طعنه في خاصره النسيان

البارت الخامس والثلاثون

#طعنه_في_خاصره_النسيان
الڪاتبه ـ شمس النائلي

                     

- ‏قد لا يمكنني بعد كل ما مررت به أن أكونㅤ أكثر براعةً في طي الأسى، لكنني اليوم أكثر جرأةً على ازاحة الأعزاء من منزلتهم برفق ..

                     

غياث ـ جمانه مڪانتج بگلبي اختلفت لأ تجبريني اتصرف غير تصرف انطمري بيتج وسڪتي لما إبني يتحسن هذاك الوقت إلي ڪلام وياج ويه نفسي....

                     

جمانه ـ رجعت جهزت الغده وۿو سبح اجه اڪل لكمه ومشه غمزت لارا معناها سألي وين ايروح؟؟

                     

لارا ـ بابا وين تروح هسه اچيت انت؟

                     

غياث ـ جديده هاي بابا تسألين لو وظيفه من امچن مالجن شغل انتبهن لدراسة وبسس..

                     

جمانه ـ مشه صحت وراه.. ترى العصر اروح لدلهم اشوفها ومشتاقه لجهال عصر ايده ورد

                     

ـ من يمتى حبايب انطمري وطلعه من البيت ماڪو وبالاساس دلهم ما تشتري ولا أحد بينا بگشر بصل.

                     

ـ طلع فرگت وجهي بملل اخ منج دلهم خبلتي مو الضيم ابنه مريض الضيم يمها هيه ماخذه عقلها عبالها تصرفها وعنادها وتغيرها تبعده بالعكس تزيد تعلقه بيها اخ واني شسويت وهيج يهملني..

                     

اتصلت بيها مغلق صايره مغروه والله وگت جنتي تذلين نفسج اله وگاتله روحج علية هسه مغلق ومن يمتى؟؟ دلهم اني وياج والزمن طويل لو اني رابحه لو انتي؟؟

                     

لليل وۿو ماڪو رجعت الاگل ومليت من الانتظار اتصلت عليه رفضني اكثر من مره رجعت الصاله اجه ۿو ما انتبهت لوجوده صاح بيه

                     

غياث ـ حضري الحمام وبعده سم نتسمم وأريد انحم نبهي البنات صوت مآ اريدد

                     

جمانه ـ بالأصل البنات ناموا من زمان انتظروك وانت ولا بالك عنده مره وبنات وبيت وين ماخذ عمرك ما ڪافي مآ ناوي تستقر..

                     

ـ استقر ليش مو استقريت وحياتنا مشت تمام والماضي رميته وره ظهري ونويت اعيش وياج وبس... اذكرج اخر مره من رحت لدوام شنو نبهت عليج
ـ ترى مآ ڪفرت ولآ سويت جريمه مجرد جمعت أم باابنها وانت من هذاك الوقت اخذت موقف مني ولا تحجي وياي حرف كأنما ما موجوده..