منقوله
الڪاتبه/شمــس النائلي
لاتنسون التعليق والتصويت
انتبهي من زيف الشعور وفرط الاهتمام ليس كل مايقال لك يحمل شيء من الصحه الاهتمامات لها غايه وان ادركت سيتنازل عنك فورأ..!
.
.
إيهاب :- خيتي رچلح وعيالچ چاين عليج يرجعونج شتڪولين يابه
دلهم :- جاوبته شعجب مو ابوي اجه بلغني ومن يمتى تاخذون رأيي ياريت ولو لمره وحده تنصفوني وتخلون الي رأي
ايهاب :-ڪولي خيتي وان شاء الله ما اقصر وياج
دلهـم:- ما اريد ارجع يا خوي فدوه لعينك احجي ويه ابوي ترا يجبرني كوه ارجع ادري بي
أثناء كلامي اجـه ابوي
ابو إيهاب :-ڪومي حضري نفسج عيالج ورجلـج اجو عليج ترجعين وياهم يلا بنتي
دلهم.. ما اريد ارجع يبًوي والله مالي نفس بيتهم خليني بيتڪ يابه عيني عـلـىٰ إيهاب خاف يعارض يوڪف وياي وما يتخلى عني
ابو إيهـاب :-شڪولين ولچ تڪسرين ڪلمتي هسه تڪومين وأريد وحده ما تجي وراي تحرڪيي
دلهـم... طلع يهـف بدشادشته وعصبي إيهاب هز راسه ما عجبه تصرفه اعرف محد يصف وياي بقيت ڪاعده ويائسه اخوتي سڪتنن خافن من عنده اجتي امي بلوعتله بقله أمل هاا بشري
ميسون.. شنـو بشر يمه تروحين ما تعرفين ابوج ڪلمته ينفذها على روسنه وروس الخلفونه
دلهـم:-ڪااافي مليت ما اريد ارجع يمه اني بنتڪم من دمڪم جاي اتعذب عايشه ويه انسان بعمره ما راح يحبني عليش باقيه احجي وياه فدوه رحتلج لا ترجعوني اله ڪرهتهم وڪرهت ڪلشي يخصهم بس خلصوني من عدهم مليت مليت مليت....
نـوران:لأ هيچ تڪولين خيتي امي شنو يطلع بيدها تره ڪلمه ابويه يمشيها علينه توڪلي على الله واستغفري وحاولي تحسين علاقتچ وياه بـڪلمة الحلوه والطيبه والله راح يڪون بس الچ وبطنج مليانه طفلڪم شنو ذنبه..
دلهم :- الصراحة متفاجئ عجيب وين ڪلامڪم الي يمه انتِ هم تسڪتين اوڪفي وياي فدوه
ما ردت عليه مسحت دموعها بطارف فوطتهـا عرفت استسلمت وخلص ڪمت بتعب احضر نفسي اروح
ميسون.. رجعـي يمه هالمره اذا سواها مرتـن ثانيه بيدي اجيبـج يمي واذب ابنهم عليهم وأريد واحد يفتح حلكه ليكون ابوج بنفسه والله احط طلقه برأسي وافتك منه ومن ظلمه شال خطيتـج بهالزواج
دلهم:-اڪتفيت الله كريم لبست وحضـرت نفسي بوست اخواتي مشيت وره امي مكسوره طلعوا من الاستقبال جان واكف يحجي ويه ابوي رفع عينـه عليه نزلت راسي وسلمت عليهـم
غازي.. هلا بويه عمي ڪلنه تاخذ راحتها بس مو طولين عمي المره مردها بيت رجلها وما يصير تبقى يم أهلها ڪل هل المده
رازقيه:- لا ارتاحت والف الحمدالله علــىٰ سلامتها وسلامة حفيدنه چاي بالطريق ابن الغالي
