طعنه في خاصره النسيان

البارت الحادي عشر

طعنة_في_خاصرى_النسيان
الڪاتبه "شمس النائلي

البارت 11
___چَنت اكُلهَم
نَار بيه
نَار بيه
وُجذبوني
وُمن بقيت ارماد كالوا
ليش مَا گلت احترك

دلهم :- صحيت من النوم بفراشي ويسوري نايم علــىٰ بطن أبوه وهو حاضنه ماڪو غطا عليهم غطيتهم بوسًُّ أبني بقيت اطالع شڪلهم شلون نايمين صدري مجروح حتى صوتي رايح يمڪن من العبره حابستها بداخلي..

تحرك من مڪانه يسار صرخ درت ظهرت سحبته وهو لازم أيدي جاوبته خل انومه بسريرها يضايقك بس يتڪلب بنومته

غياث :لا خلي مرتاح فدوه لنومته وليدي..

"ماشي سحبت أيدي غيرت ملابسي بالحمام وطلعت لڪيتهن مسويات حمله تنظيف علــىٰ البيت ڪله حتى الحياطين والحديقه عباس ينظف بيها ويقلم الأشجار استغربت معقوله اهنا ايسوي العرس؟.

شفت رجاء تحضر الغده؟؟ اڪول رجاء اخوج اهنا يسوي العرس لأن اشوف الڪل مختبص من عرس آول مره ما شفتهم هيج مخبوصين..

رجاء :-مـآدريييَ هذن بڪيفهن حتى هو ما يدري ولا فتح موضوع من رجع ڪبل دخل يمج ونام حتى عمامي اجوا عليه وهو نايم

"محد جابره يتزوچ!! عفتها وهو ڪعد بعد ما شفته اڪيد دزت عليه عدها شغل لو يعقد محڪمه يجي وقت الغده اخذ أڪلي بغرفتي بس أني وابني والعشه ڪذلك هو للمغرب يلا أجه شافنا نأكل وحدنا تقرب يمنا واني ڪمت وعفت الصينية يما غسلت وشلت يسار هو بقه وحده..

غياث :- إذا تحبين أوديچ لأهلچ فتره وأجي أخذج

"جاوبته. لآ خليني مرتاحه أذا يردون أهلي همه يجون بعد ما أعتب علــىٰ أحد ولا ازرع محبه بگلب أحد.. ما رد عليه طلعت من يمه وخليته دلهم الجانت قبل خلقت منها إنسانه محطمة وراح تبني نفسها من جديد بعد الحطام الذي حصل بهـــــا؟؟
_____
جمانه :- من بعد خطوبتنا صحيح اخوي باقر رافض وما مقتنع بالڪوه بسام قنعه لأن چان موافق صاحبه يصير نسيبه وأمي نفس موفقها

واڪفه أخلي مكياج واعدل روحي منتظرته يچي علمود نطلع نختار الغرفه دخلت أمي صافنه علــىٰ شڪلي ورجعت تڪول

ام بسام..هاي ام طيبه ذبحتني مدري شنو عاشڪات بي الولد طلعت هيه هم ناويه تزوجه على ذوقها هيه واخته تڪول عرفنه گلبه يمڪم ليش همه يعرفون عدكم علاقه حب وياه يمه

جمانه.. خل طير ما حبيتها شڪلها وحده شرانيه

ام بسام.. ايي مبينه واهوايه حجت عـلـىٰ مرته تڪول وسخه وما تعتني بنفسها وبس همها الشغل يرجع من الدوام وهيه طامسه بالشغل وريحتها تذبح

جمانه:- ماما احتمال ڪلامها صدك الي اعرفه هو ماخذ بنت عرب او ما يحبها اصلآ

ام بسام.. وشحلاتهن بنات العرب لا تحلليـن من ڪيفج الناس اصناف حرام يمه ما نعرفها ما نحجي عنها