أنا وهو مثل الحادية والثلاثون من ديسمبر
والأول من يناير قريبون جداً
لكن بيننا عام "
لاتنسون التصويت وبين الفقرات التعليقات
#طعنه في خاصره النسيان
منقوله للكاتبه شمس النائلي
_______
.
.
.
دلهم :- جاوبته؟ والله ما قصدي بس انت تجبرني هيج احجي
غياث :- اي وبعدين وياچ ڪل مره يفلت لسانچ وتڪولين ما قصدي شتـردين بالضبط فهمت
تردين اڪعد واتغزل بيـج ترا سوالف حبيبي َحياتي هذن ڪلهن ما اشتريهم بكشر بصـل سوالف مزعطه مو جاهله انتِ
دلهم :- ڪول انتـي مو انسانه الي ردتها ولا زوجه الـمناسبه حتى اتغزل واكولهـن الـج.. ليش سڪتت الصراحه حلوه وۿاي قسمتي راضيه اني
غياث :- لا واضح اهواي راضيه والله تطلعين الروح انتي اجي ارتاح بس تلغيـن يوميه سالفه شڪل يابه تطيـري
دلهم :- نفس ڪل مره نهايه ڪلامنه يسحب نفسه طلع وكت الغده يلا رجـع صبيت وكلنه كعدنه يسولفـون انـي بالي ولا يمهـم جنت كاعده بصفـه خله سهمـه كدامي وراح غسل دخل غرفته اشوي اجه كعد كمت صبيت جاي رجاء غسلت المواعين
ام طيبه.. صدك جذب يمه شكبرك صرت لازم ولد يشيل اسمك صارلڪم اهواي من تزوجتوا ولحد الان ماكو شي
رازقيه :- َبسم الله سويتي جبير وينه وين الكبر بعدهم صغار يلحـڪون عـلـىٰ هوسه الجهال باجر دلهم بنتي تترس البيت جهال مو يمـه
دلهم.. باوعت عليها بس ابتسمت الهـا هو جان بصفي بس اشوي مسافه تقرب َخله ايده عـلـىٰ ڪتفي يڪلب بـ جهاز التلفزيون اشوي سمعته همـس
غياث :- عود انتظرج تعاي وراي الزعلانه..
دلهم :- ابتسم باوعت علينه عمتـه حست بينه فعلا بدون مستحه ڪمت وخليتهن لان گلبي نار اريد افهمـه ليش هيج دخلت جان يريد ينام التفت عليه وهو يگول
غياث:- تره وضعج ابد ما عاجبني نضل هيـج َانتي منطڪره بوجـه الڪل واني صــآر مرتين اجي عليـج شبيــج؟
جاوبته بتنهيده :- تحبني الله عليڪ.
غياث:- وليش ما احبـج مو زوجتي شرط اعيش علاقه حب وياج تره اهواي علاقات حب يتزوجون ما يتفاهمون واكو حب بعد الزواج وانتي غيري هل نمط براسج يحبني وما يحبنـي وماڪو شيء يخلينة ما نحب بعض
دلهم :- سڪتت ورجعت ڪلتله طيب عادي اطلب منك طلب واحد ولا تعصب وتضل تذب ڪلام يقهرني.. رفع تك حاجبه وهز راسه
غياث :- ماشي اطلبي واختصري
دلهم :- خل اڪمل دراستي فدوه لعمرك والله ما ضل شي كلها سنتين واتخرج والله بس اخذ شهادتي حـرامات تعب سنوات
غياث:- خلصتي ڪلامچ! لو بعدچ.؟
دلهم :- ليش؟
غياث :- من الاخير اختصرها عليچ ماڪو دراسه..!
