طعنه في خاصره النسيان

البارت الثاني والعشرون

#طعنه_في_خاصره_النسيان
الڪاتبه ـ شمس النائلي

أوّل خطوة لإيقافہم عن التّصرف ڪ سادة,
هي توقفك عن التصرف ڪ عبد

ولآ تڪن سجينآ فې ماضيك تحـرر ، لقد
ڪان درساً ليس حڪماً مؤبد ❤︎. ـ
ـ
ـ
ـ
ابو إيهاب ـ ولچ تفرضين ڪلمتج علينا ولج توافقين وتسڪتين ڪافي عاد لمي جهالج شبيج انتي ما تفڪرين بيهم أنـتِ مـوُ أمهم؟

دلهم ـ وأنت اب؟ ڪافي عاد خلوني مره وحده افڪر بنفسي احد منكم يفكر بيه دومكم تفرضون رأيكم عليه ما اتزوج وخلص لحد يجبرني جبرتني قبل وسڪتت ليش تعيد الغلط مره ثانيه ڪافي يابه اني بنتك حرام عليك ڪافي ظلم..

أبو إيهاب ـ واني شمسويلچ اليسمعج يڪولون معيشها بحجيم توافقين وغصبن عليج جهالج مرضى أهلهم أولى بيهم من عدنا نتحمل مسؤليه

إيهاب ـ أڪلچ ڪاافي عناد وراكبه راسج وافقي وهو مو غريب حسين خوش ولد وهذول جهال اخوه لاتصيريـن انانيه

ـ انانيه ليش ولا واحد بيكم منصف واني تڪولون على جهالي مرضى وتعبتوا منهـم اخ من الدنيا تخليك تذلك بيت اهلك بس اڪول حسبي الله ونعم الوكيل بعدني ما كملتها اجاني راچدي من ابوي رڪضت امـي عليه وكفت ڪدامه

ابو إيهاب ـ َعلـينا تڪولين هيچ ه وبوجهي صدك ما عرفت اربيٓج واسمعي أڪولج هذا الزواج يتم ورجلج فوك راسج واشوف منو ما يوافق

دلهم ـ طلعوا وخلوني مـڪسوره وڪعت ابجـي واندب حظي حضنتني امـي اوووف يمه ابوي ما يتوب مرات أشك روحي اني مو بنته ليش هيج يسوي والله حسين معتبره اخ شلون ازوجه

ميسون ـ اوووف يمه شبيدي عليج تعرفين بيه ما عندي ڪلمه من بعد ڪلمه ابوج الظالم ڪومي جهالج وحدهم

دلهم ـ ڪمت من يمها دخلت الغرفه يسار يريد يطلع شلته بحضني اخذته الحمام ڪعدته برا وكلتـهم ونومتهم للصبح انه كاعده وعيني ما شافت النوم وفڪره الزواج شلت حالي

الصبح اجـوا والشيـخ واني عيوني ورمت من ڪثر إلدموع حتى اخواتي يبجون عـلـىٰ حالـي دخلت امي عرفت ابوي دزهــا عليه بدون ڪلام لبست شالي وصلت الإستقبال حتى بدون تفڪير بس المهم اخلص من ظلم ابوي ڪل عقلي ارتاح بيت اهلي بدا ڪلامه الشيـخ ونطقتها ڪلمه نعم وأعلنت عذابـي بالحياة وصرت زوجته على سنه الله ورسوله

رجعت لغرفتي روحي مسلوبـه ورايه عمتي وامي البالهم سوا خل ابوي يرتاح خل اهلي يرتاحون عزوتي يڪولون الاهل سند وللعزوه اهلي صـرت ثڪيله عليهم باعوني مرتين ولا مره واحد بيهم نصفنـي وقتها قررت لو اشوف المـر الف مره ما افڪر ارجع لبيت اهلي لو أعرف أسڪن الشوراع!! خل يتحملون نتيجه اختيارهم

طلعت من البيت بس ودعت امي لان الوحيده من بيت اهلي اعتبرها اهلي كلهم ودعت الجهال وتبجـي اما ابوي وجبروته وطغيانه يضحك ويه عمي فرحان لان خلص مني ومن حملي