طعنه في خاصره النسيان

البارت الاربعون

#طعنه في خاصره النسيان

انعم الله اعله الوكف
والماوكف بالضيج
هن ايام يكضن والقصص تبقى ..
_عريان السيد خلف..🥺💔

دلهم ـ خبر مثل الصاعقه ولا اصدك وشلون وقتها حيل گرهت روحي جاوبتها من يمتى توفى

ميسون ـ اوففف من العصر بس أبوه مو راضي ينطي حاضنه ونايم هو وياه هسه ابوج خابروا بلڪي يڪدر يقنعه منتهي عـلئ لااخير فرغ بطنه گلها..

دلهم ـ اوففف يروحي راح وارتاح من هل العذاب بس شنو فرغ بطنه

ميسون ـ العلم عند الله سحر حسب كلام فاضل نفس غياث متقيء كله دود وأشياء قذره زاع الكبد مالته اووووف ما بيه أكمل بعد كومي نروح جهالج وحدهم متخبلين ويه أبوهم..

دلهم ـ بچيت بقهر بدلت علــئ السريع وطلعنا دمعتي ما نشفت أبدآ وإني أتذكره شلون يضحك ويلعب شلون گلبك هسه غياث صار فحم عليه..

وصلنا البيت كومه ناس وسيارات دخلت وياهم كوه مدافع والعياط واصل لآخر الدنيا دخل أبوي يصيح عليهم وايهاب يدفع الزلم كلها ملتمه باب الإستقبال..

أبو إيهاب ـ يمعودين جماعه الخير واحد برأسه عقل كلكم مخابيل طفل مات الله يرحمه ليش تعذبوه هل الاطفال شنو ذنبها تصارخ أم فاضل بويه هو هيج

رازقيه ـ انهدم بيت وليدي ما ضل علـئ حاله حال يبوووووه يبوووووه يبوووووه يمه يمه عقووولي

دلهم ـ أدفع النسوان أريد اشوفهم گلبي احترك منظره يبجي حتى الميت رند بصفه هو مخلي بحضنه يبوس بي والدم مغطي ملابسه يسار لازم كتف أبوه وأخواته يبجون بصف ابوهن موقف تمنيت أموت ولا أشوفه بهذا الضعف..

أبو إيهاب ـ أبو يسار وليدي انطيني الطفل يأبه خطيه شنو ذنبه خل يرتاح باع أمه تتعذب أرحم أهلك وجهالك يباعون الك البركه بيهم گوم وليدي..

غياث ـ متأكد أعيش هذا الوجع بعد وبعد..

رازقيه ـ اسمممممم الله لاااااا تگولهااااا

دلهم ـ يبوس بي خله أخواته يبوسنه ويسار يبجي أخذه منهم انطاه لأبوي  ورجع بقوه حضن يسار وهو علـئ الكرسي والبنات حضنن أبوهن من ظهره ويصرخون وياه...

وإني بس دموعي تصب موقفي صعب واگفه بصف أمي لازمت أيدي ترجف اباوعله روحي ذابت عليهم اجه أخوه فاضل گومه گوه يمشي عيونه دم فات من بين الناس صرت گباله بصف الحائط بس رفع رأسه باوعلي نظره علـئ سريع ما گدرت افسرها وراح

رگضت علــئ حضنتهم أسگت بيهم ولمار طگت من الصريخ والهوسه عمتي واسينات والضفاف عياط والنوح ..

لمار ـ ماما عقيل بعد ما نشوفه ماااات ماما عقولي راح بعد ما يرجع..

دلهم ـ اشش ماما عيوني انتوا خلص كافي أخذتهم وطلعت نوره لارا وياي الغرفه مالتهم قفلت الباب غيرت ملابسهن وأبدأ ما سگتن ويسار بس دموعه تصب كوه سكتوا بحضني...والعياط النسوان خاصه عمتي عملت عمل فلا صاير والله حرام هو طفل ليش النوح مو زين...