طعنة في خاصره النسيان
الڪاتبه /شمــس النائلي
بسام :- شـ مڪعدج بهل الوقت خيتي بيج شيء
جمانه :لا خويه بس ما نعسانه ڪلت اڪعد اشوف فلم عندي أرق
بسام :روحي نومي وارتاحي خيتي مو وقت أفلام
جمانه :- تصبح علــىٰ خير رحت لغرفتي ونمت وتجاهلت الفڪره لا چمانه لاتخلين افڪارج ادمرج
الصبح ڪعدت شفت تلفون اخوي نفس المڪان اسمع صوت بالحمام زين چاي يسبح بديت اڪلب بالأرقام ماكو اهواي أرقام شڪثر أصدقائك بسام
رحت علــىٰ اخر مكالمه مڪتوب غياث سجلته بتلفوني رجعته من طلعت من الاستقبال صارت أمي بوجهي انرعبت يمه وڪعتي گلبي
ام بسام :شسوين اهنا ولج
جمانه :شسوي قابل اجيت اشوف بسام لكيته بالحمام اني رايحه اڪمل نومتي
ام بسام :روحي نامي منو لآزمج عود ڪعدي ساعديني مو للظهر يلا تڪعدين..
جمانه :حاضر عفتها دخلت غرفتي وقفلتها بيدي تلفوني باوعت الرقم رآسا حفظته مثل اسمه فدوه اروح بإسمه شمرت روحي علــىٰ الجربايه فرحانه وايدي ترجف متردده أتصل ڪل اشوي عقلي يڪولي شڪل
أخر شيء ثبت علــىٰ رأي احجي وياه بصيغه غير وحده بعدين اتأكد من مشاعره واڪوله غمضت عيوني وچار الإتصال
رن رن توني ردت اقطع الاتصال اچاني صوته وڪل چسمي رجف
غياث :- الو اتفضل
"صباح الخير عفوا انت غياث
" صباح النور لا خيتي مو اني متوهمه بالرقم
"لا انت غياث
" ڪتلج مو أني
"لا انت اني متأڪده
" متأڪده وهيج تلحين روحي بابا تره ما فاضي لسوالفج من صباحية الله
"قطع الخط بوچهي غميت روحي شلون هسه يلا العصر ارجع اتصل عليه إذا يبقئ هيج اڪوله اني منو لان متأكده عنده مشاعر تجاهي مثل ما عندي مشاعر حب تجاهه
للعصر رحت المختبر وامي بس تباوعلي من طلعت صاحت وراي
ام بسام :- من ترجعين روحي لبيت خالتچ تسأل عليج من زمان ما رايحه الهم
جمانه :اي ان شاء الله تدللين نبع الحنان صاح اخوي بسام
بسام :لا وين تروح تره عازم أصدقائي منو يساعدج لاتروحين عود غير مره
ام بسام :لا اني ادبرها وحدي متعلمه خل تروح خالتها تسأل عنها
جمانه :ارجع من المختبر والله كريم يلا باي
طلعت وروحي متروسه فرح متأڪده يجي لأن هو أقرب واحد لبسام ما يرده..
من دخلت باقر جان واڪف ضحك وهو يتفحص شڪلي
باقر :- شهل الجمال والفرح تارس وجهج خير عمي نورينه بلكي نفرح وياج
