طعنه في خاصره النسيان

البارت الخامس والاربعون

#طعنه في خاصره النسيان
الڪاتبه ـ شﻤس آلنآئلي

دلهم...
دخول هيمن حياتي فتره قصيره فتح عيوني علـئ هواي شغلات واهمها ما أثق بأي بشر شكثر مقهوره علـئ روحي ثقيت بناس طلعوا مو گد الثقه...

دخلت لمار فرحانه عرفت أبوها اجه يأخذه..

لمار ـ ماما اجه أبوي دخلوا يم جدوا كال جيبي أخوج

دلهم ـ ماشي دفعت الكرسي مالته عيونه عليه أخذته مني لمار وراحت وياها زوجه خالي بقيت أنتظر لمار تجيني خاف تروح وياه وإني منو يبقالي... رجعت الغرفه لكيت تلفوني يتصل الدكتوره ايمان يالله شكثر مشتاقه إلها جاوبتها هلأ دكتوره

دكتوره ايمان ـ هلأ والله البذاته انهزمتي ولأ سألتي بعد وينج أنتي..

دلهم ـ اعذريني حقج عليه والله صارتلي ظروف وسالفتي سالفه طويلة..

ـ الله يريح بالچ وإني كل يوم أكول تجي وحتى تحاليلج بعد ما سألتي عنها..

ـ أي والله التهيت حتى ولأ بالي تحاليل؟

ـ دلهم أنتي مريضه؟؟

ـ شلون يعني؟

ـ لتخافين ماما ما بيچ شئ بس عندج خربطه هرمومات ويحتاجلچ متابعه والتزام بالعلاج دلهم ماما عالجي نفسج تأثر عليج ترى حتى إنجاب هم

ـ خوفتيني دكتوره منين طلعتي خربطه هرمومات هسه والله مو وكتها..

ـ لتخافين كلشي بالعلاج يروح سهله حبيبتي إني وياج كوني قويه لأ تضعفين ما بيج شئ..

ـ ماشي دكتوره مشكوره.. انتهى الإتصال بس دخت منين جانت الچ دلهم معقوله نفوري من غياث سببه هي إحتمال....

طلعت بره اشوفهم بس لمار كاعده وحده هاا ماماتي راحوا اخوج وينه

لمار ـ أخذوا للدكتور عمو فاضل كال ڪولي لامچ خل تلين رأسها..

دلهم ـ سڪتت وخليت الكلام بداخلي يجرح بيه وغياب يسار عن حضني أخذ العافيه وياه يومين وإني مسلوله لأ أكل ولأ شرب حتى شفتي يبست ولمار عيونها عليه خايفه

لمار ـ ماما شبيـچ عيني أنتي والله ما اعوفج حتى لو ما ترجعين لابوي بس لأ تسكتين ولله أخاف عليج..

دلهم ـ جريتها لحضني وتمسكت بيها بقوه لتخافين يروحها لامچ بس خايفه علـئ اخوج بالي يمه يرجع يعاني من ألم والله تعب وليدي وهو بصغره ما شاف شئ بس وجع..

بقينا وحده تواسي الثانيه رن تلفون غياث جاوبته سكت ألو غياث..

غياث ـ هلأ لمار وين

دلهم ـ موجوده بحضني ليش

ـ هيج بس سؤال

ـ جواب

ـ تردين الجهال لو أخذهم يمي ترى واكفه رايح چاي والطريق هسه لو يم أهلچ بيها مجال بس يم خوالچ ناس غربه داخل عليهم عيب والله