طعنه في خاصره النسيان

البارت الثالث والاربعون

#طعنه_في_خاصره_النسيان

رجعت مدنك بكل درب بي ماشين
بلكت حلم ضاع هنا
مثل ثلاجه الموته ادوره وما اريد الكا

جمانه

ـ خلصت شغلي وهو رجع من دوامه غير ملابسه علـئ سريع طلع حتى ما ڪالي وين يروح انوب هاي ضفاف وجودها بالبيت خانگني وجه البومه
ورند رجعت دوامها مبين وافق حضرته وإني مختبر حرام عليه ارجع أشتغل بي أوف منك..

رحت الغرفه ارتبها مغير ملابسه وشامرهن شعندك هل الكثر مستعجل واكفه أرتب الگتتور وضفاف وكفتلي يم الباب جاوبتها خيررر شعندج طلعتي من غرفتج شتردين سم بعده ما جاهز..

ضفاف ـ لأ بس أسأل علـئ غياث رجع من دوامه لو بعده

جمانه ـ أي بدل وطلع ليش تسألين ناويه تسويله سحر بعيونج لو شنـو ..

ضفاف ـ مالي گلام وياج أروح لغرفتي أحسن

جمانه ـ وبل الطكاگ روحي لگبرچ امداج إني لو اخوي حابسني يمه ويڪول لناس أختي واريدها تبقى يمي عود يبن لناس يحبج اطم روحي يا مجرمه

ضفاف ـ أموت وتخلصون منـي ...!!

جمانه ـ راحت گوه تمشي هي صحيح عمرها چبير بس مو هواي تقريبا 45 سنه هيج شئ لهذا عمرج وأعمال شيطانيه الله ياخذج ...خلصت ورن تلفوني باوعت أمي من يوم صار ما أتصلت عليهم ولا جاوبت أحد منهم عدا باقر...نطيتها رفض

دخل مزعوج دفع الكرسي بقوه ودخل الإستقبال وقفل الباب وراه شبي هذا بقيت انتظره مر وقت هو ما طلع بس اسمع صوت يمكن يحجي تلفون..
طلع شافني واكفه

غياث ـ شعندج ؟؟

جمانه ـ علمودك والله شبيك عيني أنت؟

غياث ـ ما بيه خليج بشغلج والبنات

جمانه ـ مشه وخلاني صحت وراه وإني نبقى هيج لو تشوفني ولا تسأل عني

غياث ـ أضن حجيت وياج قبل خل تستقر حياتي لأن والله تعبان حيل تعبان

جمانه ـ تمام حياتي علـئ راحتك راح وكلت أصبر عليه لأن صدك تعبان لليل هـو تأخر حتى بناته ينتظرنه رند راحت تصلي من يصير المغرب ما تطلع من غرفتها من يوم وفاته هي تغيرت صرت ولا اعرفه انسانه ثانيه دوم ساكته وعازله نفسها..

اتصلت عليه رد بصوت تعبان ويكح..

غياث ـ ها جمانه

ـ أخذت روحها جمانه وين أنت؟

ـ يم أبني حيل مشتاقله جمانه

ـ تبجي غياث

ـ اوففف ياريت باقي حتى لو مريض حتى لو نايم مستشفى بس مو نايم الگبور ..

ـ بچيت وياه وهو اختنك حيل قطع الاتصال كعدت انتظره عيوني علـئ الباب گله مني گله مني

رند ـ ما اجه هم خابرتي عليه