#طعنه_في_خاصره_النسيان
الڪاتبه ـ شمس النائلي
غركان وانه بغرفتي
والماي ماطخ ثوبي
ما اختلف على الجرف
بس هوه مخنوك بنهر
وانه بصور محبوبي
من جنت اجرحك تقترب
معجب جنت بسلوبي
واني ادري ليش تغيرت
جامد وما انحب صرت چيه انه طيبه گلب..
ـ
ٓـ
دلهم ـ مشيت طلعت جمانه لازمته من ايده تمنعه
جمانه ـ بالأول افهم بعدين احكم قابل ما تعرفها وهنا من يومهن ما يخافـن الله دلهم اذا طلعت من البيت اني ما ابقى دقيقه اروح وراها وهاي اخر ڪلامي ڪافي عاد بطل سوالفك ارحمها..
غياث ـ صايرات حبايب.. بهذا ڪلامج جاي تأمريني حضرتج تاالي وياجـن راح توكفن گلبي غضب عليجن من نسوان
بعدين بڪيفي اني اريد ابعدها منا تاالي واحد من عدنا يمووووت لو اني لو ۿي؟؟
جمانه ـ مشكلتك مو مشكلتنا محد ضربك على ايدك تاخذ نسوان اثنين وبعدين ماكو مشاكل بينه الميخافن الله حاشرات نفسهـن بينه استغفر ربك وخل دلهم ترجع للبيت ڪافي ابنكم مريض فكروا بًي
غياث ـ امـشن انكبـرن كدامي وحدتجـن بكد الثور وعقل ماكو والله الي تطلع عتبـه الباب رجليها اكسـرن واني اربي من جديد صبر صبر عليه
دلهم ـ دخلت البيت وڪل جسمي يون عليه صحيح ما ضربني ولا مد ايده عليه بس روحي متعوبـه ما ڪافي قهري انوب أسينات طلعتها مالت البيت شلون طلعوا من البيت كعدوا إيجار حسبي الله ونعم الوكيل بيكم يا ظلام
بدلت ملابسـي رجعتن بالكنتور ويسار يمـي بالغرفه ما طلع يمكن خايف نٓروح او يمكن خايف من عدنا نتبعد تقربت عليه احاول اخلي يڪون باامان وما راح يصيٓر
يسار ـ يمه ليش انتـي وابويه ما تحبون واحد لاخ مثل عمه جمانه
دلهم ـ منيلك هالكلام يسار لا حَـبيبـي لا هيٓج تڪول احنه نحب بعض بس اشويه مشكله صغيره وانحلت ماشي امـي هزلي راسه
يربي الولد كبر وصار يفهم شتوقعــين دلهم راح يروح صف خامس ولد واعي واني لحد الان ما مرتاحه جهالي كبروا ومشاكلنا مشتغله حسبي الله ونعم الوكيل بيهٓم اشوكت نرتاح..
لليل ما طلعت ويسار يمـي دخلت جمانه علينا ادري عدها ڪلام وتريد تعرف شصار اكيد توكف وياه مو وياي واني منـو الـي
جمانه ـ يسار عيني تعال ابوك يريدك ويسـأل عنـك عشاك جاهز تعال حَـبيبـي
دلهم ـ روح ماما دنكت شالته وراحت اشويه واجتي قفلت الباب وراها كعدت بصفي
جاوبتها ـ اذا عنـدج ڪلام او سؤال بخصوص الصار خلي بعدين كلش مالي خلك الشفته اليوم ڪافي وزايد هم ؟
جمانه ـ هذا الشيء براحتـج بس بالي بقى يمـج كلت اجيج وافهم السالفه يمكن أسينات الها ايد بيها لو غلطانه
