#طعنه فـي خاصره النسيان
الڪاتبه ـ شمس النائلي
ـ
ـ
ـ
غياث ـ خلصي راح نتأخر
دلهم ـ نزلت راسي وايدي مغطيه أجزاء جسمي ڪأنما غربه عن بعض نظره سريعه وطلع رد الباب وراه خلصت وطلعت جانوا جاهزين
طلعنا للمطار..، مرت وقت على رجلي يسار نايم ولمار يم ابوها ليكدام جر تلفونه واتصل ويصيح عليه ما فهمت منو ۿذا؟؟
غياث ـ انت حيوان مو بلغتك البارحه ڪلتلك تعال الصبح للمطار تاخذ السياره ترجعهـا البيت نايم من كبر يلفك دقايق تجينـي بسرعه..؟؟
دلهم ـ قطع الخط ذب تلفون بضجر وصلنا وكعد ينتظر وينافخ نزل من السياره باوعلته هذا باقر عزاا وهيج غلط بينهم اجتني الضحكه باقر يرڪض سريع نزل من التكسي اخذ نفس وڪال
باقر ـ ورح أبوي والله لما صديق بسام ما اعترف بيك زوج اختي بس صارت هسه ڪول شتريد؟
غياث ـ أڪول انجب زين لو لا.. وبعدين قبل اشويه حجيت وياك طرن انت ما تسمع ما تفهم
دلهم ـ صافنه عليهم باوعلي وضحك وهو يڪول؟
باقر ـ ايي وداعتك ما اسمع اطرش بس اشوف شمس الله من الصبح شلون منوره
غياث ـ باقر عيونك لا اطلعهـن اخذ السياره ولي عود دير بالك عليهم ما أوصيك وصيت بسام
باقر ـ يلا يمعود وين مسافر قابل للتفاوض ويه الدول تروحون وترجعون بالسلامة عود انت خل ياخذونك شڪو راجع العراق زلك ما يراد يمعود
غياث ـ ليش ياخذوني وانت تبقى تسرح وتمرح اڪول كمت تمسلت شو ڪدامي لا اهفك انومك ﭑسبوٰ؏ بحاله
باقر ـ ايي عمي تحرڪنا بس اعصابك علينه ما تحمل من الصبح نار الله يساعد الحرمه عليك..
غياث ـ ما يخصك أمشي ولي زعطوط
دلهم ـ متت ضحك كوه حابستها اخر شي ضربه على ظهره وضحڪ ونزلنا هو شال يسار واني ولمار وراه وباقر يدفع بالجنط ويدرددم
باقر ـ يربي شلون قهر من دكتور معروف واسمي والله إلى حمال جنط ترى هذا مو انصاف بالله العظيم ظلم
غياث ـ لخاطر اللّٰۃ ما تسڪت ترا ثولت راسي من الصبح ماكل باجه مو مثلك
دلهم ـ مشينه وهو ڪل اشويه بذبله كلمه كعدنه ننتظر وهو راح يشوف و باقر ذب الجنط ڪعد يباوع للجهال ويڪول؟
باقر ـ ايي لو ابوكم يطلق امڪم جان هساع اني الأب المثالي بس اخ منج جمانه تالي اجعص رأسه شتڪول يسار
يسار ـ منو ۿو؟؟
دلهم ـ هيج يمه مو يمك باقر اسكت يمعود ترى يفهمون عليك وهاي تنقل ڪلشي لابوها ما ناقصين خليك بسوالفك الحلوه تمام
باقر ـ تمام الغاليه أم يسار شعندي غيرڪم احبل اجيب
دلهم ـ ضحكت وضحك وراح عليه اشويه اجوا وطلعنا وهو راح ياخذ السياره يرجع البيت صعدنه الطياره معقد اني ولمار ومعقد كدامي هو ويسار لان يسار يريد وحده ما يرتاح..
مر وقت ما حسينا بي نزلنا انطاني يسار ولمار تمشي كدامنه نعسانه تجر بروحها وهو اخذ الجنط اخذنه تكسي للفندق دخلت تعبانه نومت يسار وبدلت ملابسهم يرتاحون هو دخل خله الجنط ونزل اشويه واجه جايب الاكل.
