃ يفرحنا ويرجع يقهرنا بس عسا وعلـى صدك عايش

دلهم ـ اللّٰۃ يسمع منچ يڪفي اعيش تحت ضله حتى لو ڪان ظالم وقاسي الدنيا ڪشفتلي بغياب زوجي ما الي لا سند ولا عزوه... ما ردت راحت يمهم واني وراها بقيت وأڪفه اتسمع ألهم

مر وقت حسين دخل مزعوج ڪعد وعمتي تتنظره يحجي مسح ڪصته بقهر ورجع ڪال

حسين ـ حسبي اللّٰۃ ونعم الوڪيل يما لا تتأملين ماڪو هيج شي غياث مات وشبع موت وناس متخاف اللّٰۃ جاين علينا يڪذبون..

رازقيه ـ اللّٰۃ يرحمك وليدي وفرحت عبالي ترجع لحضني يروح أمك

دلهم ـ عيونهم عليه معناها من يمتى اهنا وأڪفه وتعرفين رجعت الغرفه انقهرت وخربت فرحتي ومات الأمل الداخلي وهذاك الليل نوح عمتي عبئ ڪل زوايا البيت وۿي تردد إسمه وتبجي بقهر...

ومرت ﭑشهر واليوم ذڪرى وفاته عمي من الصبح ذبح وزع ما خله للبيت بس الغده العيال ڪلهن اجن ام طيبه وضفاف عماته والبيت صار هَـوسه

حيل اختنڪت بس اريد اخلص شغلي اروح لغرفتي اشبع بجـي وحدي وارتاح شافتني رجاء خطيه اخذت من ايدي راسن شمرت نفسـي بحضنـها مشتاقتلج رجاء والله ما مصدكه مات واليوم صار ذڪرى وفاته كلكم مصدكين بس اني ما ما مصدكه احس وجوده بحياتي